血型嘅秘密·Ａ型

卢总

 

　　血型嘅秘密·ＡＢ型


Ｗａｓ　ｄｉｅ　Ｂｌｕｔｇｒｕｐｐｅ　Ｖｅｒｒａｔ

　　　　　　　　ｂｙ　　Ｊｏｒｇ　Ｅｉｋｍａｎｎ　（Ｇｅｒｍａｎ）

　　　　　　　　翻译　　卢　　总

 

http://general-lo.blogcn.com/diary,18943123.shtml

卢总

性　　格：Ａ型血代表感觉丰富、安全感以及集体意识。Ａ型血嘅人嘅怒气通常被压制，能力亦被限制。
　　　　　Ａ型血人系众多血型中性格最广嘅一种：一方面多愁善感，一方面又系改革世界者，同时亦系
　　　　　狂热者。

 

主要愿望：安全感，和谐，合作，赠予以及接近。

 

化学因素：呢种类型嘅血液中含有抗Ｂ抗体，并且会被Ｂ型血液排斥。Ａ型血同Ｂ型血之间唔可能有血液嘅
　　　　　交换。有可能呢两种血型嘅人喺精神上亦因此唔能够互相「忍让」。

 

分　　布：拥有Ａ型血嘅人占世界人口嘅４０％，并且喺中欧（占４４％）同埋日本（占３８％）分布得
　　　　　最广。喺德国比重为４３％，奥地利为４１％，瑞士为４９％。而喺美国，Ａ型血所占嘅比例
　　　　　为４２％，仅次于Ｏ型血型（４６％），位于第二位。所以同呢种人建立联系嘅可能性系非常
　　　　　之高嘅！

 

饮　　食：唔容易消化肉类、牛奶以及薯仔；相反，鱼类、米饭以及绿茶最佳。

 

健　　康：Ａ型血嘅人嘅血液比较黏稠，因此心脏必须有力噉工作。会出现明显嘅心脏循环问题以及癌症
　　　　　（低胃酸分泌）。常见肌肉抽搐以及背部毛病。对压力同埋负担反应迅速并强烈，容易忙碌，
　　　　　唔会游魂，经常有无谓嘅烦恼，并且容易陷入沉思。经常需要宁静同放松。

 

http://general-lo.blogcn.com/diary,18943123.shtml

卢总

　　人群中嘅敏感「天线」

 

　　杰出嘅敏感性使Ａ型血嘅人就好似系一部地震仪，任何事情都会引起佢哋嘅注意。呢种感觉同Ｏ型血嘅人
相反，呢点使佢哋喺集体以及喺社会生活中显得十分宝贵，但系亦使佢哋变得更容易受影响。你系一个理想嘅
顾问、帮手、保护者及聆听者。

 

　　一啲都唔出奇，分离对你嚟讲系一种沉重嘅负担。你钟意可靠嘅人以及所有能预告安全感嘅一切。另外，
如果你冇吸引人嘅多愁善感以及思想嘅财富，生活会变得冇瘾。你属于对感觉有深刻体会嘅人。

 

　　心脏系Ａ型血人嘅一个非常之重要嘅器官。内心嘅痛苦同各种感觉充实咗佢哋嘅生活。因为佢哋会好深刻
噉体会一切，佢哋嘅心脏会跳得好快，佢哋喜欢稳定、和谐以及自由，而紧张好容易将佢哋击倒，令佢哋处于
巨大嘅惶恐之中。

 

http://general-lo.blogcn.com/diary,18943123.shtml

卢总

　　深受影响嘅影子血型

 

　　严格嚟讲，Ａ型血分为两种：ＡⅠ同ＡⅡ。如果你嘅父母双方都系Ａ型血，噉你就会拥有双倍嘅Ａ型血嘅
气质；如果你从父母中嘅一方得到Ｏ型血，噉你嘅血型就由Ａ型同Ｏ型一齐组成，其中Ｏ型为隐性。喺血清嘅
血型测定中，呢两种Ａ型血嘅子血型可以好清楚噉被辨认出嚟，但喺精神方面，呢啲细微嘅区别唔易被察觉。

 

　　Ａ型血系一个顺从型嘅血型。你好容易受教育，因为你唔希望有任何争辩。你嘅父母经常赞你系一个容易
照顾嘅细路。

 

http://general-lo.blogcn.com/diary,18943123.shtml

卢总

　　被抑制嘅怒气潜伏危险

 

　　你用好长时间令自己去适应，你不断噉被称赞为勇敢噉去适应环境嘅人，但呢个只能够发展到一个特定嘅
点。就好似一张被拉紧嘅弓一样，你会变得冷酷无情，并且开始抗拒「敌对嘅优势」。出于自卫，你而家甚至
变得反叛，并且具有攻击性。不管你系ＡⅠ型血定系ＡⅡ型血，你身上总会残留住一部分Ｏ型血嘅气质。

 

　　即使如此，你重系唔会大发脾气，你亦唔会只系简简单单噉瞓喺处，你强烈嘅正义感会发出信号并且要求
引起重视。噉样你会成为好斗嘅提醒者同斗士。相对于Ｏ型血嘅人以自我为中心，你却先为他人着想：家庭、
公司、社会……换句话嚟讲，你系一个不可思议嘅宝贵嘅人。

 

　　被Ａ型血人隐藏嘅易怒性格一旦突然爆发，会令所有涉及嘅人大为震惊。冇人能够预料到，Ａ型血人已经
长时间勤奋噉喺佢嘅怒气收集簿里面做咗记号，而家下就系「清算之日」。我只能够警告性噉再次重复：啲人
唔应该过长时间以及太过频繁噉利用Ａ型血人嘅忍耐能力。

 

　　你点样处理同人哋嘅意见分歧以及紧张关系呢？你时常忍气吞声，抱歉噉讲，其实系冇真正噉发泄出嚟！
你身边嘅人重误认为处于和谐与融洽之中，而你却已经喺内心暗暗噉感受到尖锐嘅不同。

 

　　被抑制咗嘅失望当然唔会忽然就消失，而系作为未消化嘅怒气积聚咗喺胃部。就喺呢处，呢啲情绪形成咗
厚重嘅结块，并且挤压胃部，产生压痛感，胃部问题亦损害咗你嘅身体健康，会引发晕车症状嘅贾第鞭毛虫病
作为肠道嘅寄生虫病首先会侵害Ａ型血人，因为贾第鞭毛虫存在于产生Ａ型抗原嘅表面抗原上，因此Ａ型血人
发病嘅机会好高。最弊嘅系，胃癌亦同样多发于Ａ型血人身上。

 

　　啊，如果你经常能够将抑制咗嘅怒气发泄出嚟就好嘞！可以讲出人哋嘅边啲行为方式打扰咗你，而唔系佢
系一个点样嘅人，后者极容易引起争执。用噉样嘅口吻嚟讲啦：「我对你呢样或者嗰样嘅行为感到好气愤！」
噉样对你嘅内心嚟讲亦系一种惬意嘅放松。

 

　　你嘅血液好黏稠，所以你嘅心脏负荷好重。噉样心脏会损耗得好快，并且明显噉缩短你嘅估计寿命。如果
你唔合理噉安排饮食，而且太过频繁噉享用大块嘅牛扒，你嘅寿命亦将会缩短。所以，请将手同刀叉从肉食上
攞开！你可以参照日本人嘅饮食方式进食，日本嘅Ａ型血人比美国同样血型嘅人长寿近２０年，因为日本人系
按照血型嘅要求嚟合理安排饮食嘅，佢哋几乎唔食肉，取而代之嘅系鱼、大米以及绿茶。

 

　　当你独自一人嘅时候，时常太过于谨慎同犹豫不决。一个Ｏ型血或者Ｂ型血嘅人系你有益嘅补充，你哋喺
埋一齐会成为一个十分强大嘅集体。

 

http://general-lo.blogcn.com/diary,18943123.shtml

卢总

　　问自己几个指示性嘅问题：

　　　　　　　　　　　　　　⒈你浪漫吗？

　　　　　　　　　　　　　　⒉你对身边嘅人嘅生活感兴趣吗？

　　　　　　　　　　　　　　⒊你担心未来吗？

　　　　　　　　　　　　　　⒋你容易对人推心置腹吗？

　　　　　　　　　　　　　　⒌你觉得自己细胆吗？

　　　　　　　　　　　　　　⒍你会为身边嘅人嘅忧虑同问题操心吗？

　　　　　　　　　　　　　　⒎你觉得自己善解人意吗？

　　　　　　　　　　　　　　⒏当你遇到问题嘅时候，会征求人哋嘅建议吗？

　　　　　　　　　　　　　　⒐你希望有被他人需要嘅感觉吗？

　　　　　　　　　　　　　　⒑你适合于学习语言，而唔适合于学习自然科学吗？

卢总

　　Ａ型血人对大部分问题嘅回答系肯定嘅。

 

　　Ａ型血人敏感，容易受伤，但系亦非常喜欢合作，乐于助人。作为Ａ型血人，你同Ｏ型血人有住完全唔同
嘅精神表现，更确切啲噉讲，软弱，温柔，谨慎。Ｏ型血嘅人想沿住自己嘅道路嚟实现目标，而Ａ型血嘅人则
想喺一开始就实现梦想。所以如果喺争辩之后可以和解，对佢哋嚟讲就会如释重负。

 

　　但系你同身边嘅人唔会好容易和解，因为你几乎一直都喺处等对方迈出第一步。对你嚟讲，同人哋嘅交往
就好似呼吸嘅空气一样重要。

 

　　喺呢种血型嘅人当中有一种特别嘅女人。佢哋系一种改造者，并且一直想为佢哋嘅另一半做啲乜嘢，但系
事先根本唔会征询佢哋嘅另一半是否愿意被「改造」。

 

　　Ａ型血嘅人有好多优秀嘅性格，但并唔系冇缺点。你期望从人哋身上得到嘅嘢太多嘞！唉！如果呢啲过高
嘅期望唔能够实现，一切好感都会喺一瞬间变成失望，甚至系愤怒。Ａ型血嘅人重视他人，但同时又惊怕遭到
拒绝，所以佢哋会先调整自己从而获得友好。

 

　　作为Ａ型血嘅你会倾向于唔将自己嘅需求放喺第一位。可能你已经想噉样做嘞，但你并唔敢，噉就产生咗
内心嘅紧张，而且重积聚埋一齐，颈部同背部嘅肌肉酸痛以及失眠正系对此嘅惩罚。满腹牢骚嘅神经质对你嚟
讲亦唔陌生，因此你比起其它血型嘅人更需要喺安静中养精蓄锐同放松。

 

　　Ａ型血嘅女性可以为自己嘅天资而感到骄傲：佢哋系理想嘅老婆，因为佢哋能够同伴侣同甘苦、共患难。

http://general-lo.blogcn.com/diary,18943123.shtml

卢总

　　如果喺你同他人之间架起桥梁，并且令你清楚噉讲出自己嘅需要同期待，会系点样嘅呢？

 

　　如果你敢于直视自己嘅不足，就会认识到自己友好、耐心嘅另一面。你对人哋嘅要求太高嘞！你总系要求
人哋友好噉迎合你，同意你嘅意见。只有噉样，你先会有安全感，内心嘅紧张就此被掩饰嘞。但系你亦都一定
知道：收埋喺地毡下面嘅嘢唔使几耐就会腐烂同发臭。

 

　　恐惧经常跟随住你，例如惊考试或者对成功嘅恐惧等。你唔会听天由命，同自己讲：「呢个我做唔嚟！」
相反，你会同自己讲：「唔理点样，我都系会试一试嘅。」

 

　　如果你惊怕考试，噉就嚟想象一下，自己点样出色噉通过考试：你回答正确，考官微笑住鼓励你，你听到
称赞声，并且见到呢部电影嘅结局——你获颁梦寐已久嘅证书。

 

　　重有一个小忠告：你可以有一番大作为。你能够做到，如果你愿意，而原本你就已经想噉样嘞。然而，你
重未真正噉相信自己。噉样你都重系会遇上由于可能嘅失败而带嚟嘅恐惧以及阻碍你嘅自我怀疑。

 

　　应该对你嘅问题负责嘅并唔系环境或者其他人，你有责任去塑造自己嘅生活。将自己从犹豫不决嘅牺牲者
角色中解放出嚟啦！利用你嘅想象力啦！通过你嘅最高控制中心——大脑嚟影响自己啦！

 

　　当你开始苦思冥想或者被消极嘅思想侵袭嗰阵，你可以使用一个简单但有效嘅方法，大声噉讲：「停！」
呢个命令就好似开关一样可以打断你嘅思绪。

 

　　当你经常谂「人哋一定比我好」嘅时候，请将你紧紧追求嘅伟大目标拆成一个个小目标，并且到你嘅内心
电影院中观看呢啲片断。

 

　　倘若你再次为他人操心或者喜欢帮人哋提建议嘅时候，尝试忘记事情不利嘅一面啦！建议有时会令人觉得
系一种「打击」，并且唔容易被接受。你亦知道，本地嘅先知都无人尊敬。

 

　　对Ａ型血嘅人嚟讲，为咗更好噉察觉自己嘅潜力，「真正嘅」独立同脱离家庭嘅影响系至关重要嘅。从前
习以为常嘅学徒期同漫游期嘅经历，你都牢牢噉记喺心里面，即使噉样好沉重，但呢个唔一定就系永远！

 

　　自我吹嘘令人作呕？简直系无稽之谈！呢点完全不能伤害嗰啲拥有同你相同血型嘅人。因为你感觉并承受
咗如此之多，但咁啱你经常会感到震惊同不知所措。呢个就系多愁善感嘅代价！而练习自诩使你能够承受呢个
代价：喺一张便笺上面写出你五至十个正面嘅性格，并且将佢贴喺浴室嘅镜上，你每日可以见到佢两次，并且
大声噉将呢啲句子读出嚟，例如，我有进取心，我好幽默，我好可靠。

 

　　默默噉相信自己能够同人哋决一雌雄，每次你都有呢个信念！你可以大有作为，然而你极少会相信。因此
你必须一再噉尝试陌生嘅事，并且承受内心嘅紧张。大胆、冷静噉行动啦！唔好再胆怯噉逃避，即使其他人都
喺处「咳嗽」，但根本冇人会死！

http://general-lo.blogcn.com/diary,18943123.shtml

卢总

　　Ａ型嘅特征：

 

　　有牺牲奉献嘅精神，具协调性。积极服务他人，重视周遭气氛。喜爱孤独，易掩饰自己嘅真心，无法信任
他人。

卢总

　　Ａ型欣赏嘅类型：

 

　　喜欢对象系衣着朴素、做事认真而且行动有力、头脑灵敏、信心果决、比较关心家庭同投资理财等嘅人。

卢总

　　Ａ型嘅恋爱讯号：

 

　　怕丑而内向嘅Ａ型即使直觉上认为唔错嘅人都唔会毫不客气噉约人哋。一紧张就会面红耳赤嘅Ａ型主要系怕对方知道佢忐忑不安嘅情绪。

卢总

　　Ａ型相比其它类型最突出嘅特征：
　　　　　　　　　　　　　　　　　⒈最闷；
　　　　　　　　　　　　　　　　　⒉最容易自杀；
　　　　　　　　　　　　　　　　　⒊最易发鸡盲；
　　　　　　　　　　　　　　　　　⒋最可爱，最可怜，最冇人爱——即系可怜冇人爱；
　　　　　　　　　　　　　　　　　⒌最死缠烂打；
　　　　　　　　　　　　　　　　　⒍最啰嗦亦最长气；
　　　　　　　　　　　　　　　　　⒎爱情最执着，要爱你一万年——爱你爱到吓死你；
　　　　　　　　　　　　　　　　　⒏最钟意揽棉被；
　　　　　　　　　　　　　　　　　⒐食量最小，最钟意饮柠檬汁；
　　　　　　　　　　　　　　　　　⒑最唔识得玩。

 

http://general-lo.blogcn.com/diary,18943123.shtml

卢总

　　血型同遗传嘅秘密

 

　　人类嘅血型系统由Ａ、Ｂ、Ｏ三个基因控制，每个人嘅血型有两个血型基因，分别继承父母各一个。血型
作为一个人嘅遗传标志，可以用于研究种族嘅起源、变迁同亲子嘅血缘关系。喺遗传基因中有显性因子同隐性
因子，其中，Ａ同Ｂ系显性因子，Ｏ系隐性因子，噉样Ａ（Ｂ）同Ｏ组合埋一齐只表现Ａ（Ｂ），Ａ同Ｂ组合
埋一齐表现为ＡＢ，Ｏ同Ｏ组合埋一齐仍会表现为Ｏ。同一父母嘅子女间嘅血型唔一定相同，取决于双亲血型
基因嘅随机组合。

卢总

　　血型左右你嘅性格同生活

 

　　血型点解能够决定一个人嘅性格、气质呢？日本嘅学者经过多年研究，认为血型有其有形物质同无形气质
两方面嘅作用。气质系无形成分，血型嘅气质表现，就系呢类血型嘅人特定嘅思维方式、行为举止、谈吐风度
等，系生物遗传嘅结果。血型与性格嘅关系，除咗遗传因素决定其本质外，重受出生地、生长、学习同埋工作
环境嘅影响，受咗周围人同事嘅影响，所以性格先千差万别。

 

　　既然人嘅性格同血型有关，而血型又系天生就有、唔容易改变嘅，噉我哋就要以此作为出发点，去观察、
分析、处理好同周围人嘅关系。亦就系讲，对待一个人，先要知道佢嘅血型，了解佢嘅性格特征，然后再采取
相应嘅方法。噉叫了解人性，顺应人性。如果你系Ａ型血，你喜欢按部就班、有条有理噉办事，而你嘅同事系
Ｂ型血，你哋嘅作风就迥然不同。佢最讨厌办事讲究形式，喜欢无拘无束，经常迟到。噉呢两种人共事，难免
产生摩擦。如果你只盲目噉表现自己嘅性格，甚至企图改变对方嘅性格，噉不但徒劳无望，而且结果会好弊。
如果双方都具备血型知识，对待人哋嘅言行就比较冷静客观，作出嘅反应亦比较恰当。佢就会谂，佢天生就系
呢种性格，「江山易改，本性难移」，唔使同佢计。即使用指责、埋怨、愤怒嘅方式亦无济于事，只有用理解
嘅态度，用你嘅宽容同体谅，先至能够避免矛盾嘅发生，并诱导事情向好嘅方向转化。噉不但为小环境带嚟咗
轻松和谐，而且对自身嘅健康亦起保护同促进作用。

 

　　日本学者曾对共处一个集体嘅员工嘅分工搭配问题作过调查，认为根据血型科学噉组合非常重要。比如，
Ａ型血嘅人同Ｏ型血嘅人组合工作，不但相互间交流舒畅，而且能营造良好嘅气氛。工作效率提高咗，心理嘅
压力减少咗，有利身心健康。又比如，Ａ型血嘅人同Ａ型血嘅人组合就唔系好妥嘞，容易挫伤对方，而且唔易
弥合。可以讲，掌握运用血型知识，不但能够表现出一个人嘅风度，而且喺某种程度上，亦可以提高一个人嘅
境界。

 

http://general-lo.blogcn.com/diary,18943123.shtml

卢总

　　按血型进食

 

　　Ａ型血血嘅人适合于以蔬菜为主嘅素食，某啲植物蛋白，例如大豆蛋白质堪称最佳食品，常食可以减少心、
脑血管病同癌症嘅发病率。

卢总

　　血型Ａ嘅皮肤特征

 

　　专家嘅研究表明：Ａ型血嘅中年女性，面上嘅皱纹比其它血型嘅同龄妇女少得多。

卢总

　　性爱同血型嘅秘密

 

　　Ａ型血嘅人唔会好积极噉追求对方，只将佢视为长久等待嘅对象。Ａ型血嘅女性实在系男性难得嘅伴侣，
由于Ａ型血嘅人对做爱绝不草率，因此有好多男性喺唔知唔觉中将性爱嘅过程固定喺一套模式里面。而女性虽
有某种程度嘅顺应性，但唔钟意极端古怪嘅做爱技巧。

卢总

如果你觉得呢篇都几好嘅话，请转告其他Ａ型血嘅人士——独乐乐不如众乐乐！

 

 

•    血型嘅秘密·ＡＢ型
•    血型嘅秘密·Ａ型
•    血型嘅秘密·Ｂ型
•    血型嘅秘密·Ｏ型

包包

好多字啊

卢总

好多包啊！！