寻的士司机

大陆灿

今日凌晨5点50分,本人家中不幸被入室盗窃，两名中国籍男子于今晨盗去我价值3千几文嘅电视机一部及数百文现金。贼人逃走时系乘搭一部蓝色的士逃走(车牌号为粤S8K175)。站时唔知道贼人同的士系咪一伙，有可能只系拦截部的士逃走,希望广大的士司机如果有于8月14号凌晨喺东莞厚街南伍村搭乘以上两位贼人(贼人身上携有一部电视机)时请速与本人联系或向当地派出所(厚街仙桥派出所)报案。本人必定重谢。

 

本人电话:13790305130

 

派出所电话0769)85593857

 

发呢个贴都系迫于无奈，受唔到派出所敷衍了事嘅作风，喺有线索既情况下，只要查出部的士司机车主就好有可能破案啦！佢哋居然重要话等办案民警上班先至查，叫我翻屋企慢慢等消息，等你老味，等你啲死差佬做嘢破案,不如求己吖！虽然呢个希望系噉妙忙,但系都系无办法中既办法。

 

 

 

雨夜街燈

灿哥當時你做哽乜嘢啊？

思覺失調

搬住嘢都跑得咁快....

小薏

关注一下。

 

 

 

 

 

[ 本帖最後由 小薏 於 2008-8-14 09:15 編輯 ]

大陆灿

事情经过系噉嘅，事发地点系间五层楼房，只有我同我妈咪同住，我妈住喺二楼，三楼系客厅(亦即电视机被盗地方，我住向四楼，凌晨时份我从梦中听到我阿妈狂叫:「部电视机畀人偷埋吖」。我马上从梦中惊醒，直贲楼下，发觉三楼客厅电视机唔见咗,而贼人已经逃去无踪。跟住我问我妈咩事，佢惊恐噉同我講:

「头先佢从二楼望落楼下,见到两名男子正在搬一部电视上紧一部的士,当时佢並无在意，但多心嘅佢记住咗的士车牌号码。及后十来分钟，我亚妈越諗越唔对劲,好似猛然醒悟噉沖上三楼，但系已经唯时晚了。噉就唯有报警啦！但系差佬既表现就另我好嬲啰！我唔期望能破案架啦！我只想发泄下心中既不快啫！

cingsan

如果架車唔係套牌，應該好易查到！！交委好似都可以查！ 東莞係0敢嘅嘞，上次friend返屋企，佢搭咗部野雞機，收屘成車人畀人老笠吖，我friend報警，啲阿蛇個幾鐘先到…… [ 本帖最後由 cingsan 於 2008-8-14 10:37 編輯 ]

外外星人

呢种情形简直系司空见惯，阿蛇费事落簿，咪敷衍下就算啰！

 

不过大家要记住，以后就唔好引狼入室、租屋畀外地人住喇！赚埋赚埋都唔够畀贼人一铺清袋。一于实行坚壁清野，赶晒D坏人返岭北，还我岭南文化之纯洁，还我河山之碧绿，还我鱼米之乡...

不关云和月

啲死贼佬系点入你屋企咖？有人喺度佢哋敢搬电视机，真系沙胆。至于啲差佬剩系识得出粮嘅唧，乜都唔识嘎嘞，保安重衰，同贼无乜分别，一途人被围抢，事后途人问个保安，点解你唔帮手？保安话，你只系损失咗少少，你无报案啦。

[ 本帖最後由 不关云和月 於 2008-8-14 17:49 編輯 ]

思覺失調

凈係偷電視..都算係不幸之中嘅大幸.....

 

我個F屋企畀人爆格,連佢阿媽個名牌手袋都唔放過....

大陆灿

原帖由 不关云和月 於 2008-8-14 13:48 發表 啲死贼佬系点入你屋企咖？有人喺度佢哋敢搬电视机，真系沙胆。至于啲差佬剩系识得出粮嘅唧，乜都唔识嘎嘞，保安重衰，同贼无乜分别，一途人被围抢，事后途人问个保安，点解你唔帮手？保安话，你只系损失咗少少，你无报案啦。 ...

 

真系蛇有蛇路;鼠有鼠路，照计佢哋破门而入既话，把锁都会烂吖！依家把锁完好无缺,家下啲贼手段好高明。

我阿媽個女

噢，Bad luck……

大陆灿

原帖由 思覺失調 於 2008-8-14 15:34 發表 凈係偷電視..都算係不幸之中嘅大幸.....   我個F屋企畀人爆格,連佢阿媽個名牌手袋都唔放過....

 

 

好彩我屋企D值钱嘢畀我收埋晒!最贵就系个部嘢!以前我见到D贼仔畀人打到猪头炳时,我既测忍之心会另我同情班贼，经过呢次事件后，我绝对唔会同情佢哋,见到佢哋畀人打时，我会dut多两脚。

xiss

原帖由 外外星人 於 2008-8-14 11:13 發表 呢种情形简直系司空见惯，阿蛇费事落簿，咪敷衍下就算啰！   不过大家要记住，以后就唔好引狼入室、租屋畀外地人住喇！赚埋赚埋都唔够畀贼人一铺清袋。一于实行坚壁清野，赶晒D坏人返岭北，还我岭南文化之纯洁，还我河山之碧绿， ...

贊同贊同，廣州之今日亂像，乃北人以及差人叔叔共同努力嘅成果，兩者密切配合所得。

大陆灿

原帖由 xiss 於 2008-8-14 19:00 發表 贊同贊同，廣州之今日亂像，乃北人以及差人叔叔共同努力嘅成果，兩者密切配合所得。

 

 

言外之意,你系咪想话警匪勾结，你食咗炮子胆吖！今次又会咁够疆，你死啦!你做反，信唔信我督你背脊吖啦！

外外星人

原帖由 大陆灿 於 2008-8-14 18:27 發表     好彩我屋企D值钱嘢畀我收埋晒!最贵就系个部嘢!以前我见到D贼仔畀人打到猪头炳时,我既测忍之心会另我同情班贼，经过呢次事件后，我绝对唔会同情佢哋,见到佢哋畀人打时，我会dut多两脚。 ...

 

一般D差佬都会等人打完打饱先「塔」D贼人。

cingsan

對唔住！我係差人！

大陆灿

原帖由 cingsan 於 2008-8-14 19:24 發表 對唔住！我係差人！

 

 

唔好意思，我系专霖差佬,风魔万千草根阶层，另差佬闻风丧胆嘅扬佳扬大侠。

cingsan

我哋做卧底嘅…點0甘容易畀你落手

xiss

原帖由 大陆灿 於 2008-8-14 19:36 發表     唔好意思，我系专霖差佬,风魔万千草根阶层，另差佬闻风丧胆嘅扬佳扬大侠。

好，我爆你大鑊！