你哋覺得（使）同（駛）同音咩

hanhongding

我經常見到吖啲人寫（唔使啦）（啱唔啱使）等

     咪應該講（駛）咩，使同駛根本就唔係同音嘅，（天使）唔通你哋讀成（天駛）？

菜菜子

原帖由 hanhongding 於 2008-11-23 18:58 發表 我經常見到吖啲人寫（唔使啦）（啱唔啱使）等      咪應該講（駛）咩，使同駛根本就唔係同音嘅，（天使）唔通你哋讀成（天駛）？

 

嗰o的人搵你笨啫

正確講法應該係:  唔駛\駛乜......使(屎)用.......天使(屎).....洗錢.

 

Lucciora

「使」字喺廣州祇會讀「洗」，後來先知香港係有人從古讀「屎」（另外一個講法係「使」字文讀爲「屎」，白讀爲「洗」），組詞上絕對係「使錢」啱而「駛錢」錯，廣州人一般唔會將「使用」讀「屎用」

以前ANL最鍾意證明「使」字讀「洗」係以廣州民國時期由於尐文錢如果用得耐，磨蝕咗嘅話會相對於新嘅文錢較為唔值錢，所以當時有個詞叫「擇使（讀作：擇洗）」，就係話民國嘅人係要揀擇尐文錢來使用


[ 本帖最後由 Lucciora 於 2008-11-24 19:04 編輯 ]

Lucciora

「天使」讀「天市」

外外星人

原帖由 Lucciora 於 2008-11-24 18:58 發表 「天使」讀「天市」

 

「天使」讀「天试」

Lucciora

「天試」都啱，而我嘅第一反應係讀「市」，查過吓又眞係冇「市」音，有尐迷

普君南拆遷居民

原帖由 hanhongding 於 2008-11-23 18:58 發表 我經常見到吖啲人寫（唔使啦）（啱唔啱使）等      咪應該講（駛）咩，使同駛根本就唔係同音嘅，（天使）唔通你哋讀成（天駛）？

 

乜你以為使淨係得一個讀音咩？佩服樓主勇氣，第一個主動申請接受本版澄教。

芬1012

詞性唔同，就有唔同嘅發音，呢樣嘢喺粵語入便係好常見嘅。

 

細心啲分析一吓佢哋啲詞性就知咖喇。

嶺南散人

可視爲文讀白讀之別

黄百万

唔系白读，系「口忌」。但亦要承认「屎」系官音。

 

大屎馆？屎坑？粪池？乜解救咁大间屎馆啊？ 讲「大试馆」就唔会惗到屎坑囖。

 

出屎东吴？啊卧龙先生，乜你屙「笃」屎都要穿州过省啊？

 

屎者？讲紧屎坑公咩！

 

屎用？尐屎咁臭，点用啊？ 「洗用」不但顺口，结合翻「大试馆」重唔会同「试用」重词。

 

 

 

 

 

 

嶺南散人

原帖由 黄百万 於 2008-11-29 12:48 發表 唔系白读，系「口忌」。但亦要承认「屎」系官音。   大屎馆？屎坑？粪池？乜解救咁大间屎馆啊？ 讲「大试馆」就唔会惗到屎坑囖。   出屎东吴？啊卧龙先生，乜你屙「笃」屎都要穿州过省啊？   屎者？讲紧屎坑公咩！   ...

此言差矣。

向四邑話瓦後，使[ u]同屎[si]根本唔同音，無須「口忌」，但仍要區分文白異讀，即使文讀爲[ u]白讀爲[soi]。

故此，廣州話亦同此理，文讀爲[si]白讀爲[s i]。