從「小」講粵語——何謂粗口？

UngooChan

　　粵語嘅「粗口」就係所謂嘅髒話，形容某啲人講說話粗口，可以話佢「爛口」或「粗口爛舌」。此外，「爆粗」、「講三字經」、「問候人母親」、「炒蝦拆蟹」、「媽」、「媽叉」、「媽媽聲」等都係「講粗口」嘅同義詞。
噉點先算係粗口呢？粵語粗口定義因人而異，於我嚟講，可以有四個層次嘅定義：
　　1、只包含「五字真言」嘅粗口。所謂五字真言，即「、閪、、、」五個核心粗口用字，基本上粵語粗口嘅絕大部分用語，都源自呢幾個字，以後會逐個詳解。
　　2、第一層定義基礎上，再加上若干個明顯具有攻擊性質嘅詞語，如「冚家×」、「仆街」、「死老母」、「死鏟」、等等。呢類詞嘅性質往往難以界定，有啲詞，某啲場合唔具攻擊性，但某啲場合攻擊性甚於「五字真言」。因此，只能有個大概範圍嘅限定。
　　3、第二層定義基礎上，加上一堆涉及性嘅不文詞彙。嚴格嚟講，「五字真言」全部涉及性，但此處所講嘅不文詞彙，係指該五字以外嘅其它詞彙，如性器官（「賓周」、「波」），性行為（「卜嘢」、「數毛」）等等。
　　4、第三層定義基礎上，加上一堆市井粗俗語以及諧音五字真言嘅詞，如「條女」、「收嗲」、「竄」、「小喇叭」、「笨實」等。
　　大多數人接受嘅粗口定義，係以上嘅第一同第二層。亦即係講，第三、四層提到嘅用語，只能算係不文/不雅用語，但並唔可以視為粗口。本人亦認同該種定義方法，但本博落嘅文章唔限於探討粗口，因此範圍會延及以上全部四個層次。

gboss

原帖由 UngooChan 於 2008-10-21 21:54 發表 　　粵語嘅「粗口」就係所謂嘅髒話，形容某啲人講說話粗口，可以話佢「爛口」或「粗口爛舌」。此外，「爆粗」、「講三字經」、「問候人母親」、「炒蝦拆蟹」、「媽」、「媽叉」、「媽媽聲」等都係「講粗口」嘅同義詞。噉 ...

 

　　呢度嘅五字真言都係香港造字，喺咁多個字之中，我只認同個「閪」字，點解？

 

　　因為我聽過有人解過個「要」字，「要」嘅金文上部就好似用雙手擘開陰唇，成個字表示女士自己想要（面對「忄生」，遠古嘅人比較坦然）。

要.JPG (6.9 KB, 下載次數: 5)

2008-11-14 15:36 上傳

點擊文件名下載附件
閱讀權限: 30

　　雖然唔知噉解字法嘅可信程度有幾高，但廣府話嘅「西」，的確係指私處，噉「閪」字嘅「西」就代表小陰唇，「門」就係代表大陰唇，從漢字嘅象形同音韻方面嚟講，「閪」字造得相當好。

 

　　至于「七」、「九」嗰啲，我想問，唔通有人係「攣」嘅？

　　

　　可能有啲兒童不宜，管理員手下留情。

Lucciora

原帖由 gboss 於 2008-11-14 15:36 發表   　　呢度嘅五字真言都係香港造字，喺咁多個字之中，我只認同個「閪」字，點解？   　　因為我聽過有人解過個「要」字，「要」嘅金文上部就好似用雙手擘開陰唇，成個字表示女士自己想要（面對「忄生」，遠古嘅人比較坦 ...

 

「閪」字本身係朝鮮族自造字，嚴格來講唔係中原漢字，係香港借用，正字係「屄」，另外亦有話係「尸+旨」

 

 

「尸

    旨」

gboss

原帖由 Lucciora 於 2008-11-15 02:10 發表   「閪」字本身係朝鮮族自造字，嚴格來講唔係中原漢字，係香港借用，正字係「屄」，另外亦有話係「尸+旨」     「尸     旨」 ...

 

「屄」字我知，我衹係話我比較認同個「閪」字，至于你話係朝鮮族造嘅，問題就嚟了，朝鮮族造呢個字原先係唔係呢個意思先？