大家覺得邊啲傳媒或公眾人士廣州話十分標準？

余OK

　　根據我嘅體會同印象，覺得以下呢啲活躍喺傳媒、廣播、娛樂同政界等公眾場合嘅人物講嘅廣州話十分標準：陶傑、許冠傑、黃霑、鄭少秋、馬鼎盛、黃子華、曾鈺成……重有就係好多唱粵劇人士。事關呢批老一輩人好多都係從「省城」落去香港嘅。特別值得一提嘅係而家仍然健在嘅「李我」大師，呢個可能少啲人知，當年省港澳嘅「第一名嘴」，確實可以作為廣府口音標準嘅典範（佢自己喺節目都係噉「誇口」）。大家覺得重有邊啲可以值得稱道嘅人士，不妨多啲提出嚟。唱歌或演戲咬音凖但係平時講嘢有懶音者不在此列。 [ 本帖最後由 余OK 於 2008-10-5 09:45 編輯 ]

芬1012

黄毓民，唔单止粤语讲得正，重好有脑添。

余OK

樓上：今日睇新聞，佢畀香港商業電臺炒咗噉喎好似。。。

芬1012

其实我哋而家係又聋、又盲、又哑， 唉，正所谓讲多无谓食多会滞，希望我哋嘅下一代可以改变得倒啦。

Wai

鄭丹瑞 阿旦啲廣州話好標準，記得以前睇《金牙大狀》，佢啲對白好生鬼。

leon_jeng

鄭少秋本身係廣州人點講廣州話唔準啫。廣州話係廣東話嘅標準語，廣州話唔準噉有乜嘢話最準啊，唔統係東莞話、四邑話咩？ [ 本帖最後由 leon_jeng 於 2007-9-14 22:29 編輯 ]

李四

香港電台元老級廣播人鍾偉民，香港電台上下都係以佢做標準。

youshangwei

其實吳君如都講得幾標準架！

highyun

老一輩嘅藝人廣州話標準率都比較高。

 

當前嘅知名傳媒人士，發音最標準最舒服嘅都係陶傑。如果撇除好多人唔接受嘅“何氏正音”因素，年輕一輩嘅貽興王都算係標準嘅典範喇。

卢总

噉佢要多得阿冬叔先得嘞！

余OK

　　近牌大heat嘅公眾人物陳太同葉劉，兩人嘅發言發音都好標準，陳太咬字較正（連n聲母都講得清清楚楚），葉劉就有啲舊底廣府音。

lhk

雖然如此，陶傑經常將“纖體”讀成“千體”

余OK

「愛葛愛稈愛供餐檔」嘅「真山」粵語發音可以稱得上係中坑輩嘅典範：
http://www.youtube.com/v/4aEASVZtrk4&hl=zh_CN [ 本帖最後由 余OK 於 2008-10-5 09:46 編輯 ]

普君南拆遷居民

原帖由 芬1012 於 2005-7-3 04:32 發表 黄毓民，唔单止粤语讲得正，重好有脑添。

印象中癲狗都係講舟人喎，唔通因為佢外形太似某條友，搞到我誤會咗？

外外星人

尤伯連納 臨死前的忠告（譚炳文 粵語演繹）

顺德水蛇粥

马鼎盛广州话有个缺点！本人几钟意听马生做节目，兼且系港台《讲东讲西》长期捧场客，对马生嘅广州话比较熟悉。此君幼年长期喺北京生活，好多普通话异读、广州话同读嘅字，都偏向普通话思维。

例：会计-会

 

jiamin611

夏雨啊（做溏心嗰個，唔繫L嗰個），講得都好準啊佢嘅廣州話～因爲係廣州人吖嘛。重有，睇溏心嗰陣成班老一輩演員都好掂，講得超盞鬼

hippy888

陶傑读错音，将「不值一哂」读成左「不值一晒」，好扌罗命。

南汉

陶傑读[久正]

馬萬千

司徒華D広州話相当伝統。