卢总教识嘢：廿四孝 之 亲尝汤药

卢总

　　我谂我应该就唔系一个孝子嘞，但就肯定系一个贤孙！因为我深明客家人所讲嘅「宁卖祖宗田，不卖祖宗言」嘅道理！我系唔会好似嗰啲奉「普通话」为「母语」嘅猪狗不如嘅禽兽畜牲噉样，自己做咗鱼民任人宰割都不突止，重要人哋跟埋佢做契弟，呢啲噉嘅禽兽畜牲，唔死都冇用！送去垃圾焚化炉烧都嫌唔够环保啊！

 

　　其实识唔识讲普通话冇乜相干，但系如果唔识讲自己嘅母语就系数典忘祖！乱认祖宗就更加系大逆不道！所以奉劝各位岭南同胞，学好、保护好你哋自己嘅语言、文化、传统、风俗习惯……呢啲都系你哋嘅祖先留畀你哋嘅宝藏，千祈唔好丢弃！

 

卢总

　　噉点先可以「学好」、「保护好」呢？噉我哋最好就从一啲传统开始做起。学习传统，有助于我哋更好噉认识世界、接触世界、分享世界！

　　开讲都有话：万恶淫为首，百行孝为先－－嗱，呢个「行」字要读「幸」嘅音，呢个音亦都系我哋嘅祖宗传落嚟畀我哋嘅，呢个「行」字系指「德行」噉解。讲到「孝」，我哋成日都会听到人哋讲：「你真系‘廿四孝’嘅唧！」噉咩系「廿四孝」呢？

 

　　「廿四孝」源自一本书——元代郭居敬嘅《二十四孝》。呢本书系民间流传甚广嘅儿童启蒙读物，内容为自上古至唐宋二十四个孝亲嘅故事。佢将虞舜、汉文帝、曾参、闵损、仲由、董永、郯子、江革、陆绩、吴猛、王祥、郭巨、杨香、朱寿昌、庾黔娄、老莱子、蔡顺、黄香、姜诗、王褒、丁兰、孟宗、唐夫人、黄庭坚等廿四个人极尽孝道嘅典型人物嘅古仔集结成书，序而诗之，用训童蒙。随后，有人为之序诗、作图，刊行多种版本——例如系《二十四孝图诗》、《女二十四孝图》等，流传甚广。喺传统嘅木雕、砖雕同刺绣上，经常会见到呢类题材嘅作品——各位可以喺参观我哋岭南传统古旧建筑嘅时候发现好多有关「廿四孝」嘅艺术作品。

卢总

　　前汉文帝，名恒，高祖第三子，初封代王。生母薄太后，帝奉养无怠。母常病，三年，帝目不交睫，衣不解带。汤药。非口亲尝弗进。仁孝闻天下。

卢总

卢总

　　汉文帝刘恒系汉高祖嘅第三个仔，为薄太后所生。高后八年（公元前１８０年）即帝位。佢以仁孝之名，闻于天下，侍奉母亲从不懈怠。有次，佢阿妈得咗个重病，连续三年卧床不起。佢经常目不交睫，衣不解带，日夜守护喺母亲嘅床前，见到阿妈瞓咗，先至趴喺阿妈床边瞓一阵。刘恒又亲自为阿妈煎煮汤药，佢阿妈所要服嘅汤药，佢都亲口试过之后先至放心畀母亲服用。刘恒孝顺母亲嘅事喺朝野广为流传，人人都称赞佢系一个仁孝之子。

 

　　刘恒在位２４年，重德治，兴礼仪，注意发展农业，使西汉社会稳定，人丁兴旺，经济得到恢复同发展。己亥日，刘恒病死于长安嘅未央宫。死后嘅庙号为太宗，谥号为文帝。

 

　　汉文帝同汉景帝嘅统治时期被誉为「文景之治」。后人为咗纪念佢嘅伟业同仁政，以及佢嘅孝道，就将其列为「二十四孝」之第二孝。

卢总

【后人诗赞曰】：仁孝闻天下，巍巍冠百王；母后三载病，汤药必先尝。

 

　　　　　　　　仁孝临天下，巍巍冠百王。莫庭事贤母，汤药必亲尝。

卢总

〖卢总有嘢讲〗：

 

　　俗语有云：「久病床前无孝子」，但刘恒就可以三年如一日噉服侍个老母，实在令人敬佩！不过身为一国之君，只念母亲嘅病情，不惜以身犯险，而置国家大事同埋百姓生活于不顾，似乎就有多少本末倒置嘞——毕竟「民为贵，君为轻，社稷次之」吖嘛！

卢总

　　想睇埋其余嗰二十三孝？

 

　　请高抬贵手，稍移玉步，移驾前往《卢总教识嘢：廿四孝》

　　http://general-lo.blogcn.com/diary,18792076.shtml

gboss

呢排好少见你浮头喔，卢总