搏一搏有摩托

越来粤正

先嚟一段故：       

       以前70年代嘅广州都系单车王国,多数人靠单车上落班或者出街。

 

       当时私有摩托车比较小街上见到就得嗰几只牌子,国产就得嘉陵本田进口就系嘎子嗰几只欧美牌子就根本冇。

 

       国产牌子个人够钱就买嘚，噉到底进口牌子点样搞呢？就要靠亲朋戚友用出国人员免税名额买返嚟或者去海珠广场华侨酒店旁边嗰间免税店办手续买，亦都有唔少船员出埠系国外买做带返嚟，仲有就系用代用券外汇券去特定市场买。

 

       嗰个时候有部摩托车就威水咯风头直情同而家开四个辘嘅程度冇咩区别，当时连汽车都少公交车都系得嗰几十条线其余就系单位车私家车极少，喺条路上几时都系摩托车快过汽车系噉喺条路度飙你话几型洒呢！

 

       所以有唔少人都梦想有部摩托，冇钱啊点办呢？搵快钱咯！噉除咗赌博都仲系赌博，几大都揸住些少去刀仔锯大树啦，一个唔觉锯冧颗树你就发啦一于即刻执返部心仪嘅先！

 

       广州人讲嘢都好兴玩顺口兼压韵，噉样「搏一搏有摩托」就系噉嚟咖啦！

gboss

原帖由 越来粤正 於 2008-11-9 19:45 發表 先嚟一段故：               以前70年代嘅广州都系单车王国,多数人靠单车上落班或者出街。          当时私 ...

 

我始終認為，用摩托車媾女型灑啲，最重要係佢喺后面攬實你條腰嗰吓就夠浪漫啦。當你加油去盡，細膽嘅重會尖叫兼加多兩成肉緊攬實你添。

 

當然如果女生揸車，男嘅喺后面重過癮。你話卟卟車邊度得。

馬萬千

我聴個版本係「博一博、単車変摩托」

越来粤正

原帖由 gboss 於 2008-11-10 12:02 PM 發表   我始終認為，用摩托車媾女型灑啲，最重要係佢喺后面攬實你條腰嗰吓就夠浪漫啦。當你加油去盡，細膽嘅重會尖叫兼加多兩成肉緊攬實你添。   當然如果女生揸車，男嘅喺后面重過癮。你話卟卟車邊度得。 ...

 

哈哈 正中要害

 

 

 

另外请问版主:搏懵用哩个"搏"啱唔啱 ? 

彼岸花

未聽過.

僆仔

粤语造词句归公于随口噏嘅顺口溜 噏下噏下就噏开嗮

黄百万

嘉陵仔都系后期噜，我记忆中较早出现系 yamaha 排气量好似 70cc 中期经典车型系 本田 125cc的圆灯旧版。

 

到开摩托媾女就流行suzuki（刀仔、铃木刀） 太子（铃木王），

 

早期都讲 博一博，单车变摩托。睇完发哥出戏就成日讲 唔赌唔知时运到，唔嫖唔知身体好。

 

经济萧条时就变咗 生意淡薄，不如赌博。

紫凤凰

小心噃，因著賭得多，輸得多，好快冇埋個安樂窩。

fatcat

小弟講呢句說話的時候仲係街邊拍玩緊賭貼紙。

使君子

原帖由 黄百万 於 2008-12-30 02:11 發表 嘉陵仔都系后期噜，我记忆中较早出现系 yamaha 排气量好似 70cc 中期经典车型系 本田 125cc的圆灯旧版。   到开摩托媾女就流行suzuki（刀仔、铃木刀） 太子（铃木王），   早期都讲 博一博，单车变摩托。睇完发哥出戏就 ...

kawasaki（川崎）都有，二冲程既。