「嘅」嘅本字係「其」？

melop

其
又【集韻】【韻會】居吏切。【正韻】吉器切，音寄。【韻會】語已辭。【詩·檜風】彼其之子。通作記。【禮·表記】引《詩》彼記之子。又通已。【左傳·襄二十七年】引《詩》彼己之子。又【韻會】或作忌。【詩·鄭風】叔善射忌。

忌
【集韻】居利切【正韻】吉器切，音懻。語助辭。【詩·鄭風】叔善射忌。　

睇來其字讀陰去聲（居吏切，今讀 ge3）時，係反身代詞，意思係某人自己嘅。所以，我嘅（我其）本指「我自己（嘅）」，佢嘅（渠其）本指「渠自己（嘅）」，係一種表示強調嘅方法，後來喺粵語變成咗表示所有嘅詞。
當放喺句尾做語氣詞，又可以寫作忌。

所以，正字是否可以寫作：

我其細妹係好靚忌。
渠地其結論係正確忌。

攸固

其之義可通,音又近.
若用于句中,我覺可.
[ 本帖最後由 攸固 於 2008-11-8 21:37 編輯 ]