今晚奧運直播，你哋睇邊一個台啊？

xiss

衆所周知，中央電視臺就百分百有得直播咖嘞，不過中央電視臺嗰尐低水平嘅旁白，標準到令你想嘔嘅普通話嘅，令到我唔想睇，畢竟咁大一件盛事，聼唔到我嘅母語粵語嚟到做旁白始終覺得有尐遺憾！
所以我想問，無綫有冇得直播開幕式啊？幾點開始啊？除咗央視，你哋重知唔知有邊個電視臺有直播權啊？

不关云和月

SORRY，查实我对呢个开幕式冇乜兴趣，问我原因，我又答你唔到。

不关云和月

上次托咗人手肘就讲好请佢食餐饭，约佢今晚啦，点知佢话要睇开幕，要求我改期。 我不断游说佢放弃啦，佢都懒得理我。

紫凤凰

將就睇住CCTV囉，TVB睇住下載版先囉。

xiss

原帖由 不关云和月 於 2008-8-8 14:58 發表 上次托咗人手肘就讲好请佢食餐饭，约佢今晚啦，点知佢话要睇开幕，要求我改期。 我不断游说佢放弃啦，佢都懒得理我。

正常啦，奧運開幕，普天同慶啊嘛

Jean

我冇得睇電視，所以喺網上睇住PPS網上奧運CCTV-1直播：http://cctv1.pps.tv/，網速都算唔錯！

其實個開幕式都幾正~~~好有氣勢！我特別鍾意佢個畫卷舞臺設計，好有意境~古典篇時有個叫咩「海上絲綢之路」嘅節目好好睇~~淨係啲啲音樂就引人入勝~

普君南拆遷居民

點解唔睇無綫？雖然慢咗20秒，不過唔聽粵語解說對唔住自己對耳。

Lucciora

喺朋友屋企，本來想睇翡翠臺，但係朋友父母話睇中央臺，聽到中央臺啲旁白，我嚴重想嘔電

不关云和月

睇咗女子举重，广东番禺选手陈夑霞真系好掂，基本功硬到冇人有。 只要有中国选手参赛，睇嘅心情好唔同，好怕佢哋有咩失误，直接影响到自己情绪。

冯永生

陳燮霞-----广东嘅骄傲！广东嘅自豪！

 

 

冯永生

当然首选睇TVB，可惜TVB经常中间要播广告。

xiss

原帖由 冯永生 於 2008-8-9 14:51 發表 当然首选睇TVB，可惜TVB经常中间要播广告。

開幕式嘅時候佢冇插播廣告，除非佢想自拆招牌啦。