转返啲帖过嚟之《乜嘢叫做「沙文主义」？》

外外星人

一直以嚟，以为「沙文主义」即系「泥沙俱下之文章」噉解，又或者解作「三文鱼煮意粉」都得。（自幼受八股文所害，见多识少，英文只识ABC，有怪莫怪哦）
点知审阅咗[风之龙]之奏章《不可以让大城市沙文主义思想在广州的网舆中蔓延》后，吓到朕几乎喺龙椅上扽咗落嚟，以为「始皇」返生。各位爱卿，千祈唔好笑朕呀，你哋知啦，如果「始皇」在世，朕边度重有龙椅坐呢？！
而家朕明白晒：原来「沙文主义」即系唔畀人讲，[风之龙]自己一个人讲晒就得，稍有微词之人，就系畀佢「踩中了尾巴」（话「踩亲条尾」咪得啰，悭番个字，几环保呀）。越睇越觉得[风之龙]唔简单，此公虽系一介布衣，但重威水过叻哥！叻哥讲嘢几客气先得咖，劝啲伙计做嘢都系用「做乜嘢好型」、「做勿嘢好屎」噉之嘛；而[风之龙]开口埋口就「不可以」，重要分分钟砌你生猪肉，话你系「沙文主义」就系「沙文主义」，唔畀做乜做勿、唔畀讲乜讲勿、唔畀谂乜谂勿，冇晒商量嘅口吻。
其实，人哋想做乜嘢、想讲乜嘢、想谂乜嘢，只要唔犯天条，连朕都无法阻止。就算啲「卜头党」、「斩手党」要做嘢，至多就系等佢哋做完案先可以拉人夹封艇。无凭无据拉人，朕嘅龙椅都坐唔耐啦。
以[风之龙]身上之豪气、霸气嚟睇，朕虽然唔会认为「始皇」返生，但系十分认同佢系「始皇」再世，话唔定「始皇」咁啱睇中风老太个猪小肚，托之龙呢个转世灵童，投胎人世，朕以为此可能性非常大。
慑于「始皇」之余威，朕拟封[风之龙]为「误国」公，「狼胎」平粤大将军，赏黄马褂，赐先斩后奏之尚方宝剑一把，且将颁旨如下——
奉天承运，「始皇」诏曰：
凡两广子民，生性顽劣，惯操「鸟语」，于「书同文」、「语同普」极为不利；
穗港两地及珠三角之土著，排污之意甚坚，视「卜头党」、「斩手党」为贼寇，于九件河蟹危害甚大。
为此，委[风之龙]以重任，令其即日起，建「文字狱」、筑「纳污营」，务要剿灭「鸟语」，使「卜头」、「斩手」两党于百粤开枝散叶，以收「珠江无涛声、岭南尽狼嚎」之效。
钦此
（年号、帝号略）

众爱卿，意下如何？

使君子

呢几日我同风之龙倾过好耐，发觉佢份人其实无乜坏，不过是中意唱反调、中意怀疑咁解啫。

况且，风之龙家下同我地企埋同一阵线，坚决反对大洋现任网管的粗暴处理手法，力主放返船长出来。

历史上，风之龙同船长b15驳火无数次。但自从上次大洋组织见面，风之龙同b15互打招呼之后，其实现实生活中大家都好随和，一D火气都无。

[ 本帖最後由 使君子 於 2009-3-30 00:08 編輯 ]

不关云和月

个脑入咗水就叫沙文主义

不关云和月

原帖由 使君子 於 2009-3-30 00:06 發表 呢几日我同风之龙倾过好耐，发觉佢份人其实无乜坏，不过是中意唱反调、中意怀疑咁解啫。况且，风之龙家下同我地企埋同一阵线，坚决反对大洋现任网管的粗暴处理手法，力主放返船长出来。历史上，风之龙同船长b15驳火无数次。但自 ...

 

你都好勤力，唔知为乜呢，成日讲隔篱呢垃圾网站有得分呀？你以为放返人家出嚟，人家就要撑返佢场咩？ 歌仔有得唱你在选择人，人亦在选择你

外外星人

雲月姐姐講得啱，隔籬好衰咖，啲人冇口齒。

紫凤凰

食言而肥，向為人之性也。

人革联

你以为佢系七海霸王杰克船长咩