“着衫”系唔系呢个“着”？

余福智

有人话“着衫”唔系用呢个“着”，另有个日字边的。我未识，有识的，请你教我！

desmond

「着衫」用「着」字，啱。

顺德水蛇粥

「着裤」「着裙」都系用呢个「着」字。 哈哈哈.......................... em10: em12: em13:

dada

傳統繁體（《國語辭典》）寫「著」。

Anl

而家用法一般都將"着"\"著"分開用.

顺德水蛇粥

陶杰讲，冇所谓嘅繁体字，只有正体字。

豬豬奶茶

著衫,衣著

desmond

着zoek3/zoek6 著zyu3

余OK

唔係有啲人講如果繁體字叫作正體字，就會産生簡體字係邪體字嘅睇法，我係喜歡正體字嘅名稱嘅。而家普遍認爲“傳統字”呢個叫法折中啲，所以倡導大家以後用“傳統字”取代“繁體字”嘅講法。。。

豬豬奶茶

「著」係多音字,「著」除有「著作」,「土著」等意思外基本囊括晒「着」有嘅意思,係咪全部就唔清楚,基本嗰啲著陸,說著看著,著火等等,用邊個都冇錯,通用(應該通啩,香港啲媒體好似頗少用「着」)

蟲子

余ok在2005-08-24 18:17:44說道：[br]唔係有啲人講如果繁體字叫作正體字，就會産生簡體字係邪體字嘅睇法，我係喜歡正體字嘅名稱嘅。而家普遍認爲“傳統字”呢個叫法折中啲，所以倡導大家以後用“傳統字”取代“繁體字”嘅講法。。。

我認為係:傳統字(chinese (traditional))同埋簡體字chinese (simplified))

Anl

豬豬奶茶在2005-08-24 18:44:16說道：[br]「著」係多音字,「著」除有「著作」,「土著」等意思外基本囊括晒「着」有嘅意思,係咪全部就唔清楚,基本嗰啲著陸,說著看著,著火等等,用邊個都冇錯,通用(應該通啩,香港啲媒體好似頗少用「着」)

其實港澳臺都甚少用“着”字，其原因可能係繁體系統電腦big5內碼冇收呢個字。好多香港人手寫都係寫返“着”。正如香港都好少用“爲”字，一般用“為”多，我認爲都係呢個原因。 區分“著\著”呢兩個字嘅用法都算係一個進步嚟嘅。 而且我查過好多書，“爲”先係正寫，“為”祇係俗寫。連《康熙字典》都將“爲”歸入爪部，冇收“為”字。祇有《辭海》、《漢語大字典》兩字兼收，其餘字典一般祇收其中一個。

豬豬奶茶

其實都冇所謂啦,祇要字啱,書寫習慣用開邊個就邊個,只祇,曬晒,著着,為爲,祇要唔係意思離咗個譜,都冇問題啦

anl在2005-08-24 19:31:04說道：其實港澳臺都甚少用“着”字，其原因可能係繁體系統電腦big5內碼冇收呢個字。好多香港人手寫都係寫返“着”。正如香港都好少用“爲”字，一般用“為”多，我認爲都係呢個原因。 區分“著\著”呢兩個字嘅用法都算係一個進步嚟嘅。 而且我查過好多書，“爲”先係正寫，“為”祇係俗寫。連《康熙字典》都將“爲”歸入爪部，冇收“為”字。祇有《辭海》、《漢語大字典》兩字兼收，其餘字典一般祇收其中一個。

Anl

曬同晒就確實應該區分。 著、着影響唔大，不過粵語協會嘅文章用字係將呢兩個字區分嚟用。 至於“只祇、爲為”可以求同存異。

highyun

余福智在2005-08-24 11:37:12說道：[br]有人话“着衫”唔系用呢个“着”，另有个日字边的。我未识，有识的，请你教我！

从未听过有个“日”字边嘅，究竟喺边度见过呢个字？呢个字大概系点样架？

余福智

多谢哂！ 重想问：“着数”系唔系呢个“着”，能够唔能够用“著”呢？

Anl

着數係呢個“着”，之前講過“著”都可以代替所有“著”，所以可以寫“著數”。不過粵語協會嘅文章如果要用到呢個詞，都會寫返“着數”。

dada

「為」正字真係從「爪」﹐因為甲骨文係「手牽象形」﹐表示有所作為嘅意思 。羅振玉﹕「意古者役象以助勞﹐其事或尚在服牛乘馬以前。」 編輯﹕點樣貼從「爪」個「為」字﹖

豬豬奶茶

甲骨文都出埋,佩服