請問ngam腳個ngam字點串啊~~~

wai

ngam 腳 個ngam,可能我串錯, 國語係 搖呀. 喐下, 咁上下個意思~~~唔該講畀我聽點串啦~~~~

desmond

你指 an3 腳？ an3 吓 an3 吓？

itxu2k

好多人写作"奀脚"...唔知本字...

wai

我想問 座喺度 喐只腳, 可以點講~~~

wai

哦,,原來係an3, 個字 係 點寫啊?

Cactus

wai在2005-06-28 16:14:03說道：[br]哦,,原來係an3, 個字 係 點寫啊?

我個輪入法用 an 查唔到適合字。 應該係最接近個 摁 en “手”部亦包括四肢動作，“恩”表讀音。

itxu2k

肇庆读『ngan3』,冇法,呢度零声母嘅字非常少 都有可能所指系『ngap3』,唔知有冇字,又或者系同一字

wai

我問anl堂主, 佢話係ang2, ang2腳,但係我搵唔到個ang2字.

highyun

ang2同an3意思唔同，“ang2”系“哽”，指畀硬物顶住。而an3系指不停摇动振动。

dada

坐喺度喐隻腳﹐我講ngan3。 《廣州話方言詞典》話係「䟴」（足辰）﹐音ngen3（廣拼﹐等於ngan3）。呢個字正讀係「震」。如果真係有異讀音﹐就最妥當﹐因為佢嘅意思係腳震。 《段注》﹕「䟴﹐與口部唇、雨部震、手部振音義略同。」 「唇」﹐從口﹕驚也﹐後人以震字為之。驚到口震脣震﹖ 「震」﹐從雨﹕劈歷，振物者（雷震萬物）。 「振」﹐從手﹕舉救也。有人話係「賑」嘅本字。 「娠」﹐從女﹕妊而身動曰娠。 「䟴」﹐從足﹕腳震。

itxu2k

噉有冇人知道『ngap3』同『ngeot3』嘅本字呀 经常都可以听到人讲:只船『ngap3』下『ngap3』下,好晕呀! 或者:你唔好『ngeot3』来『ngeot3』去啦,因住跌你落水呀! 两个字意思似乎系一样,都系"(上下地)摇晃"噉解

sintra

http://www.yueyu.net/yykt/yyfyz.htm 尼个页面写 啱 拼音係 ngam em4:实际上打唔出嚟。 拼音打 yan 就搵到了

highyun

itxu2k在2005-06-30 20:17:51說道：[br]噉有冇人知道『ngap3』同『ngeot3』嘅本字呀 经常都可以听到人讲:只船『ngap3』下『ngap3』下,好晕呀! 或者:你唔好『ngeot3』来『ngeot3』去啦,因住跌你落水呀! 两个字意思似乎系一样,都系"(上下地)摇晃"噉解

正确发音系ngap6，唔系ngap3。至于ngeot3，未听过。

itxu2k

highyun在2005-07-01 00:39:14說道：[br] 正确发音系ngap6，唔系ngap3。至于ngeot3，未听过。

em1: em14: em16: 又被人捉咗鸡脚添...唯有认咗佢啦....事实上....我已经分唔出『ngap3』同『ngap6』有乜分别... em20:

highyun

itxu2k在2005-07-01 01:03:59說道：[br][quote]highyun在2005-07-01 00:39:14說道：[br] 正确发音系ngap6，唔系ngap3。至于ngeot3，未听过。

em1: em14: em16: 又被人捉咗鸡脚添...唯有认咗佢啦....事实上....我已经分唔出『ngap3』同『ngap6』有乜分别... em20: [/quote] 据我所知，某啲地方口音系3、6声唔分嘅，例如中山口音。

Cactus

http://www.yueyu.net/yykt/yyfyz.htm 尼个页面写 啱 拼音係 ngam 实际上打唔出嚟。 拼音打 yan 就搵到了 ------------------- 啱 arm, ngaam, ngaan 乜打 yan 可以出個啱咩？ 我用微軟拼音拼唔出喎。

itxu2k

highyun在2005-07-02 00:00:45說道：[br]据我所知，某啲地方口音系3、6声唔分嘅，例如中山口音。

排除读错字嘅情况,阴去调[3声]同阳去调[6声]我分得异常清楚 但系,对于中入调[8声]同阳入调[9声],因为音位太接近(我估,用5度法分既话,大概系3同2嘅值),相对调值又低,有部分字,我就算明知系唔同音,读出来基本听唔出分别...

itxu2k

嗯...重有一样...中入调嘅字,多数都冇对应阳入调嘅字;阳入调嘅字亦然... 所以,我分唔出来,明显系缺乏锻练所致... btw,类似"锡sek3"同"石sek6"等字,我由细到大都以为系同音字 em14:

highyun

中入阳入对应嘅例子都可以揾到少少嘅： 中入 阳入 薛 蚀 结 杰 锡 石 络 落 ……