|
某日，因工作量比较多所以需要临时OT。
ffice ffice" />
按照平时嘅习惯打电话去快餐店订餐，意外就响尔一刻发生嘞。对方唔系我平时听开嘅广州话，应该系换咗人啩，尔个都唔系问题重点为，重点系嗰位接电话嘅外省老兄听到我一直用广州话同佢落单，就好唔耐烦噉用命令式语气要求我讲普通话。岂有此理！听到佢啲语气真系佛都有火。不过我都重系建议佢：「如果你唔识讲广州话，识得听我讲都冇问题，假如你两样都唔识，你就换个识讲嘅同事嚟接单。」点知外省老兄好有性格咁回应：「这里没有人，你到底讲不讲普通话？」事关我要落嘅嘢比较复杂，为求清楚明了，我就话：「普通话我唔识讲！」外省老兄到完之后就粒声唔出扱埋我电话。
鉴于此外省老兄扱电话嘅嚣张态度，完全系响度挑战云月嘅容忍底线。当我再次拨返过去质问佢嘅态度同埋问佢，系咪唔讲普通话就唔做生意嘞？佢都懒得理我，重一味强调要我讲普通话，返过嚟建议我揾个识讲普通话嘅嚟同佢讲。免得难为加班同事嗰肚，云月好将就咁将电话递畀另一位同事「接力」。我同事接过电话之后，对方亦马上换上个识讲广州话嘅嚟接单。
……
稍晚一啲，我再次打电话过去要求揾餐厅老板，谂住问下餐厅老板系咪唔识讲普通话就唔接单唔做生意？同时表达我对佢请嘅嗰位外省老兄嚣张服务态度嘅不满。餐厅老世唔响度，接电话嘅系位识讲广州话嘅服务生，服务生问我揾老世咩事，我就直接同佢讲咗之前关于外省老兄嘅恶劣工作态度，服务生解释话：「佢系新嚟嘅，我会话佢咖啦！」
响广州打工唔识听广州话兼态度如此放肆嘅人，云月都系第一次「见识」。虽然暂时未揾到餐厅老板投诉，我唔会就此算数，反正平时都有帮衬开嗰间餐厅，边日见到佢老世啰，外省老兄就唔好彩咯，到时候睇下佢系装蒜定装葱。 | 
發表於 2008-11-26 13:43:37
咁大「整古」