【原创】无奈

gzshuzha

【原创】无奈

    「好多时候生活嘅无奈就系：你爱嘅人，佢唔爱你；爱你嘅人，你又唔爱佢；到最后，同你结婚嘅系，你又唔爱佢，佢又唔爱你嗰个。」
    ——萧若元 （十月三日《萧鼓声中》）
    以前有个笑话，有个广州人响巴士上用好普通嘅普通话同人讲：「我爱你，你爱我，好幸福呀。」人哋唔知佢讲乜，佢就用广州话大声讲多次：「你埃实我，我埃实你，好辛苦嘎。」笑话一则。
    唔知我嘅爱人依家响边，唔知佢做紧乜嘢，不如发个短信畀佢。
    萧生讲嘅系咪事实呢？佢老婆就话系，点解？萧生响自己博客度话，做完节目返屋企，佢老婆即刻咋营，萧生嘅反应系，响节目中讲嘅情史都几十年咯，同前女友拖下手仔嗟，关你Q事咩，几十岁人仲呷埋啲咁嘅醋，快啲去死啦。   
    女人从来都唔系理性嘅动物，不过，有时呢种无奈，男人都好大责任，有句说话讲出男人嘅心态，「妻不如妾，妾不如偷，偷不如偷不着。」偷乜嘢？北方话叫「偷人」，广州话抵死啲，叫「偷食」。偷唔到嗰个始终最好。得一想二，见异思迁，广州话仲有一句话，叫「上得床嚟掀被冚」。呢度上床同偷食并冇必然联系，初学广州话要留意。
    饮埋杯底啖奶茶，起身走人，条腰震咗一下，卒之肯复返我，短信得一句话：「你爱人不在服务区。」唉！
    ————写于昌岗路大家乐餐厅 十月七日

gboss

所以話，既然你老婆唔係你最愛嗰件，先會有人講：「發達、升官、死老婆」係男人至高境界。

普君南拆遷居民

嗰句嘢都唔係蕭公子原創，n年前都已經有人講。

羊城客

各位先生，人到老了，方知「老本、老婆、老友」是三宝。 [ 本帖最後由 羊城客 於 2009-1-12 19:37 編輯 ]