请问一下希腊的腊系读laap6,定系读啊lip6，五该晒！

木君

有无人有粤音多音字字典啊，我分五清地多音字啊！

成日笑

 

 

音節 (香港語言學學會)	粵 音	& 根據	同音字	相關音節	詞例(解釋) / 備註
laap6		黃(p.7) 周(p.140) 李(p.353) 何(p.49)	菈, 柆, 蠟 [11..]	--選擇-- 同聲同韻 同韻同調 同聲同調	臘月, 臘八, 臘日[8..] 臘肉, 臘味, 臘梅, 臘鼓, 臘鴨, 臘八粥, 年臘, 戒臘 (1)陰曆十二月 (2)歲終的祭祀 (3)醃製的肉類 (4)僧受戒得度的年歲
lip6		張群顯	獵, 鬣, 躐 [5..]	--選擇-- 同聲同韻 同韻同調 同聲同調	「臘laap6」的異讀字

 

 

laap6同lip6我都聽人講過，不過好遺憾我冇嗰本咩多音字字典

外外星人

请管理员移去初级书院。

xiss

我認爲[lab6]正確尐。
1。普通話裏面係讀là嘅，而「蠟」嘅普通話讀音亦都係là，而粵語裏面，冇人會將「蠟」讀成[lip6]，而只會讀成「臘」[lab6]。雖然唔可以話兩種語言之間嘅聯係十分明確，但係尐尐嘅對應規律重係存在嘅，我認爲應該讀[lab6]最正確。
2。根據漢字嘅其中一種組字原則——「形聲」，「蠟」「臘」應該係讀音相同，意思唔同嘅，所以，[lab6]應該先係正宗讀音。

Lucciora

廣州人一般都係多數讀異讀

xiss

原帖由 Lucciora 於 2008-10-26 13:35 發表 廣州人一般都係多數讀異讀

異讀，其本質其實就係一種「錯讀」。而且廣州嘅粵語規範化工作十分唔到位，多人出現所謂異讀，係意料中事。不過，嗰尐已經覺醒嘅廣州人應該懂得自行去糾正。

melop

唔係掛。。。應該多數廣州人讀 laap6啵，好似都未聽過人講lip6，反而係喺香港台聽過。

xiss

我係廣州人，一向都係講lab6嘅，點知後來唔知受邊道影響，逐漸出現咗讀lib6嘅意識。後來母語意識醒覺，從新審視自己粵語嘅發音，徹底抛棄咗lib6嘅發音嘞。

殺人王

英文」希腊「為"greece"但係希腊語中嘅」希腊「為」Hellas「

到底邊個音,查下Hellas 呢個音發咩就知。

melop

古希臘語 'ΕΛΛΑΣ發音就是 [hellas]，所以讀 希臘laap 是沒問題的啦。