|
究竟，有冇「拎下」呢個詞彙（如果解作「取得勝利」）？
聽珠江臺（或廣東體育臺，唔記得嘞）主持人報導嗰陣，聽倒佢用粵語話：「……表示中國隊一定要將呢場拎下！」
「下」發第六聲。
我估佢系將「普通話」嘅「一定要將這場拿下」中的「拿下」「直譯」成「拎下」。
如果「拿下」表示一个肢体动作，「直译」作「拎下」冇乜问题。
问题系，「拿下」嘅意思解作「将胜利拿到手」嘅話，用「拎下」就好有問題。
我喺廣州生活咁耐，未聽過咁嚟用法嘅。
雖然粵語、「普通話」表達上詞彙系有所差異，但不離文字。
將「普通話」直譯我覺得反而系中文水平低嘅表現，當然，更加系粵語水平低嘅表現。此處，何不用返「拿下」呢？
BTW，好多時，廣東嘅電視臺「翻譯」北方嘅電視劇，好刻意用粵語一啲比較常用或粗俗嘅語言，我聽極都系覺得有問題。
點解TVB，ATV嘅韓劇、日劇配音好聽呢？除咗人地唔會用嚟用去都嗰幾把聲外，一個重要嘅原因系，因為人地（文字上）中文水平比較好，語感較佳，知道地道嘅粵語，本來就系該雅就雅、該俗就俗，唔似「人民政府」治區范圍內嘅廣東媒體，刻意追求一種語言上嘅形式（著相嘞！），忽略——可能根本就系冇能力，因為地道粵語嘅文化環境已經消滅——咗粵語本身嘅真如本性系既非「普通話嘅奴隸」亦非「與普通話絕對相異」。
對粵語嘅「著相」，亦并非媒體「專利」嘞，據我觀察，我地每個「人民政府」治區范圍內嘅粵語使用者或多或少，都有咁嘅毛病。可惜，「著相」亦屬人類慣常生活情景。
| 
發表於 2008-8-16 20:31:47
發表於 2008-8-18 23:06:02
撈化得好緊要........