|
生氣、憤怒、「嬲到震」同埋「哭笑不得」之間嘅區別
學生問教授一個人生哲理的問題：「教授我想問，生氣、憤怒、嬲到震同埋哭笑不得，有麽野唔同？」
教授話：「我做個實驗畀你睇，你就容易明咖嘞。」．．．．．．．．．．．
於是他揭開電話簿，隨便搵咗一個叫PK仔嘅電話號碼，就打電話過去，電話 接通， 教授按擴音鍵等學生聽清楚……
教授：「請問梁朝偉喺道嗎？」
PK仔：「你打錯嘞！」
教授：「唔好扮嘢嘞！梁朝偉喺道嗎？」
PK仔：「都話你打錯咯！」跟住就將電話kap咗。
之後，教授即刻又打電話過去……
教授：「請問梁朝偉喺道嗎？」
PK仔：「邊個呀！你打錯嘞。」
教授：「請問梁朝偉喺道嗎？」
PK仔：「你老母，痴線咖。」又將電話kap咗。
教授即刻又撥咗一次……
教授：「請問梁朝偉喺道嗎？」
PK仔：「你到底係邊個？唔好咁無聊啦！」
教授：「我係劉德華，我要搵梁朝偉……」
PK仔︰「白癡咖！你係劉德華噉我咪係成龍？！我XYZ你個上中下！」
講完，又將電話kap咗。
教授同學生講：「呢尐就係生氣喇！跟住，畀你睇下麽嘢叫做憤怒啦！」
教授又撥一通電話過去……
教授：「請問梁朝偉喺道嗎？」
PK仔：「你係唔係五行欠打啊？要搵梁朝偉打去中國星啦！你老母吖，你夠膽就再打嚟道畀我睇下……」
講完就更用力噉kap電話。
教授同學生講：「呢尐就係憤怒。宜家，畀你睇下麽嘢叫嬲到震！」
教授又打做個電話過去，呢次隔咗一段時間先有人接，電話一接通……
PK仔：「頂你個肺！diu你老母啊……」
正當佢破口大罵嘅同時……
教授：「請問，你係咪PK仔？」
PK仔：「喔！真係對唔住，因為頭先有人玩嘢，我唔係特登要鬧你……」
教授：「唔緊要，請問梁朝偉喺道嗎？」
PK仔：「你個仆……」
呢次未等PK仔鬧完，教授就將電話kap咗嘞。
教授同學生講：「呢尐就係嬲到震，你明未？」
學生答︰「我完全明白晒喇！」
學生點點頭：「不過……麽嘢係哭笑不得呢？」
教授笑咗笑，又打咗同一個號碼，對方快速接起電話……
PK仔：「喂！！！你個傻仔係咪想玩嘢呀？」
教授：「我係梁朝偉，請問頭先有冇電話搵我…… 」
..................... 
[ 本帖最後由 xiss 於 2008-7-22 01:57 編輯 ] | 
發表於 2008-7-22 01:55:11
發表於 2008-7-22 06:17:43
