手镯

bill1293

手镯是这样写吗？读音ak2？

bill1293

sorry，係ngaak2?

普君南拆遷居民

鈪 aak2

南汉

aak中入调

melop

akk2，本字可能是「扼」。此字作「手鐲」解的時候不讀中入，須讀第二聲。

朱利安

一班傻佬系道想当然

 

你地有无睇过粤剧《拾玉镯》嘎

 

 

南汉

原帖由 melop 於 2008-10-15 20:37 發表 akk2，本字可能是「扼」。此字作「手鐲」解的時候不讀中入，須讀第二聲。

先去學會理解什麽叫做小稱變調，什麽是字的本調。再來討論

朱利安

原帖由 南汉 於 2008-10-15 21:07 發表 先去學會理解什麽叫做小稱變調，什麽是字的本調。再來討論

 

你就咪讲乜本调变调啦

 

你地呢班友连字都搞错晒

 

重讲乜鬼调唔调啊

 

 

南汉

通用的是這個字  鈪

再也沒有流行過其它字

19世紀已經使用這個字

朱利安

原帖由 南汉 於 2008-10-15 21:21 發表 通用的是這個字  鈪再也沒有流行過其它字 19世紀已經使用這個字

 

人地系问手镯啊

 

你就答乜手鈪啊

 

正一系答非所问

 

无流行过其它字

 

唔等于无用过其它字

 

你班友到底有无睇过马师曾红线女既《拾玉镯》嘎

 

错咗就认啦

 

重系道死撑

 

 

南汉

zuk6

黃(p.49) 周(p.186) 李(p.336) 何(p.359)

族, 鱁, 藚

鐲

【唐韻】【集韻】【韻會】【正韻】??直角切，音濁。【說文】鉦也。从金蜀聲。軍法，司馬執兩鐲。【周禮·地官·鼓人】以金鐲節鼓。【註】鐲，鉦也。形如小鍾，軍行鳴之，以爲鼓節。【釋文】鐲，直角反。　又【集韻】竹角切，音斲。義同。　又【廣韻】市玉切【集韻】【韻會】殊玉切，??音蜀。鎢錥，溫器也。　又【正韻】藥名。　又【廣韻】陟玉切，音瘃。與劚同。

朱利安

有时系会变咗少少调既

 

睇下马师曾红线女既《拾玉镯》啦

 

zuk6变咗zuk1

 

 

melop

原帖由 南汉 於 2008-10-15 21:07 發表 先去學會理解什麽叫做小稱變調，什麽是字的本調。再來討論

aak2 固然是變調，但是其本調已經滅絕。此字即使單用，仍然讀aak2，如果你讀aak3 ，絕對唔會有人知道其意思。你可以鄙視本人，但是上面各位網友都為此字標 aak2音，足以證明閣下堅持所謂「正統」的做法在群眾中沒有基礎。

南汉

分聲調是漢語的基本特徵。小稱變調在大部分漢語方言中都有。

沒有任何一種方言，包括普通話會把變調作爲主讀音。不管變調的常用程度如何。

粵語的「丸」，平時也很少用它的本調，但字典都係收字本身的調值。

至於小稱變調，掌握規律即可，否則也是違反粵文化本身。

左一句群衆，右一句人民。沒想到文格結束幾十年，還有些餘孽念念不忘民粹。

melop

原帖由 南汉 於 2008-10-16 00:40 發表 分聲調是漢語的基本特徵。小稱變調在大部分漢語方言中都有。 沒有任何一種方言，包括普通話會把變調作爲主讀音。不管變調的常用程度如何。 粵語的「丸」，平時也很少用它的本調，但字典都係收字本身的調值。 至於小稱變調， ...

人哋樓主都講明係讀 aak2 音啦，噉你話你，無端端打個「aak中入调」出嚟，重唔加說明，係乜意思呢？
好簡單啫，想顯示下自己嘅知識淵博阿嘛。
但係你列一個滅絕咗嘅音出嚟，至少你都要講明原因呀。成日就話人啲音錯，真係對人莫大嘅唔尊重。
比如「閩南」嘅閩字，廣府話一向讀上聲變調「敏」，唔讀原調「文」，噉唔知閣下嘅字典記邊個音呢？何文匯就話要讀「文」，噉閣下係咪loe1飯應呢？對於「鈪」字，字典一樣承認 aak2嘅讀音（注意，係作為字音標出嘅），我同其他網友何誤之有呢？
再講啦，北方方言「濁上變去」係研究得好清楚嘅規律，噉按閣下嘅講法，新華字典記字音讀必須保留上聲，而唔應該記去聲啦？
[ 本帖最後由 melop 於 2008-10-16 18:55 編輯 ]

南汉

原帖由 melop 於 2008-10-16 18:48 發表 人哋樓主都講明係讀 aak2 音啦，噉你話你，無端端打個「aak中入调」出嚟，唔加說明，係乜意思呢？好簡單啫，想顯示下自己嘅知識啫。但係你列一個滅絕咗嘅音出嚟，至少你都要講明原因呀。成日就話人啲音錯，真係居心叵測。比如「閩南 ...

原帖由 melop 於 2008-10-15 20:37 發表 akk2，本字可能是「扼」。此字作「手鐲」解的時候不讀中入，須讀第二聲。

--------------------------

很明顯，係你成日話人音錯。

閩，我還沒有調查，暫時無法定音。但是希望你改變自己的表達方式，尤其是應該對事不對人，不要大搞人身攻擊。人身攻擊應該不是粵文化的特點

濁上變去跟小稱變調是兩個完全不同的概念。假如你真的想在語言學領域有所進展，首先應該學會謙虛，而不是謾駡。學而不思則惘，思而不學則怠。你是屬於思而不學 [ 本帖最後由 南汉 於 2008-10-16 19:03 編輯 ]

中二仔

原帖由 南汉 於 2008-10-16 18:57 發表 原帖由 melop 於 2008-10-15 20:37 發表 akk2，本字可能是「扼」。此字作「手鐲」解的時候不讀中入，須讀第二聲。 --------------------------

很明顯，係你成日話人音錯。

閩，我還沒有調查，暫時無法定音。但是希望你改變自己的表達方式，尤其是應該對事不對人，不要大搞人身攻擊。人身攻擊應該不是粵文化的特點

濁上變去跟小稱變調是兩個完全不同的概念。假如你真的想在語言學領域有所進展，首先應該學會謙虛，而不是謾駡。學而不思則惘，思而不學則怠。你是屬於思而不學

「此字作手鐲解的時候不讀中入，須讀第二聲」

佢係講得無錯喎

同埋,以我所見,佢無人身攻擊,係據理力爭(我唔知係改咗定係點,總之我見唔到)

反倒係你最後嗰句.唔係人身攻擊真係唔知係乜.....

=================以上皆為個人意見============================

 

鈪字,人人都係讀2調.

而你標個「中入」我就未聽過.

 

唔通你覺得變調,就唔可以標出來(<----係以#7作出嘅推測)

變調不作為主讀音(#14),所以要標一個無人讀嘅音?(係唔係本音都唔知喎)

同埋「變調不作為主讀音」,我雖然有同感,但係事實非如此....

普通話個「玩」字,本音係「陽去」,字典都以陽平做主音

melop

原帖由 南汉 於 2008-10-16 18:57 發表 原帖由 melop 於 2008-10-15 20:37 發表 akk2，本字可能是「扼」。此字作「手鐲」解的時候不讀中入，須讀第二聲。 -------------------------- 很明顯，係你成日話人音錯。 閩，我還沒有調查，暫時無法定音。但是希望你改變 ...

本人對其他網友都十分之禮貌，但就係睇唔慣有人亂話他人讀錯音。就算係要介紹舊音，都可以用討論嘅語氣提出。閣下可以翻閱自己發表嘅帖，睇睇自己嘅態度係何其目中無人。請您查查閩之音，然後再斟酌下叫人「去讀完書先出聲」是否禮貌。
上面嘅例子我有講錯咩？作「手鐲」解嘅時候，須讀第二聲係語音事實，不容抵賴呀，唔通可讀「本字音」「aak3」？而且其他網友都同意讀aak2，噉就係講須讀第二聲無錯，讀第三聲係唔符合語言經驗嘅。
濁上變去跟「小稱變調」是兩個完全不同的概念？噉請問，佢哋之間就無共同點咩？兩者都係變調，只係產生嘅條件（同時間）有所唔同。其實可以想像，濁上變去過程中，肯定唔可能係突變，而係漸變，肯定有上聲慢慢滅絕，去聲慢慢成為主流嘅過程。按閣下嘅觀點，當時好多人就讀錯音，而且越錯越犀利，錯到連原先嘅上聲都唔記得晒。但係閣下認為，無論幾多人讀錯，仍然要承認原先嘅聲調。按此推論，就係要新華字典紀錄濁上，而唔承認「歸去」。閣下嘅知識係好淵博，但係喺研究嘅哲學上就有尊古貶今嘅傾向，唔能夠客觀噉睇問題。您研究所使用嘅哲學有一個好大嘅問題，就係唔能夠適用於漢語發展嘅各個階段。一方面你好古，極力推「本讀」，但另一方面對於已經由來已久嘅變化（即係話，就算在生老人都已經變讀嘅變化）又唔敢質疑，最終就必然導致多重標準，難以自圓其說。
此外，「小稱變調」只係口語變調嘅其中一種功能，鈪字則不能算小稱。建議閣下唔好郁啲就叫人去讀書，自己都應該搞明啲概念先好攞嚟撻人。粵語變調有時係無咩明顯原因嘅，比如：橙，「本調」caang4 基本唔用，而用caang2。但係此變調無指小意。（我估計，可能係受北方方言聲調cheng2嘅影響，導致讀 caang2）。再比如上面中二仔講嘅玩字，廣州話本音 waan4，但係字典唔可能唔承認waan2音。《廣州音字典》兼收 waan4, waan2音，而到咗《廣州話正音字典》就連 waan4音都無埋，噉係唔係就同閣下講嘅「無論使用情況如何，唔可能標變調音」相矛盾呢？
最後勸君一句：要得到他人尊重，首先要尊重他人。論資排輩呢種做法，起碼喺網絡上係好難實現嘅，應以理服人。
[ 本帖最後由 melop 於 2008-10-16 23:35 編輯 ]