馬師曾 - 余俠魂訴情

唔係人噉品

 

 

 

 

[ 本帖最後由 唔係人噉品 於 2008-8-2 20:02 編輯 ]

唔係人噉品

我姓余﹐我個老豆佢又係姓余﹐俠魂就係我個個名字。

我家中內﹐糧無隔宿﹐幾乎要做到乞兒。有一日﹐係三月清明﹐乃係拜山日子。我就去馮家 揾我大姐來借銀﹐ 想拜我老豆既山墳﹐睇白佢無乜推辭。

又點知佢毫無父女姐弟情﹐反轉豬肚佢就得架係屎。但開口鬧衰神﹐話見左我就頭昏﹐話我 日日來借銀。不過我想拜我老豆既山墳﹐唔通個老豆佢無份既﹐你又話我幾咁得心辭。

好在個個馮二奶﹐見我大姐個衰人﹐俾左幾分銀子。佢重叫我﹐佢又話你從今之後你咪再到 啦﹒要我立刻溜之。

我就番去歸﹐在半路中途﹐我越想越嬲﹐個個心中唔忿個個死人既大姊。我就返轉頭﹗想鬧 佢一身﹐來消左我個啖氣。

點知行行不覺又見馮地既門楣。我入大堂 ﹐鴉雀無聲﹐以為無人在此。我又行入二廳﹐聽見房內吟吟沉沉﹐我重估佢講我﹐我就起了 思疑。

個陣我就唔出聲﹐一味忍住個啖氣﹐在房前來偷聽。原來男女兩個人﹐係處商量秘密既大事 。卻原來﹐姦夫巫實學﹐個個淫婦馮二奶﹐想謀殺親夫﹐又話假造個封情書。

個陣時﹐正係想話出聲又不能﹐想話唔出聲又抵唔住﹐只有思量有乜野法子﹐我就去馬地﹐ 想話來通知你﹐點知你被逐出外﹐我又被人打到我魄散魂離。

到今時﹐幸得遇著你﹐真係天公有眼。我就笑口微微問聲大嫂你﹐你話你既家事我知道定唔 知﹖我知道晒啦呱。