睇下北方话

芬1012

以前科举考试，广东人写文章一样可以上京攞彩。亦即系话以前广东人写文章的语法同北方人系一样的，即系统一的文言文语法。其实当时北方亦都有一些叫白话文的嘢，不过在当时系畀视为唔入流的，系低俗的（就好似而家佢地评价我地的粤文一样，真系有些水鬼升成王，一朝得志的感觉）。 只系佢地一直都有权，正所谓“政治文化中心”，有政治就有文化。佢地将文言文打翻，将自已的白话文摆上枱，就变成咗正统的嘞。我地的祖先在这方面就真系后知后觉嘞，以为保留住古汉语，点知而家反而畀人地话我地系低俗的。 北方人笑我地粤语有音冇字，其实北方话一样唔系所有字都有的，只不过系偷其它字代替的，而且我觉得有些字佢地系用错咗的。 譬如： 下字，“下”字本来系副词，如：表示方向，“向下行”“下降”，表示方位，“下面”，但北方话将“下”字当动词用，于是我地的挥春“上落平安”，佢地就会讲成“上下平安”，乜嘢意思？上面的人同埋下面的人都平安？“疑是银河落九川”，“疑是银河下九川”？在巴士的前门帖一个“上”字，后门帖一个“下”字，乜嘢意思？系唔系话前门在上面，后门在下面？但两个门口点睇都系一样高啊，真系拗哂头。 进字，“进”本来就冇“入”的意思的，应该系向前的意思。譬如：“进入”，表示面向门口噉入屋，“退入”系屁股向门口噉入屋。总之，“进”“退”互为反义词，“出”“入”互为反义词。“做进出口生意”应该系“做出入口生意”。 没字，“没”字冇“无”的意思。“没”字应该系畀某样嘢遮住唔见咗的意思。三点水，同水有关，主要用于“沉没”，连发音都唔同，真系唔知佢地点解可以将此“没”当彼“没”用。 我见过一句北方话好有意思：“我没收你们的东西。”大家谂下这句话系乜嘢意思？如果在合同上面用真系唔知会点样。 天字，“天”字冇“日”（时间上的）的意思。大家将“年月日”讲成“年月天”试下。将“日期”讲成“天期”试下。总之，时间系人类通过参照太阳（日）、月球（月）的运行来确定的，唔系睇住个天的。 重有，“的”字系乜嘢意思？几时出现过？点解一定要发“de”音，唔可以发“ge3”音？ 重有好多咖，大家不妨细心留意一下，帖出来畀大家睇下。 （上面的“的”即“嘅”，“些”即“啲”，“这”即“呢”，“来”即“嚟”，“在”即“喺”，只系唔想用太多“口”字边的字嘞。好希望大家能够切切实实讨论一下这五个字点办，因为这五个字的使用频率实在太高嘞。）

highyun

总结得好好。 不过你讲嘅几个字，而且确实已经畀人赋予咗呢啲意思，而且为所有人所接受，所以我哋只能接受呢啲字都有呢个意思。至于用唔用系我哋嘅自由。

desmond

芬1012話「上面的“的”即“嘅”，“些”即“啲”，“这”即“呢”，“来”即“嚟”，“在”即“喺”」。我覺得最好用返正寫嘅粵語字“嘅”“啲”“呢”“嚟”“喺”，因爲香港人係接受粵語教學嘅，“的”“些”“这”“来”“在”本嚟嘅粵語讀音已經根深柢固，你叫香港人gaak3ngaang2（夾硬？）將“的”“些”“这”“来”“在”讀做“嘅”“啲”“呢”“嚟”“喺”，係好難轉到臺嘅。

dada

一個字有時有複雜嘅轉變（引申、假借……）﹐淨睇個字唔一定睇得明白。 既然每次睇到個太陽就係一日﹐我哋都可以接受每次睇到個天就係一日。 「來」嘅本義係麥﹐睇個字形重可以睇出嚟。變咗「往來」個「來」﹐係因為麥「天所來也﹐故為行來之來。」 至於讀音﹐「來」係洛哀切﹐粵語審音配詞字庫都話「來」有個lai4音﹐所以「嚟」嘅本字應該係「來」。

Anl

糾正：夾硬(gaap8 ngaang6-2) 其實口字邊嘅粵語字有咩唔好，唔好睇少自己嘅文字。呢啲係根深蒂固嘅用字就冇必要改啦。況且假如“的”“些”“這”“來”“在”都未必係本字。 等我逐個數： “的”係入聲字，要讀成ge3音，聲韻母+聲調無關係。 “些”“這”如是。 “來”有可能係“嚟”嘅本字。 “在”就無法推敲。

highyun

从推广粤语嚟讲，用“的”“些”“来”“在”呢啲字完全冇好处，假如真系好似楼主噉讲只系喺口语上粤语国语有分别，噉粤语就真系只能停留喺口语层面，而唔可以推广到书写喇。

芬1012

讲这几个话题係有以下几个原因的： 1、而家北方人好多，多到已经有一种暄宾夺主的感觉。而家好多公司里边的北方人都比我哋多好多，佢哋已经唔再好似以前噉样尊重我哋。我就曾经听过佢哋几次话我哋粤人冇文化，粤语係“鸟”语。唔知大家有冇听过？如果大家以后遇到噉嘅事，要知道点样反击啊。（佢哋的字其实有好多都系偷的或者係自创的。） 2、上面提到的五个字，我其实已经谂咗十几年嘞。人哋虽然一样係偷或者自创，但係似乎比我哋做得好啊。大家试下将上边的“的、来、些、这、在”读成“嘅、嚟、啲、呢、喺”再读一次我的帖，其实一样好通顺咖。文字本来就係一种习惯，只要我哋重新习惯就得咖啦，不过我都觉得真係好难。 3、希望大家畀信心自己，唔好因为我哋而家处于劣势而觉得自悲，我哋有问题，佢哋一样有问题。 4、五年前我就同友人讲过，粤语会有危机。果然未出五年，我哋的所有学校的所有科目都要用北方话教学，更离谱的就係，佢哋居然连幼儿园都唔放过，我觉得噉样做绝对係一种封杀行为！ 我谂，十年内，粤语会消失。因为我发觉而家啲细路畀驯化到对母语冇哂感觉，原全冇哂自豪感，好似有冇都冇所谓噉。 如果佢哋政治文化经济都好好，人哋会主动去学，就好似我哋（甚至世界其它地方的人）会主动学英文噉。但如果用一种强硬手段要我哋放弃自己的文化，我就觉得好反感嘞。 用母语教学，始终係最生动、最亲切的，所以係最容易接受的。唔知大家觉得係唔係？

sintra

几搞笑 em3:

highyun

芬1012在2005-07-02 00:59:49說道：[br]讲这几个话题係有以下几个原因的：

对呢个问题，我都几担心。 其实一方面粤语由于政策关系被北方话严重压迫，另一方面又因其强大生命力而影响北方。所以未来究竟系点都好难讲。

芬1012

highyun在2005-07-04 00:50:03說道：[br][quote]芬1012在2005-07-02 00:59:49說道：[br]讲这几个话题係有以下几个原因的：

对呢个问题，我都几担心。 其实一方面粤语由于政策关系被北方话严重压迫，另一方面又因其强大生命力而影响北方。所以未来究竟系点都好难讲。[/quote] 其实只要睇“趋势”就可以知道“结果”，而唔需要下下都等“结果”嚟到至知道，如果真係等到“结果”嚟到至切实做嘢，就太迟嘞。 正所谓未雨绸缪啊。

highyun

芬1012在2005-08-10 06:26:26說道：[br][quote]highyun在2005-07-04 00:50:03說道：[br][quote]芬1012在2005-07-02 00:59:49說道：[br]讲这几个话题係有以下几个原因的：

对呢个问题，我都几担心。 其实一方面粤语由于政策关系被北方话严重压迫，另一方面又因其强大生命力而影响北方。所以未来究竟系点都好难讲。[/quote] 其实只要睇“趋势”就可以知道“结果”，而唔需要下下都等“结果”嚟到至知道，如果真係等到“结果”嚟到至切实做嘢，就太迟嘞。 正所谓未雨绸缪啊。[/quote] 而家都未知以后结果系点，但系我哋已经喺度不断做紧嘢啦。我不喽都冇话过要坐以待毙。