|
之前提过《烧荷柴，籴白米》，估计年代久远，好多人都未必有所见闻。而家，想讲返籴米，大家有冇攞住个米袋去籴米嘅经历呀？
记得以前要揸实个粮簿（慌死跌咗，冚家就冇饭开喇），拎住个米袋去籴米。去到粮店，有时重要排长龙，事关每户都系定量、定点供应，成个街道净得一个粮店，粮店唔忧做，懒懒闲噉等住人嚟买油、籴米。
基本上、根本上，你冇可能籴到白米，三级标准米通常都系黄黚黚嘅，或者叫黄米一尐都唔过分。间唔中有白少少嘅，就好似执到宝噉，返到屋企第一件事，就系将啱啱籴返嚟嘅、冇咁黄嘅「新米」洗干净，煮返餐「好饭」，试下系咪好入口啲？当然啰，冇沙仔「及及」你就算偷笑喇！
时至今日，重有冇人咁好兴致试下啲正话籴返嚟嘅新米系咪好食呢？
[ 本帖最後由 外外星人 於 2008-8-27 02:43 編輯 ] | 
發表於 2008-8-27 02:32:02
發表於 2010-7-25 18:05:39