本人「榮升」，有冇人考慮安慰下我？

小薏

 講明先呀下，其實「榮升」對我嚟講，系責任、壓力同工作量嘅增加，所以我系好唔願意嘅。我最嚮往嘅系「蒼海一聲笑，滔滔兩岸潮」放浪嘅生活。

 

      話說上個禮拜有一日嘅午休時間，我一個人響一間大房度上緊網，有一個唔系好猥瑣、而系極度猥瑣嘅阿伯響門口「裝」個頭入來，見到我一個人響間大房到，都無撇嘅意思，於是我問佢咩事？佢答我話：「....我以前在這裏干過的....」(普通話)

 

      意喻不明!費事理佢,點知佢都重系冇離開嘅意思,哦衰埋不知所謂添!

 

       事後先知道,呢個猥瑣阿伯,的確系以前響公司做開,後來因病走咗一輪,衣家返返來做嘅副總.佢自稱南京人.於是....

 

        講開就長篇喇,我唔系好想太多口水,總之,呢個猥瑣阿伯之後做咗D好戲劇化嘅表演,開頭想食住我,於是走埋來我度窒我拋我拋咗一輪,點知原來拋我唔起,我重定過台油,"谷"住度氣呀佢...同呢位猥瑣阿伯斗法期間,兩次食飯嗰時,老細都當眾叫佢讓開D畀我坐,一次叫佢褪過少少畀我坐得闊落D，第二次直頭叫佢讓開個位出來，等我坐響老細隔離，佢冇癮到極。

 

        於是猥瑣阿伯即時起我個底,想睇下我同老細有冇咩瓜葛（所以話佢猥瑣嘛）。跟住佢又大我一輪，話我已經響公司做咗XX耐了，言下之意系話我響公司做咗XX耐喇，對公司嘅現狀冇提出改進意見同冇咩特別建樹。乜話？你大我呀？

 

        ......

 

        我响个猥琐阿伯间房出嚟嘅时候,个猥琐阿伯已经自己自废咗一半嘅武功喇.唔单止大我唔来,重畀我知道咗佢嘅管理水平去到边度.....

 

       

       開頭個猥瑣阿伯大我窒我嗰時,我重以為佢想炒我添,加上我又同佢撐到"恒",我諗住有可能唔使響度做喇,點知,條友琴日正式上任,響公司開大會嘅時候,正式宣佈對我嘅任命,所以話我呢次系被動"榮升"嘅,以後under呢個意喻不明、前倨後躬、奸奸狡狡、嗜好勾心斗角嘅猥瑣阿伯，有排我受呀，所以，想問下呢度有冇人同情下我、畀少少安慰我呢？

 

 

(改下先呀.)

 

[ 本帖最後由 小薏 於 2008-10-18 13:23 編輯 ]

攸固

蒼天笑　紛紛世上潮
誰負誰勝出　天知曉
蒼生笑　不再寂寥
豪情仍在痴痴笑笑

小薏

再一次睇到，D「北人」务虚、内斗嘅阴暗嘴脸，同埋意喻不明、含糊其词、低效嘅工作作风。

不关云和月

做大几好呀，有功自己领，有锅人哋孭。

小薏

原帖由 不关云和月 於 2008-10-17 22:47 發表 做大几好呀，有功自己领，有锅人哋孭。

 

under个猥琐阿伯，畀你试下~~

不关云和月

猥琐呢样嘢见仁见智，食得咸鱼抵得渴，拿得嗰份人工就必定有啲难顶嘢要啃，唔由得你，除非你唔DO。

不关云和月

你又睇下我要对住嘅系咩嘢。

[ 本帖最後由 不关云和月 於 2008-10-17 23:15 編輯 ]

小薏

（我就系唔想长大！）

小薏

原帖由 不关云和月 於 2008-10-17 23:13 發表 你又睇下我要对住嘅系咩嘢。

 

咩嚟呀？

不关云和月

你睇唔到图咩？要唔要画公仔画出肠，唔讲啦，费事畀人搜到出嚟。等我注过只马甲再同你讨论咁Sensitive嘅话题啦 [ 本帖最後由 不关云和月 於 2008-10-18 00:37 編輯 ]

cingsan

恭喜發財！！！

使君子

楼主，好心多D出来吹下水，带动下啦。 

xiss

自上大學以嚟，就深刻感受到人際關系嘅復雜

寶寶

原帖由 xiss 於 2009-12-26 16:42 發表 自上大學以嚟，就深刻感受到人際關系嘅復雜

 

唉。。。社會嘅人際關係重加複雜額。。。