他山之石---加泰隆尼亞

lhk

近日秋遊西班牙充電，增長唔少見識。其中一站：巴塞隆拿，係屬於加泰隆尼亞地區嘅首府。呢個城市無論係國際大都會程度、城市規劃建設、文化獨特性同藝術成就（畢加索、達利、高迪、米羅等現代藝術名家，均出自此地）都喺西班牙獨樹一幟，亦係歐洲其中一個發展度同文化多樣性頗高嘅地區性中心。由以上角度講，雖然唔係政治中心同西班牙主流文化嘅核心，巴塞隆拿之於西班牙可以比作香港之於大中華地區，毫無過分。

而巴塞隆拿所在嘅加泰隆尼亞地區，由於語言、文化同西班牙其他地方好大分別，其地區症苦亦大力推動地區文化，比如為本國人、外國人提供免費嘅本土語言基礎課程，至於市面路名、博物館介紹所用之語言文字保育就更不在話下。可見，一個地方經濟發達、文化包容，完全係可以同本土語言、文化獨特性嘅繁榮、保存係唔矛盾嘅。唔知一啲口講尊重各民族、地方文化嘅國家，實際上又做緊啲乜嘢呢？只要觀察下佢市面上關於語言文字嘅標語、廣告，就雞食放光草喇。

以下補充少少資料：
加泰羅尼亞（加泰隆尼亞語：Catalunya；奧克語：Catalonha；西班牙語：Cataluña）位於伊比利亞半島東北部，是西班牙17個自治區之一，下轄巴塞隆拿省、萊里達省、赫羅納省和塔拉戈納省等四省，首府巴塞隆拿。

加泰羅尼亞在中世紀時逐漸形成。12世紀時加泰羅尼亞與阿拉貢王國聯合建立加泰羅尼亞-阿拉貢王國。18世紀時波旁王朝的腓力五世成為西班牙國王，他取消了加泰羅尼亞的自治症苦，禁止以加泰羅尼亞語作為官方語言。1933年加泰羅尼亞重建自治症苦，但1939年佛朗哥在西班牙內戰中勝利後再次取消加泰羅尼亞的自治並禁用加泰羅尼亞語。直到1975年，加泰羅尼亞重又恢復自治，加泰羅尼亞語也在西班牙獲得官方語言地位，並被承認為獨立的歐洲語言。

以下係喺巴塞隆拿嘅地鐵站隨處可見嘅症苦廣告：


解釋：廣告分別用加泰隆尼亞文、西班牙文、英文、法文、俄文、中文、阿拉伯文（本土語言+6種聯合國官方語文）表達一個信息：巴塞隆拿（市症苦）教你學加泰隆尼亞文，基礎課程係免費授課嘅。

lhk

本身講緊正經嘢，個智能系統都識得用「症苦」。。。

gboss

原帖由 lhk 於 2008-11-8 04:00 發表 本身講緊正經嘢，個智能系統都識得用「症苦」。。。

 

稳阵啲好，家阵风头火势，我都一律用「囧国」唔用「Ф国」。话时话，点解呢个版冇人讲吓阿拉伯语嘅？