消朝頭、消晏晝、消夜

dada

「消夜」好普遍﹐有冇人聽過「消朝頭」（早餐）、「消晏晝」（下午茶）﹖

H3

唔係"宵夜"咩? 点会用"消"嘅?

余OK

都有聽過。。。

dada

h3在2005-06-28 10:00:24說道：[br]唔係"宵夜"咩? 点会用"消"嘅?

喺《國語辭典》﹐「宵夜」同「消夜」都係「夜間的點心」。 「消朝頭、消晏晝、消夜」明明係同一個構詞法﹐我唔用個「宵」字﹐因為佢淨指夜晚。

Anl

“宵夜”好難解得通。 廣東人一早會飲早茶，簡稱“飲茶”，早上行出街見到啲街坊，第一句就係“早晨”，第二句係“去飲茶呀？”或者“飲完茶返嚟呀？”。不過而家都睇怕祇有幾廿歲嘅亞公亞婆係噉講。 廣州人食完飯，下午一般會喺屋企坐吓休息吓，或者“瞓晏覺”，唔會出去。香港人可能受西方文化影響，會去飲吓“下午茶”。 南方晚黑天氣熱，好難入睡，冇乜地方好去就惟有去食“消夜”嘞，消遣夜晚嘅意思。“宵”其實應該用作“結束”嘅意思(如‘通宵’、‘元宵’)，同“消遣”差一段距離。我都贊成應該寫“消夜”唔係“宵夜”。 啲撈佬又學粵語，“消夜”佢哋就寫成“夜宵”。變咗冇得解釋。好似“埋單”變咗“買單”。音就近嘞，意思變咗食完飯之後重要“買一張單”而唔係嗌小二“埋嚟睇單”。

Kathy

anl呀, 請問埋單係“埋嚟睇單”咁解咩??? 我覺得似開頭開左張單, 食完就結賬, 所以叫埋左張單佢... 幫張單埋尾??

H3

dada在2005-06-28 14:18:44說道：[br][quote]h3在2005-06-28 10:00:24說道：[br]唔係"宵夜"咩? 点会用"消"嘅?

喺《國語辭典》﹐「宵夜」同「消夜」都係「夜間的點心」。 「消朝頭、消晏晝、消夜」明明係同一個構詞法﹐我唔用個「宵」字﹐因為佢淨指夜晚。[/quote] 宵非通"消", 响辞渊里面. 宵有两个解释, 1. 夜, 例: 宵禁, 宵分(夜半), 宵程, (夜半的行程), 宵夜(夜间所吃的点心(广东土语)) 2. 盗贼, 例: 宵小. 另〔形〕小. 宵人(小人). 至于"元宵", 只係一种食物嘅名称. 响金山词霸里面, "宵"又指小吃, 零食, 便食. 所以国语会有"夜宵". 但并冇"消费, 消遣"嘅意思.

芬1012

kathy在2005-06-29 00:10:34說道：[br]anl呀, 請問埋單係“埋嚟睇單”咁解咩??? 我覺得似開頭開左張單, 食完就結賬, 所以叫埋左張單佢... 幫張單埋尾??

重有“埋数”。估计有“结”的意思。

highyun

一九四一年太平洋上空战云正浓，香港加收“饮食税”百分之五，以备战争之用。在此之前，香港没有这税项，也不需要文件证明食肆的收入，一旦征税，食肆采取记账制度，顾客拿了单据到柜面结账，并纳税款，食肆集中单据，以待税务人员查核。这便改变了过去“叫数”收款的方式了。日治时期，食肆亦要缴税，重光后，初期亦须纳饮食税，一纸单据还是少不了。战后，取消了饮食税，唯“埋单”之语保留下来。“埋”字在广府话中有：聚集、结集、加起来的意思。例如埋药，即集合几种药材。 摘自港台《俗语趣谈》