北京奧運會開幕式，你覺得點啊？

xiss

相信大家都有睇奧運會開幕式咖啦！
噉樣，你哋係睇邊個台嘅開幕式咖？無綫？CCTV？定係其它電視臺啊？
你覺得開幕式點樣啊？最欣賞又係邊個部分呢？
令人興奮嘅倒數環節？
古代人文與現代科技完美結合嘅LED畫卷？
以假亂真嘅活字印刷術環節？
覺得奧運主題曲點啊？
覺得點火環節又點啊？

我講下自己嘅感覺：
煙花就唔錯啦，畢竟係廣州人放嘅，係有返咁上下水平。
倒數環節幾好，幾有現代感，簡直將你徹底帶入狀態。
嗰幅LED畫卷就更加冇得傾啦，古代文化與現代科技嘅完美結合，科學唯美，堪稱北京奧運嘅最大特色，最大亮點。
當然嗰個活字印刷環節都幾吸引人，嗰一個個活字方塊又起又落，十分魔幻，將中華文化嘅象徵漢字同魔幻結合埋一齊，絕！！
最悶嘅就係入場儀式，通病嚟咖嘞，冇得改咖啦。

不关云和月

咁快睇完啦？

xiss

未啊！實時動態吹水嗟

不关云和月

真系咁吸引咩？我约唔到人，就一个人走去用餐，埋单嗰阵先接近9点，餐厅已经空无一个食客，街上行人也是廖廖可数。车上大把空位，不过而家啲贼仔好癫，喺车度抢嘢，到站开门就抢，抢咗之后一支箭咁冲落车，各位女仔坐车都要小心吖，今日见闻。

xiss

原帖由 不关云和月 於 2008-8-8 22:45 發表 真系咁吸引咩？我约唔到人，就一个人走去用餐，埋单嗰阵先接近9点，餐厅已经空无一个食客，街上行人也是廖廖可数。车上大把空位，不过而家啲贼仔好癫，喺车度抢嘢，到站开门就抢，抢咗之后一支箭咁冲落车，各位女仔坐车都要小心吖，今日见 ...

我唔明點解你要排斥佢？

不关云和月

「佢」指边嗰吖？ 我唔排斥开幕式，只系提唔起兴趣睇唧。以前我睇过其他开幕式，多数系举牌游行仪式噉啰。

廢柴

未睇  興趣唔係好大

不過如果網上有高清翡翠台嘅節目嘅話就會Down翻落嚟睇睇

芬1012

「廢柴」，個名唔錯。

普君南拆遷居民

本來想約人踢波，不過啲人個個話睇電視，搞到我搵唔夠人，焗住睇開幕式。

唔明點解要先講法文，唔通法文係全球第一大語言？

penkyamp

张艺谋大导演美学无得弹. 你比较一下悉尼就知道北京开幕式空前绝后喇.
但系"番茄炒蛋"绝对系败笔. 点解唔用火炬卫士嗰种天蓝色加云纹来做中国代表团制服? 真系无得解!

第一次觉得"五星红旗迎风飘扬"嗰首歌咁好听.


[ 本帖最後由 penkyamp 於 2008-8-9 05:04 編輯 ]

xiss

原帖由 penkyamp 於 2008-8-9 05:01 發表 张艺谋大导演美学无得弹. 你比较一下悉尼就知道北京开幕式空前绝后喇.但系"番茄炒蛋"绝对系败笔. 点解唔用火炬卫士嗰种天蓝色加云纹来做中国代表团制服? 真系无得解!第一次觉得"五星红旗迎风飘扬"嗰首歌咁好听. ...

確實，北京奧運會果然冇令到國際失望，亦都冇丟到中國五千年文化嘅價。總算對得住中國列祖列宗
LED畫卷同埋點火儀式係北京奧運開幕式嘅兩大亮點，亦都憑藉住呢兩大亮點，徹底展示出中國人嘅不凡實力。
用象徵現代科技嘅LED顯示屏代表具有濃厚中國風味嘅畫卷，將古代中華文化同現代科技完美結合。
最令人關注亦都係最令人揪心嘅點火儀式。不過，總算冇令到國人失望，火炬手飛天，象徵「天人合一＂，不僅有創意，而且還有中國嘅内涵，絕！！
又一場視覺盛宴..........
至於，番茄炒蛋制服呢，忽略佢啦，無話可説啊。

penkyamp

我觉得茄蛋制服可能系麦当劳爱心赞助嘅. 可能怪唔得张大导.
但系张大导又有出卖艺术嘅历史(十面埋伏等), 不禁令我有啲质疑.

我好中意啲细路仔. 同埋国画. 嗰种连贯性无得弹. 具体有啲嘢有啲大娘, 呢啲强求唔到人. 北方人, 尤其系北京嘅风格历来都系咁.

一半一半啦.
[ 本帖最後由 penkyamp 於 2008-8-9 13:18 編輯 ]

普君南拆遷居民

原帖由 penkyamp 於 2008-8-9 13:16 發表 我觉得茄蛋制服可能系麦当劳爱心赞助嘅. 可能怪唔得张大导.但系张大导又有出卖艺术嘅历史(十面埋伏等), 不禁令我有啲质疑. 我好中意啲细路仔. 同埋国画. 嗰种连贯性无得弹. 具体有啲嘢有啲大娘, 呢啲强求唔到人. 北 ...

 

我同你相反，最不滿就係啲細路。細細個，一啲童真都冇，作狀到死，呢種講過長期嚴格訓練出嚟嘅作狀加埋姣，又係中國北方特色。

xiss

中國首金，廣州奪得！

廣州人陳燮霞（燮 粵sid3 普xiè）喺女子舉重項目中勇奪金牌，為中國奧運會代表團喺北京奧運會上奪得首枚金牌！中國人喺自己嘅國家參加嘅首場運動會，首枚金牌由廣州人奪得！由廣府人奪得！！由南粵人奪得！！！

[ 本帖最後由 xiss 於 2008-8-9 13:52 編輯 ]

xiss

原帖由 普君南拆遷居民 於 2008-8-9 13:29 發表   我同你相反，最不滿就係啲細路。細細個，一啲童真都冇，作狀到死，呢種講過長期嚴格訓練出嚟嘅作狀加埋姣，又係中國北方特色。

我覺得北方人嘅特色係豪爽直率，南方人嘅特色溫柔細膩。開幕式既有北方嘅大氣，亦有南方嘅細膩，一陽一陰結合，正好體現咗中國古典哲學嘅精髓。
北方特色亦都係中國特色，南方特色亦都係中國特色。

malonso

我無睇直播，覺得一開始腳印個個真系全場最amazing嘅，其次就系畫卷啦，如果個個畫卷系用OLED來做嘅，話唔定用左幾十億人民幣，好乸脷。之后就中規中矩啦。最頂唔順嘅系唱歌唱祖國，同各族人民歡迎各個來賓，一睇到就林起春晚，睇到都起雞皮。

 

BTW，一開始用身體畫畫，令我林起唐伯虎點秋香，忍唔住笑出來。

羊城惜花人

簡評鄉下佬場Show

冯永生

陳燮霞-----广东嘅骄傲！

vincent10

覺得OK   收貨

ziyou864

還OK啦!我都睇到12點,