干與幹，网與網-highyun移-

Cactus

干與幹，网與網。 唔識區分上面兩個字用法 例如： “干淨”可唔可以寫成“幹淨”？ “网站”可唔可以寫成“網站”？ 繁體裡面亦有“干”與“网”，唔可以當成簡體字。 但係習慣上好少有繁體用家使用“网站”。

Kathy

“干淨”唔可以寫成“幹淨” 係寫成“乾淨”... “幹”同“乾”呢兩個字係唔同既...前者係幹部, 幹什麼,幹勁的幹, 後者是乾燥, 乾旱的乾... “网站”當然可以寫成“網站”, 網絡, 網魚都係呢個網...

Cactus

咁繁體裡面，咩時候會用到呢兩個字呢？ 干 网

dada

「网」係「網」嘅本字﹐而家繁體唔再寫「网」。 唔係表示「乾、幹」嘅時候就用「干」﹕干戈、天干、一干人、姓、部首、干犯、干涉、相干……

dada

不過乾燥食品可以寫「干」﹐例如「豆腐干」。

Anl

dada在2005-07-07 15:39:22說道：[br]不過乾燥食品可以寫「干」﹐例如「豆腐干」。

乾燥食品係用“乾”唔用“干”。豆腐乾唔可以寫成“豆腐干”啊，寫成噉就變咗簡體字。

dada

可能呢個「干」約定俗成。臺灣嘅《國語辭典》話﹕「經脫水加工製成的乾燥食品。通『乾』。如：『筍干』、『豆腐干』。」

阿松

「干」係「幹」和「乾」的簡化字，但是「干」本來係另一字， 其本身即是有其本義嘅。應該講，簡化運動當時，將「干」當作「幹」和「乾」的簡化字，於是搞到：當要用繁體時，呢三個字「干」、「幹」同「乾」，撈埋一齊搞唔清楚。 干：意為：干戈，干支，干涉，…… 幹：做事情意思；意為：幹甚麼，幹活，…… 亁：又有俗體寫法「亁」，即左下角嘅「十」寫成「干」。意為：乾淨，乾燥，…… 网係網嘅古字， 簡化字選用「网」呢個古字作為正字。网同網是完全相同嘅一個字，祇係古體同今體寫法之別。