帶調漢語拼音輸入法

desmond

如果搜狗 / 谷歌 / 紫光等推出新帶調漢語拼音輸入法 (打字時需要輸入聲調)，有別於以往無聲調版本。

你哋估受歡迎程度會有幾高？

 

1-5 為受歡迎程度，5為最高，1為最低。

[ 本帖最後由 desmond 於 2008-7-26 12:24 編輯 ]

外外星人

2、4系咩？

Toishanese

語調用咩方式輸入？
用數字會同揀字衝突，
用字母會唔方便詞語輸入。

對於好多人嚟講，
加多個聲調只會增加輸入難度，
尤其係好多需要靠唔模糊音幫助嘅人。

我認為，帶語調嘅拼音唔適合作為輸入法應用。

desmond

冇人理呢個帖。

xiss

帶調輸入？噉樣咪徒增輸入嘅難度？更加唔受歡迎啦......

JadenYuki

我覺得你說帶調輸入的漢語拼音輸入法比無調輸入的漢語拼音輸入法更不受歡迎是錯的，其實帶調輸入的輸入法在很受歡迎的有微軟新注音輸入法、自然輸入法、注音輸入法和Yahoo臺灣的Yahoo輸入法都是帶調輸入的，但是Yahoo輸入法是注音輸入法卻沒有漢語拼音輸入法。

bruceasu

其实紫光拼音和微软拼音是支持声调输入法，但没有什么用处。

xiss

原帖由 JadenYuki 於 2008-11-12 13:35 發表 我覺得你說帶調輸入的漢語拼音輸入法比無調輸入的漢語拼音輸入法更不受歡迎是錯的，其實帶調輸入的輸入法在很受歡迎的有微軟新注音輸入法、自然輸入法、注音輸入法和Yahoo臺灣的Yahoo輸入法都是帶調輸入的，但是Yahoo輸 ...

實際上，無調輸入所帶嚟嘅準確度嘅降低，完全可以通過字詞聯想、整句輸入、短語輸入等信息技術嚟到彌補，而宜家呢尐技術已經係所有拼音輸入法嘅基本功（冇嘅話根本就唔算得上係一個合格嘅輸入法），衆多有名嘅輸入法例如紫光搜狗等呢方面嘅技術更係發展到「登峰造極」！所以，喺無調輸入法嘅固有缺點已經通過其它方式得到咗彌補嘅情況下，無調輸入法對比起帶調輸入法就多咗一個方便快捷嘅優點（唔使時時輸入多一個調）。帶調輸入法由於字詞聯想等技術其原有嘅優點（更高準確性）已經不復存在，反而變成咗一種畫蛇添足嘅產物。
至於你話微軟新注音輸入法、自然輸入法、注音輸入法和Yahoo臺灣的Yahoo輸入法等帶調輸入法嘅受歡迎，相信只要一同紫光搜狗以及微軟内地嘅「微軟拼音輸入法」等大衆輸入法一對比，所謂嘅「受歡迎」就會原形畢露。我可以斷定，無調輸入方式嘅輸入法肯定要比帶調嘅受歡迎得多，以上帶調輸入法嘅使用量只要一同紫光等「輸入法巨頭」相比，就會馬上顯現出其不受歡迎嘅原形。
實際上，一個好滑稽嘅現象就係，紫光搜狗等輸入法其實都提供咗畀大家進行帶調輸入嘅功能。但係大多數用戶都並冇啓用到呢項附加功能。喺完全唔需要新安裝軟件嘅情況下，用戶仍然對帶調輸入功能唔感冒，噉到底誰更受歡迎，相信已經顯而易見嘞。