香港茶餐廳落單之字眼

成日笑

【明報專訊】某天蘇老師探望舊生路經華富邨，發現一間久違了的冰室，頓時雀躍不已，非要喝杯紅豆冰不可！這一代的學生大抵都沒有去過冰室？其實，冰室是茶餐廳的前身，主要售賣各類凍飲、沙冰、冰淇淋及小食，隨着時代轉變，漸漸轉型為茶餐廳。當你品嘗美味的絲襪奶茶、西多士時，可有留意茶餐廳內獨特的語言文化？右邊的過兩關遊戲考考你對茶餐廳語言的認識程度！

 

第一關﹕點菜用字

為了高速記下客人所需，伙計「落單」時會用上特別的字詞或符號，猜猜以下代表哪些食物﹕

冬田 = 凍阿華田        冬力 = 凍好立克

乃T = 奶茶            COT = 凍檸檬茶

CO6 = 凍檸檬可樂      CO7 = 凍檸檬七喜

白反 =白飯            旦可 =魚丸河粉

 

第二關﹕侍應術語

除了有趣的文字符號，伙計也會使用獨有的術語來溝通，你明白以下伙計的說話嗎？

「「喂！聽清楚先落單嘛！個客係要一碗『下火』，唔係要『靚仔』；係要一杯『茶走』，唔係『飛沙走奶』；另外再加碗『細蓉』『走青』、牛丸麪『加底』、茄蛋治『烘底』『飛邊』，同埋一碗『例水』添。仲有呀！係『堂食』唔係「行街」呀！仲有呀！睇唔睇到4號枱埋單？『單收』！」」

下火= 皮蛋瘦肉粥             靚仔 = 白飯

茶走 =用煉奶冲調的奶茶       飛沙走奶 = 咖啡不加糖奶

細蓉 = 小碗雲吞麪            走青 = 不下蔥

加底 = 雙倍的飯或麵          烘底 = 經烘烤的麵包

飛邊= 去掉麵包皮             例水 = 例湯

堂食 = 在餐廳內進食          行街 = 外賣

單收 = 客人持單結帳

 

外外星人

以前广州都有好多，而家冇乜人记得。

粤语卫士

 

 

淨係估到「堂食」同「行街」咋。

gzshuzha

原帖由 外外星人 於 2008-9-23 23:27 發表 以前广州都有好多，而家冇乜人记得。

印象中文革前《羊城晚报》《五成楼下》登过一条，批评有人乱用简化字，令人睇唔明白。例如：「立甲才反」。

外外星人

原帖由 gzshuzha 於 2008-9-24 11:39 發表 印象中文革前《羊城晚报》《五成楼下》登过一条，批评有人乱用简化字，令人睇唔明白。例如：「立甲才反」。

 

腊鸭菜饭？

 

你都识话文 革前咯，而家都冇晒行啦！

Jean

原帖由 鋮日笑 於 2008-9-23 23:23 發表 【明報專訊】某天蘇老師探望舊生路經華富邨，發現一間久違了的冰室，頓時雀躍不已，非要喝杯紅豆冰不可！這一代的學生大抵都沒有去過冰室？其實，冰室是茶餐廳的前身，主要售賣各類凍飲、沙冰、冰淇淋及小食，隨着時代轉變，漸漸轉型為 ...

呢啲好實用。。。收埋先！

「走青」呢個詞有用過。。。。

飛鳥

个日系华辉

白粥＝白足

菜心＝才心

ljmzy

我要盡快的學會香港本土的方言，我以會說書面語了，我已不需要書面語，我需要的是香港本地人，土生土長的人說的話