[轉帖]廣州話搞笑歇後語（未修改版）

余OK

鼻哥窿担遮-----鼻毛(避无)可避 茅厕点灯-----找屎(死) 成吉思汗打仔-----大汗耷细汗 阿茂整饼----无果样整果样 水瓜打狗----唔见紧桷 年三十晚谢灶──好做唔做 灶头抹布──咸湿 灶君上天──有果句讲果句 寿星公吊颈──嫌命长 陈年中草药──发烂渣 灶君跌落镬──精（蒸）神 阿崩叫狗──越叫越走 阿崩养猫──转性 卖鱼佬──有声（腥)气 卖鲩鱼尾──搭嘴 细佬哥剃头──就快就快 肥佬着笠衫──几大就几大 神台猫屎──神憎鬼厌 南无佬跌落粪坑──无晒符 屎忽窟生疮──无眼睇 咸蛋滚汤──心都实晒 瓦檐狮子──叻到满 跪地喂猪母──睇钱份上 床底破柴──撞晒大板 老婆担遮──阴功（公） 投石落屎坑──激起公愤（恭粪） 火烧猪头──熟口熟面 天堂尿壶──全神贯注 老公泼扇──凄（妻）凉 撒路溪钱──吸引死人 黄皮树了哥──唔熟唔食 亚聋送殡──唔听你支死人笛 湿水棉花──无得弹 狗上瓦桁──有条路 十月芥菜──起晒心 肥婆坐屎塔──tup tup 撼 纸扎下巴──口轻轻 屎坑关刀──文（闻）又唔得，武（舞）又唔得 鼎湖上素──好斋 火烧旗杆──长叹（炭） 飞机打交──高斗 海底石斑──好瘀（鱼） 鸡食放光虫──心知肚明 山草药──up得就up 番鬼佬月饼──闷极（moon cake） 非洲和尚──乞（黑）人憎（僧） 潮州二胡──自己顾自己（gegegugege) 断柄锄头──无揸拿 猫儿洗面──系甘意 棺材铺拜神──想人死 蒸生瓜──神神地 阿兰嫁阿瑞---类斗类 无耳藤o急---靠托 屎坑关刀---无张利 神仙放屁——不同凡响 生虫拐杖——靠唔住 番薯跌落灶——该煨 老公泼扇——凄（妻）凉 和尚担遮——无法（发）无天 单眼仔睇老婆---一眼睇哂 水兵对水手----水斗水 阿兰嫁啊瑞----大家累斗累 周身刀---冇张利 隔年通胜----唔值钱 幡杆灯笼-----照远唔照近 三元宫土地------锡（爱惜）身 陆文庭睇相----唔衰螺黎衰 白云山一担泥-----眼阔肚窄 年晚煎堆-----人有我有 厨房阶砖-----咸湿 秀才手巾----包书（输） 十月蔗头-----甜到尾 风吹皇帝裤浪－－孤鸠寒 倒挂腊鸭－油嘴滑舌 抬棺材甩裤－失礼死人 雷公劈豆腐－稳软的来虾 鱼片粥－岩岩熟 火麒麟－周身瘾 生虫拐杖－靠吴住 阿超着裤－谷住来 右边新屋无得住 - 左nine住晒

itxu2k

『风吹皇帝裤浪－－孤鸠寒』 em3:

wai

哈哈,細個成日講嚟玩,而家好少玩囉~~~

Kathy

itxu2k在2005-07-24 22:16:17說道：[br]『风吹皇帝裤浪－－孤鸠寒』 em3:

有少少唔明呀~~~ 第一個字點黎??? em17:

highyun

kathy在2005-07-28 17:34:43說道：[br][quote]itxu2k在2005-07-24 22:16:17說道：[br]『风吹皇帝裤浪－－孤鸠寒』 em3:

有少少唔明呀~~~ 第一個字點黎??? em17:[/quote] “孤家寡人”

嗰個人

如果係繁體就好喇。

xcdandy46

以前成日听人讲，依家都五系几记得啦～而且已经无乜后生仔识啦～

Anl

“鼻哥窿担遮-----鼻毛(避无)可避” 鼻歌竉擔遮點樣可避法呀？唔明。

superjill

以前广州台有个节目《妙语连珠》宋韶光主持，专讲粤语歇后语 又出咗四本同名书籍，详尽讲解每个粤语歇后语嘅来龙去脉

余OK

樓上：我有齊嗰幾本書。。。

superjill

贡献出来 scan咗佢 或者打出来论坛啦

Kathy

潮州二胡──自己顾自己（gegegugege) 番鬼佬月饼──闷极（moon cake） 好有趣~~ em5:

Cactus

轉成繁體 ------------ 廣州話搞笑歇後語 鼻哥窿擔遮-----鼻毛(避無)可避 茅廁點燈-----找屎(死) 成吉思汗打仔-----大汗耷細汗 阿茂整餅----無果樣整果樣 水瓜打狗----唔見緊桷 年三十晚謝灶──好做唔做 灶頭抹布──鹹濕 灶君上天──有果句講果句 壽星公吊頸──嫌命長 陳年中草藥──發爛渣 灶君跌落鑊──精（蒸）神 阿崩叫狗──越叫越走 阿崩養貓──轉性 賣魚佬──有聲（腥)氣 賣鯇魚尾──搭嘴 細佬哥剃頭──就快就快 肥佬著笠衫──幾大就幾大 神台貓屎──神憎鬼厭 南無佬跌落糞坑──無晒符 屎忽窟生瘡──無眼睇 鹹蛋滾湯──心都實晒 瓦簷獅子──叻到滿 跪地餵豬乸──睇錢份上 床底破柴──撞晒大板 老婆擔遮──陰功（公） 投石落屎坑──激起公憤（恭糞） 火燒豬頭──熟口熟面 天堂尿壺──全神貫注 老公潑扇──淒（妻）涼 撒路溪錢──吸引死人 黃皮樹了哥──唔熟唔食 亞聾送殯──唔聽你支死人笛 濕水棉花──無得彈 狗上瓦桁──有條路 十月芥菜──起晒心 肥婆坐屎塔──tup tup 撼 紙紮下巴──口輕輕 屎坑關刀──文（聞）又唔得，武（舞）又唔得 鼎湖上素──好齋 火燒旗桿──長歎（炭） 飛機打交──高鬥 海底石斑──好瘀（魚） 雞食放光蟲──心知肚明 山草藥──up得就up 番鬼佬月餅──悶極（moon cake） 非洲和尚──乞（黑）人憎（僧） 潮州二胡──自己顧自己（ge ge gu ge ge） 斷柄鋤頭──無楂拿 貓兒洗面──系咁意 棺材鋪拜神──想人死 蒸生瓜──神神地 無耳籐o急---靠托 神仙放屁——不同凡響 生蟲枴杖——靠唔住 蕃薯跌落灶——該煨 老公潑扇——淒（妻）涼 和尚擔遮——無法（髮）無天 單眼仔睇老婆---一眼睇哂 水兵對水手----水斗水 週身刀---冇張利 隔年通勝----唔值錢 幡桿燈籠-----照遠唔照近 三元宮土地（神）------錫（愛惜）身 陸文庭睇相----唔衰攞黎衰 白雲山一擔泥-----眼闊肚窄 年晚煎堆-----人有我有 廚房階磚-----鹹濕 秀才手巾----包書（輸） 十月蔗頭-----甜到尾 風吹皇帝褲浪－－孤鳩寒 倒掛臘鴨－油嘴滑舌 抬棺材甩褲－失禮死人 雷公劈豆腐－搵軟的來蝦 魚片粥－啱啱熟 火麒麟－週身癮 阿超著褲－谷住來 右邊新屋無得住 - 左nine住曬

Yucky豕

唔係幾明: 瓦簷獅子──叻到滿 狗上瓦桁──有條路 三元宮土地（神）------錫（愛惜）身 白雲山一擔泥-----眼闊肚窄 火麒麟－週身癮 阿超著褲－谷住來 老婆擔遮──陰功（公） 噉:冇老婆擔遮係唔係冇陰功啊? 重有: 水草命----賤粽 减肥减到上面----下巴輕輕

superjill

试下解释部分 鼻哥窿担遮-----鼻毛(避无)可避，可以同突出来嘅鼻毛遮太阳或者雨 瓦簷獅子──叻到滿，嗰啲石狮子通常起喺瓦顶最边嗰度，虽然好有煞气，但系都好牙烟，所以用叻到“men3” 狗上瓦桁──有條路，狗逃走嗰时一般唔会爬上瓦桁，因为一般无路走，如果爬，就预先知道有条路可以走 三元宮土地（神）------錫（愛惜）身，好似以前三元宫嘅土地系用锡来整嘅 火麒麟－週身癮，成身毛，有着晒火，就好似点着咗啲火药引噉啰 水草命----賤粽，缠（意绑，音同贱）粽系水草嘅用处 减肥减到上面----下巴輕輕，原装应该系：纸扎下巴——口轻轻

Yucky豕

superjill在2005-12-07 00:41:40說道：[br]试下解释部分 鼻哥窿担遮-----鼻毛(避无)可避，可以同突出来嘅鼻毛遮太阳或者雨 瓦簷獅子──叻到滿，嗰啲石狮子通常起喺瓦顶最边嗰度，虽然好有煞气，但系都好牙烟，所以用叻到“men3” 狗上瓦桁──有條路，狗逃走嗰时一般唔会爬上瓦桁，因为一般无路走，如果爬，就预先知道有条路可以走 三元宮土地（神）------錫（愛惜）身，好似以前三元宫嘅土地系用锡来整嘅 火麒麟－週身癮，成身毛，有着晒火，就好似点着咗啲火药引噉啰 水草命----賤粽，缠（意绑，音同贱）粽系水草嘅用处 减肥减到上面----下巴輕輕，原装应该系：纸扎下巴——口轻轻

多謝解譯~後邊嗰兩句係我聽我老竇講嘅~知道咩意思~衹不過唔知係唔係眞係有噉嘅歇後語~

NGF

歇后语其实有好多，等我补充几个搞笑嘅： 茅根竹——借水（蔗水） 马骝生臭狐——吾系人甘味 隔夜茶——吾赌（倒）吾安乐 阎罗王探病--------问你死未

Kathy

老婆擔遮──陰功（公） 噉:冇老婆擔遮係唔係冇陰功啊? 哈哈~~妙~~~ em5: