啱啱先知道，原來「寫」同「佘」嘅聲母係唔同咖！

xiss

一位叫做「絕路」嘅會員，畀咗一份「英華分韻字表」嘅電子版我，我瀏覽咗以下，發現咗一尐之前冇留意嘅嘢。
大家都應該知道，喺香港，「佘」呢個姓，有人譯作「She」，大家可能會覺得奇怪，點解唔係「Se」呢，係唔係香港人隨便譯呢？
今日一查以清末（咸豐）為准嘅《英華分韻》，先至發現嗰種奧秘。
相信宜家絕大部分粵語人都會認爲「佘」同「寫」除咗音調唔同之外，聲母韻母都一樣，宜家嘅粵語語音資料亦都唔區分兩者讀音，但係原來喺清末，兩者讀音係區分咖，一個讀se（寫），一個讀she（佘）。
難怪有尐香港人將「佘」譯作「se」。
類似嘅重有
將「紫」（原讀tse）「志」（原讀chi）都讀成chi（即ji）。
將「沙」（原讀sha）「莎」（原讀sa）都讀成sa。
而且呢尐字嘅音喺普通話裏面亦都有分別：
紫zǐ 志zhì
寫xiě 佘shé
但係好明顯，上面呢尐字喺宜家嘅廣州話當中已經冇區分嘞，而且各種宜家嘅語音資料、拼音方案亦都冇作出區分。

所以，我哋見到一尐香港人將同音嘅兩個字譯作唔同嘅英文，除咗「隨意」呢個因素之外，重可能係粵語語音從清末到宜家呢個過程之中發生咗改變。

紫凤凰

廣東嘅對應的捲舌聲母老早消失係早就知道嘅事情，唔使大驚小怪。

xiss

原帖由 紫凤凰 於 2008-8-2 14:10 發表 廣東嘅對應的捲舌聲母老早消失係早就知道嘅事情，唔使大驚小怪。

sh應該唔係指「卷舌音」啩，國際音標都唔同。

cingsan

佘=蛇，我不嬲都知唔同寫…撈拼都唔同喇……

xiss

原帖由 cingsan 於 2008-8-2 16:26 發表 佘=蛇，我不嬲都知唔同寫…撈拼都唔同喇……

但係宜家尐粵拼，粵語字典啊，以及尐人講嘢都已經唔再區分呢，唔通你識得點樣分？平時講嘢都有分？

紫凤凰

原帖由 xiss 於 2008-8-2 14:20 發表 sh應該唔係指「卷舌音」啩，國際音標都唔同。

 

我冇話係卷舌音，我意思係一組對應於北方方言卷舌音的聲母，當時雖無卷舌，但可以分清楚。後來這組聲母都消失了，便成為只有用z, c, s代替的一種聲母。

 

所以你唔使咁大驚小怪。

xiss

原帖由 紫凤凰 於 2008-8-3 21:09 發表   我冇話係卷舌音，我意思係一組對應於北方方言卷舌音的聲母，當時雖無卷舌，但可以分清楚。後來這組聲母都消失了，便成為只有用z, c, s代替的一種聲母。   所以你唔使咁大驚小怪。 ...

我只係覺得，粵語裏面消失咗一套聲母，降低咗辨別能力，有尐可惜囖。