閑話銀行

gboss

　　有人話：生仔係「建設銀行」，生女係「招商銀行」。我就覺得，呢個比喻真係絕妙！

　　長久以嚟，由于重男輕女嘅傳統觀念，導致「招商銀行」嚴重缺乏，令好多「建設銀行」生活喺痛苦之中。佢哋呢啲「建設銀行」可能要用五到十年時間，去「建設」佢呢間「銀行」。但人哋「招商銀行」可能祗係用一年唔到嘅時間，就可以通過「招商」去完成呢間「銀行」嘅建設。

　　當然，呢兩間「銀行」大家都係用自己嘅「條件」去換取「價值」，但「建設銀行」嘅建成漫長而痛苦，建成之日，就一吓畀「招商銀行」招咗過去。至于嗰啲未建成嘅「建設銀行」，雖然好努力噉去「建設」佢嘅「銀行」，卻祗係換嚟「招商銀行」無理嘅輕視。

　　其實好多「招商銀行」嘅「硬件設施」并唔算好好，佢之所以做得起，就係因為佢競爭唔大，所以「硬件設施」冇乜改善嘅余地。但「建設銀行」嘅競爭太大喇，所以就算「硬件設施」非常好嘅「建設銀行」，都會畀「硬件設施」冇咁好嘅「招商銀行」招過去。


　　曾記得有一幅計生海報，上面畫住一排大肚嘅男人，寫住：「人人都生男孩子，誰人來生小孩子？」其中嘅寓意，值得深思。係囉，如果「建設銀行」可以有方法延續自己嘅「財富」，何須「招商銀行」呢？但冇咗「建設銀行」，又如何「招商」呢？
[ 本帖最後由 gboss 於 2008-8-25 08:43 編輯 ]

思覺失調

有次聽到個阿婆講"生女住花園,生仔住老人院".............................

gboss

原帖由 思覺失調 於 2008-8-26 00:11 發表 有次聽到個阿婆講"生女住花園,生仔住老人院".............................

 

補充吓，其實而家嘅社會，生仔都可以係「招商銀行」，生女可以係「建設銀行」，主要取決于「硬件設施」同定位。同樣道理，住花園或老人院同生仔生女冇必然嘅聯系，有得住老人院都唔錯喇，我見到有啲住公園石凳咋！