【原创】靓女 打包

gzshuzha

【原创】靓女 打包

    「靓女，打包。」这句话，今时今日在广州的酒楼食肆周时可以听到，「靓女」与相貌无关，泛指女性，在酒楼，就是女服务员的统称；「打包」就是吃不了，装好带回家的意思，这句话你说粤语，人人都懂。「尊老爱幼」是粤人的传统美德，但是节俭就未必是。吃不完的「餸尾」都带回家，不是每个人都做得出，倒不是怕被人说「省城亲戚——又食又拎」，而是怕被人笑寒酸，小气。旧时规矩反而是那怕吃不饱，都要每碟留下一点，一定要有余，以显阔气。
    「打包」的风气据说先由西方流行，有人思疑「打包」一词会不会是港人传入，因为港人也有「打包」一说。殊不知港人的「打包」与我们的「打包」，就如「打边炉同打屎忽——差天共地」。
    对香港民间风俗与地方语言颇有研究的学者鲁金在《香江旧语》一书中，提到「打包」的原意：「香港是最早设立公共医院的中国人城市，留医的病人去世时，医院工作人员要立即处理这条尸体，以便将床位让给入院的病人使用，其做法是用床布把死者包起来，扛到殓房。这种工作称为『打包』」。
    你说有港人到广州，听到有人叫：「靓女，打包。」是否「好哽耳」呢？真是「大吉利市」。要将食物带走，港人会说：「拎走」，外卖就叫「行街」。
    「打包」这句话，粤语和普通话发音相差无几，「靓女」一般都能明白，不过，凡事都有例外，我就遇到这样一件事：
    「靓女，打包。」，酒楼里，有台食客晚膳完毕，埋了单，就对服务员这样说，服务员走过来看看台面，一脸不解，没有出声。
    「唔系咁都唔识听嘛？」食客问。
    「唔系，不过啲碟净系得番啲汁咋啵！」「靓女」说出她的疑惑。
    「咁我执番啲骨返去喂狗得唔得吖？」食客的要求不算过分，毕竟骨头也是他付了钱的。
    「唔好意思，你要饭盒定系胶袋啊？一蚊个。」「靓女」训练有素。
    「咩话，一蚊个？你唔好去抢！」食客卒之留下骨头在台面，走了。
   且慢走，我还想提提他，粤语有些词是不宜随便宣之于口的，应懂得避忌，比如「执骨」，为什么？，得闲再说。
   
[ 本帖最後由 gzshuzha 於 2008-11-7 03:40 編輯 ]

使君子

粤语区「执骨」，跟壮族区「拾骨」，是同一回事，同样来自百越的二次葬习俗。

普君南拆遷居民

喺香港食嘢，叫人攞個飯盒裝起啲剩菜，可以點講？

不关云和月

原帖由 普君南拆遷居民 於 2008-11-7 16:15 發表 喺香港食嘢，叫人攞個飯盒裝起啲剩菜，可以點講？

 

佢话     港人会说：「拎走」，外卖就叫「行街」。

 

 

我剩系想讲各处乡村各处例，唔同地方由于生活习惯等因素，一啲生活用语有啲出入并冇唔妥，亦唔系话人哋嘅叫法就IN，我哋就噉叫就系OUT。调转都系样嗟。

外外星人

靓女打包，唔食唔得。

wendy徐

我都話靓仔 打包..因为我对靓仔有兴趣...不过次次都系个阿叔幫我打包@#$$#

外外星人

原帖由 wendy徐 於 2008-11-7 19:06 發表 我都話靓仔 打包..因为我对靓仔有兴趣...不过次次都系个阿叔幫我打包@#$$#

 

事关个老板冇请我去帮手

wendy徐

原帖由 外外星人 於 2008-11-7 11:18 PM 發表   事关个老板冇请我去帮手

如果請你做帮手...我D就唔使打包拉....因为睇見你一个二个都惊死咗阿...全部走嗮拉...

外外星人

原帖由 wendy徐 於 2008-11-7 21:01 發表 如果請你做帮手...我D就唔使打包拉....因为睇見你一个二个都惊死咗阿...全部走嗮拉...

 

帮你讲埋：睇见都冇胃口。结论系：赶客。

wendy徐

原帖由 外外星人 於 2008-11-8 01:04 AM 發表   帮你讲埋：睇见都冇胃口。结论系：赶客。

你自己有自知之名就好拉~哇哈哈哈~~~果家請你嘅店一定日日好闲嘅...都唔使做工...哈哈

bajatvj

原帖由 不关云和月 於 2008-11-7 05:42 PM 發表   佢话     港人会说：「拎走」，外卖就叫「行街」。     我剩系想讲各处乡村各处例，唔同地方由于生活习惯等因素，一啲生活用语有啲出入并冇唔妥，亦唔系话人哋嘅叫法就IN，我哋就噉叫就 ...

如果系广州讲「拎走」，服务员可能真系拎走攞去倒，而不会同你打包。两地习惯不同

李四

原帖由 不关云和月 於 2008-11-7 17:42 發表   佢话     港人会说：「拎走」，外卖就叫「行街」。     我剩系想讲各处乡村各处例，唔同地方由于生活习惯等因素，一啲生活用语有啲出入并冇唔妥，亦唔系话人哋嘅叫法就IN，我哋就噉叫就 ...

我講：『唔該幫我包起去。』有時會講：『唔該打包。』