点解唔畀云吞？

外外星人

一般讲法系冇面畀、唔畀面，点解又唔畀云吞呢？事关我哋艰难时期，有碗云吞面食下都好巴闭，若果畀面当然好啦！但系冇云吞畀，都势系假啫！

 

尽管，食面个麵字同畀面个面字有少少唔同，而唔畀云吞系出自市井，话知你啦，照讲！故此，唔畀面变咗唔畀云吞。或者系太为食，成日挂住碗云吞面；或者系有面冇云吞都一样觉得唔畀面。

cingsan

不知所雲！

我阿媽個女

咁點解又唔俾河粉啊、米粉啊、腸粉啊咁呢~~~？

cingsan

咁點解又唔屙河粉啊、米粉啊、腸粉啊咁呢~~~？

蛋糕仔

都唔知你講乜！！講清楚小小喇！

唔三唔四蠢魚

 

原帖由 cingsan 於 2008-8-2 08:38 發表 不知所雲！

「云」经已畀人「吞」咗，你知所「云」至奇，除非你係人地个肚条虫。

penkyamp

原帖由 外外星人 於 2008-8-2 00:24 發表 一般讲法系冇面畀、唔畀面，点解又唔畀云吞呢？事关我哋艰难时期，有碗云吞面食下都好巴闭，若果畀面当然好啦！但系冇云吞畀，都势系假啫！   尽管，食面个麵字同畀面个面字有少少唔同，而唔畀云吞系出自市井，话知你啦，照讲！故此，唔畀 ...

歇后语: 你点解净系上云吞咖! --- 唔畀面!

(插图: 两个罗马人在共和国议会对住碗嘢在度吵交)


[ 本帖最後由 penkyamp 於 2008-8-3 11:48 編輯 ]

penkyamp

你白食饭重要人畀面你? 使唔使畀埋云吞啊???

(罗马人在城头上对匈奴阿提拉讲)


[ 本帖最後由 penkyamp 於 2008-8-3 11:47 編輯 ]

紫凤凰

唔畀面嘅面係面子噉解，亦即是面非麵。唔畀面，意謂不給面子。粵語這裡詞語很多，例如架子，我哋成日簡稱架，只有說人沒有架子時才用到書面音。例如書架的架平時多讀上聲，但在書面語卻讀去聲，這類詞語很多。所以唔畀面的面並非雲吞麵的麵。 [ 本帖最後由 紫凤凰 於 2008-8-3 22:25 編輯 ]

外外星人

呢个唔系纯学术问题，系习惯讲法。有人钟意捉字虱，睇清楚一楼发言就知点解。

紫凤凰

 

不关云和月

外外星人要云吞咩 ，等云月有得包嗰阵送啲畀你，爱唔爱？ [ 本帖最後由 不关云和月 於 2008-8-4 19:52 編輯 ]

外外星人

原帖由 不关云和月 於 2008-8-4 19:51 發表 外外星人要云吞咩 ，等云月有得包嗰阵送啲畀你，爱唔爱？

 

爱，两样都爱。

外外星人

寫返正體字會好睇啲：
一般講法係冇面畀、唔畀面，點解又唔畀雲吞呢？事關我哋艱難時期，有碗雲吞麵食下都好巴閉，若果畀面當然好啦！但係冇雲吞畀，都勢係假啫！

儘管，食麵個麵字同畀面個面字有少少唔同，而唔畀雲吞係出自市井，話知你啦，照講！
故此，唔畀面變咗唔畀雲吞。或者係太為食，成日掛住碗雲吞麵；或者係有麵冇雲吞都一樣覺得唔畀面。