粵語語氣助詞（補充咗雙音節嘅）

成日笑

吖 (解)此字一般不用於疑問句。
    [aa¹]係吖！你講得冇錯。
    [aa³]唔係吖嘛？！

呀 (解)表示驚訝或疑問的歎詞。
    [aa¹]你想點呀？

啊 (解)①驚歎、贊歎 ②疑問或反問 ③祈使式 ④驚歎(疑問式) ⑤允諾或醒悟
    ①[aa¹](此音不作疑問詞)啊！又係幾好喎！
    ②[aa²]咩啊？好似唔啱喎！
    ③[aa³]你唔好噉做啊！

噃 表示叮囑，勸告，肯定。
    [bo³(播)]你唔好唔記得噃。咪飲咁多酒噃。我記得唔係噉噃！

㗎 ①強調語氣 ②半信半疑
    ①[gaa³(價)]佢好叻㗎！佢唔信你㗎！
    ②[gaa⁴]你識得佢㗎？！唔通係你做㗎？！

嘅 ①語氣詞，疑問或反問，又表同意 ②助詞，有肯定的意思
    ①[ge²]做乜冇人嚟嘅？佢噉做係應份嘅！
    ②[ge³]我嘅書。答案係啱嘅！

啩 表示半信半疑
    [gwaa³(卦)]唔係啩？！佢唔會遲到啩！？

吓 ①疑問 ②相當於「一下」
    ①[haa²]吓？！冇理由唔啱㗎喎！吓？做乜嘢？
    ②[haa⁵]畀你嚇咗吓！

吔 表示驚異或感歎
    [jaa¹]哎吔！打得少啊你？

吆 多用於不滿的笑罵語氣
    [jiu²(妖)]吆！正衰人！吆，咪鬼煩住晒啦！

喇 ①表示祈使的用法 ②表示告知
    ①[laa¹(啦)]一齊嚟喇！
    ②[laa³]我食飯喇！

嘞 一般的表示肯定把握或情況
    [laak⁸]我寫咗信嘞！我識做嘞！你知道就好嘞！

哩 ①相當於「啦」 ②肯定的疑問
    ①[le¹(咧)]係哩！你喺邊度做嘢？
    ②[le⁴]我講得冇錯啊哩！都話咗係噉哩，我冇呃你㗎！

囉 ①表示告知 ②同「咯②」，粵語助詞 ③應答語氣
    ①[lo¹]今日去咗行街囉！
    ②[lo³(咯)]一齊去玩囉！
    ③[lo⁴(羅)]係囉！冇囉！

咯 ①表示祈使 ②邀請語氣 ③表示完成語氣
    ①[lo¹]你信佢咪得咯！
    ②[lo³]一齊去玩咯！
    ③[lok⁸]都話係咯！咁夜咯，早啲返去喇！

呣 ①表示疑問 ②表示肯定
    ①[m²]呣？好似唔係喎！
    ②[m⁶]呣！我知啦！

嗱 表特指語氣
    [naa⁴(拿)]嗱，你話㗎！嗱，畀你睇吓嘞！

喎 ①主觀感覺 ②轉述語氣
    ①[wo³]係喎！唔啱喎！
    ②[wo⁵]佢話係噉喎，你咪信佢咯！

咋 氣詞，罷了的意思
    [zaa³(榨)]我唞咗一陣咋！我見過佢兩次咋！

啫 ①氣詞，罷了的意思 ②語氣詞，表示勸告或肯定否定，又有輕視語氣
    ①[ze¹]十幾斤重啫，我拎得起。
    ②[zek⁷]唔好去啫，做乜一定要應承佢啫？唔係噉啫！


呵 [ho²] 例句：明呵？（明白吧？）
    「呵」字與普通話中「吧」字類似，用於疑問句末，並希望得到與助詞前面的內容立場相同的回答，甚至不需要回答。也可作雙音節詞「哦呵」，如「今日幾好天哦呵？」（今天天氣不錯吧？）這與英語中的反問句」A good day today, isn’t it?」有類似意味。

啋 [coi¹] 例句：啋，揚過你！（去你的！）
    啋，講埋曬啲衰嘢。（盡說壞話！）
    需要注意的是，在說話中用到「啋」字的，人數上女性比男性多。典型的形象是一些三姑六婆（好事的女人，尤其指上了年紀的）聚在一起，當聽到一些不吉利的、有傷風化的事情，就會把手中的小手帕一揚，或擺著「蘭花手」，大叫「啋！」聲音拉長且含怨恨意味。

    呸　[pｅi¹] 例句：呸！冇你咁衰。（呸！沒你壞！）
         呸！亂咁噏！（呸！胡說八道！）
         呸！你先冚家鏟，你至仆街呀！（呸！你才全家死光！你才橫屍街頭！）

注意：「呀」同「啊」有時也可互用。
      「噃」寫成「啵」、「播」都不對。
      「㗎」寫成「咖」「嘎」「噶」都不對。
      「嘅」也有被寫成「噶」，亦都不對。
      「啩」不可寫作「掛(挂)」「呱」。
      「吓」第②解不可以寫成「下」。
      「吆」寫成「妖」代替是錯的。
      「啫」不可寫成「姐」「喈」「者」。

 

    雙音節（即兩個單音節語氣助詞連用）有「㗎喇」「吖嘛」「喇噃」「㗎咋」等等，數量上比單音節少；甚至出現三音節、四音節，但非常罕見，且大多可以用某個雙音節語氣助詞替代，因此在今天已經很少聽到。

表示肯定和決斷語氣

     㗎喇 [gaa3 laa3]
         ①你重講，我就嬲你㗎喇！（你再說，我就生氣啦。）
         ②單嘢系噉㗎喇！（這件事是這樣的嘛。）

     㗎嘞 [gaa3 laak3]
         休息吓就冇事㗎嘞。（休息一下就沒事了。）

     
     「喇」和「嘞」在語音上的區別爲後者是入聲韻母，大部分情況下可以互換。

表示疑問語氣

     吖嘛 [aa1 maa3]
         你冇事吖嘛？（你沒事吧？）

     吓嘛 [haa6 maa5]
         唔使咁誇張吓嘛？！（不用這麽誇張吧？！）
         用於表示質疑、持否定意見的疑問。

     吓哇 [haa5 waa5]
         舊嘅唔去新嘅點會嚟，吓哇？（舊的不去新的怎麽會來，是吧？）

    「吓哇」用於講道理。我們經常會聽到一些領導在開會時對下級「訓話」，每句話後面都帶個「吓哇」。其實，「吓哇」是「係唔係啊」（是不是啊）的變體。

表示提醒語氣

一般提醒:

     咦喂 [ji2 wei3]
         咦喂，幾好吓 。（咦，不錯啊。） 
        「咦喂」在語氣助詞中比較特別，只能用於句子前面以引起聽話者注意，帶有驚喜、意料之外的意思。

     咋吓 [zaa3 haa5]
         得今日咋吓。（就今天啊。）
         表示因爲數量的少而引起聽話者注意，往往含有潛臺詞，如例子中隱含叫聽話者抓緊時間的意思。
 

加強提醒：

     喇噃 [laa3 bo3]
         陳師奶，你聽日一定要嚟喇噃。（陳太太，你明天一定要來啊。）
         尋晚佢整咗喇噃。（昨晚他搞好了。）
        「噃」和「喇噃」均可表示叮囑之意和講述某個事實。兩者可以互換。

     㗎咋 [gaa3 zaa3]
         有怪莫怪，我路過㗎咋！（有怪莫怪，我只是過路的。）

     嚟㗎 [lei4 gaa3]
         呢啲係我用過嚟㗎。（這些是我用過的。）
         許師奶係香港人嚟㗎。（許師奶是香港人。）

表示猜測語氣

     喇啩 [laa3 gwaa3]
         你嘅病好啲喇啩？（你的病好點了吧？）

表示無所謂語氣
     之嘛 [ji1 maa3]
         我差佢五百文之嘛。（我借了他五百塊而已嘛。）

 

[ 本帖最後由 成日笑 於 2008-11-27 23:16 編輯 ]

cingsan

 顶

失敗飛

支持——学到嘢啦又！

点解冇「嘅 啫」？希望都可以解释下

[ 本帖最後由 失敗飛 於 2008-10-30 13:09 編輯 ]

成日笑

原帖由 失敗飛 於 2008-10-30 13:07 發表 支持——学到嘢啦又！点解冇「嘅 啫」？希望都可以解释下

 

多謝你嘅提醒 ，我經已補上 

youngfs

岛：你有几钱系度啊？

 

        得个十蚊岛

失敗飛

多谢 成日笑 兄俾面喇喎……真系又学嘢又有面，感动到乜咁。

wendy徐

好帖...收埋...滿滿睇..

成日笑

最近更新嘅字條：   呵  啋    呸　

正正

.

 

很有意义！

楼主努力！

 

.

Lucciora

冇咗「啦」

http://bbs.cantonese.asia/viewthread.php?tid=14692&extra=page%3D1

糖糖

（*@ο@*） 哇，喜欢

亂棍歐死越南仔

记得有条片举咗个例，仲有个语气助词「架喇啵」

包詏颈

「喇 ①表示祈使的用法 ②表示告知
    ①[laa¹(啦)]一齊嚟喇！
    ②[laa³]我食飯喇！」

 

在下认为，用「嚹」取代「喇」更合字意。

 

嚹——laa3、laa4。释义：1、方言，语气词，相当于「了」：佢嚟～（他来了）。 　2、方言，用在祈使句里表示命令、请求：快啲行～（快点走）。记住～（记住啦）！

见《汉典》http://www.zdic.net/zd/zi/ZdicE5Zdic9AZdicB9.htm

肥腯腯

多谢，又学到好多嘢啦。

nusushika

點可以顯示到「㗎」呢個字？

bajatvj

吖、呀、啊，三字同音，不必太過著緊

嗨洽

喇同啦有冇區別啊？

ljmzy

我要盡快的學會香港本土的方言，我以會說書面語了，我已不需要書面語，我需要的是香港本地人，土生土長的人說的話

chenglyc

语气助词非常的有用嘅。

寶寶

點可以顯示到「㗎」呢個字？
nusushika 發表於 2009-4-11 13:26

下載并安裝大字庫。