香港潮語學習字卡

唔係人噉品

學潮語之必備.

 

 

http://stupid0x0.spaces.live.com/photos/cns!988F9C7B222CACE3!868/

cingsan

thank you！！

cingsan

介唔介意贴上来啊？？

外外星人

普君南拆遷居民

呢套咭先得62張，好多詞都冇收，膠登入面重有大把所謂嘅潮語。

cingsan

唔係人噉品

原帖由 cingsan 於 2008-7-26 00:53 發表 介唔介意贴上来啊？？

 

隨便.

普君南拆遷居民

嗰段動畫，幫個博士配音嗰條友，懶音懶到得人驚：講—>趕  廣義－>趕義。

cingsan

香港潮語學習字卡

cingsan

唔係人噉品

原帖由 cingsan 於 2008-7-27 00:59 發表 香港潮語學習字卡

 

重爭大檸樂嗰張,可唔可以幫手搵埋?

penkyamp

点解叫"潮语"啊? 潮语系潮汕方言嘅意思. 流行口语应该叫"流行语".

xiss

原帖由 penkyamp 於 2008-8-3 05:28 發表 点解叫"潮语"啊? 潮语系潮汕方言嘅意思. 流行口语应该叫"流行语".

潮人係唔會講究呢尐嘢嘅，「潮語」就係「潮流語」，唔需要咁講究啦。

香港潮流文化同廣州有所不同，所以廣州潮語同香港潮語亦都有所同有所不同，所以廣州潮仔唔可以全部照抄，否則出到去講出嚟人哋唔會當你潮，反而覺得你係異類。
[ 本帖最後由 xiss 於 2008-8-3 13:54 編輯 ]

penkyamp

广州潮语同香港潮语有边啲地方唔同啊?

xiss

原帖由 penkyamp 於 2008-8-3 15:01 發表 广州潮语同香港潮语有边啲地方唔同啊?

嘻嘻，潮語呢傢嘢好難用系統嘅方法去「研究」佢哋咖，如果想知道有么嘢唔同，唯有靠自己去親身體驗咯，其中一個辦法，就係喺廣州「蒲」下，香港又「蒲」下

nusushika

很有意思，學了很多～謝謝～
我開始還以為是潮州語，囧～

普君南拆遷居民

原帖由 penkyamp 於 2008-8-3 15:01 發表 广州潮语同香港潮语有边啲地方唔同啊?

廣州嘅所謂潮語，係半撈化嘅火星文。跟埋人哋講咩「偶」「粉絲」「忽悠」……都係港式潮語順眼少少。

xiss

原帖由 普君南拆遷居民 於 2008-8-3 23:33 發表 廣州嘅所謂潮語，係半撈化嘅火星文。跟埋人哋講咩「偶」「粉絲」「忽悠」……都係港式潮語順眼少少。

妖，你對廣州潮語都唔熟嘅，唔好以爲内地媒體流行嗰尐嘢廣州潮人都流行至得咖。除咗火星文之外，你試下喺廣州潮人類面前講呢尐所謂嘅「潮語」啊，睇下人哋笑唔笑死你。
其實廣州潮語同香港潮語差別唔大，只係有尐唔同，例如「神級」、「屈幾」呢尐講法廣州甚少聽到。而廣州嘅「狗[ley1]」「糯米雞」「炒蝦拆蟹」呢尐講法喺香港亦都好少聽到。
就好似傳統語言裏面，廣州人講「冰箱」，香港人講「雪柜」一樣。

重有，廣州畢竟喺内地，語言裏面混有一尐國内元素喺道在所難免，其實噉樣亦都係廣州話自己嘅一個演變特色。如果盲目噉樣以爲混有内地元素就係落後嘅，么嘢都應該向香港學習，香港至上，噉樣只係會失去廣州自己嘅自主性，甚至有自虐之嫌。
[ 本帖最後由 xiss 於 2008-8-3 23:51 編輯 ]

唔係人噉品

原帖由 普君南拆遷居民 於 2008-8-3 23:33 發表 廣州嘅所謂潮語，係半撈化嘅火星文。跟埋人哋講咩「偶」「粉絲」「忽悠」……都係港式潮語順眼少少。

 

你講得啱,o依家好多人的確撈化得好交關,將啲撈話詞彙\文法夾硬用廣州音唔鹹唔淡噉噏返出嚟,搞到自己人唔似人,鬼唔似鬼噉.

xiss

原帖由 唔係人噉品 於 2008-8-4 07:44 發表   你講得啱,o依家好多人的確撈化得好交關,將啲撈話詞彙\文法夾硬用廣州音唔鹹唔淡噉噏返出嚟,搞到自己人唔似人,鬼唔似鬼噉.

係係係，你講尐廣州話就好正常嘅，其他廣州人講廣州話就實有錯嘅，實係畀人「撈」化嘅。
你又有冇諗過，廣州班後生仔有時反「撈」反到「dap6」錢都專門揀「撈」嚟「dap6」啊？你只係紙上談兵噉樣反「撈」，有尐廣州人已經喺實際行動上反「撈」嘞。重有，唔好以爲廣州人講嘅嘢就絕對係被「撈」化嘅廣州話，你以爲廣州人個個都係咁冇自主觀念咖？你知唔知道廣州有幾多老師對「推普」政策陽奉陰違，廣州嘅媒體為咗講「粵語」又係點樣同語委打遊擊戰，廣東政府為咗撐「粵語」又係點樣「上有政策下有對策」啊？
唔好以爲其他人講嘅嘢都係被「撈化」嘅，其他人都係甘願被同化嘅，廣東有幾多人喺道默默無聞用實際行動撐緊粵語你又知唔知？而且裏面就有好多畀你哋一日到黑死彈爛彈話佢哋被「撈」化啊。你要記住，你只係喺呢個論壇上講幾句嚟到捍衛粵語，但係有好多有身份有地位嘅人已經用緊實際嘅行動喺道捍衛緊粵語嘞。
唔好以爲捍衛粵語就淨係得香港，唔好以爲捍衛粵語嘅時候香港尐嘢就好曬，廣東亦都有好多人好多城市喺道撐緊粵語。香港（人）只係衆多捍衛粵語嘅行列當中一個比較積極嘅一員咋，但係噉樣絕對唔代表香港嘅粵語文化就係所有粵語文化嘅唯一標準。
我唔排除亦都有一尐人的確被「撈」化咗，但係其他絕大多數人仍然係堅持自主性咖，粵語仍然係佢哋嘅主要語言，佢哋嘅根亦都喺粵語上面，即使有一兩個詞可能唔識用粵語嘅傳統講法，但係佢哋嘅主流仍然係粵語，正如馬克思所講，對矛盾性質嘅判斷應該睇佢嘅主要方面一樣，所以我哋亦都唔應該就凴一兩個詞就將人哋打入「撈」化之列。所以我希望各位，唔好以爲其他非粵協會員嘅人都係被「撈」化，都係有問題嘅，只有粵協嘅人或者只有香港嘅人先係正統嘅，所有人都應該向粵協或者香港人學習！
[ 本帖最後由 xiss 於 2008-8-4 10:33 編輯 ]