找回密碼
 註冊

QQ登錄

只需一步,快速開始

搜索
熱搜: 活動 交友 discuz
樓主: vincent10

[集體回憶] 睇香港電視大嘅我哋 轉

[複製鏈接]
發表於 2008-7-24 01:17:17 | 顯示全部樓層

至低限度韓國肯搏,敢於嘗試,例如新農村,重有敢於學習香港嘅ICAC。

發表於 2008-8-17 11:52:41 | 顯示全部樓層
原帖由 紫凤凰 於 2008-7-22 11:08 發表

如果你係廣州人,如果你係八零年生人,恐怕就唔會噉講嘢,廣州九十年代初先至真正接觸香港電視,至於之前嘅接天線雖然有,但較少人。尤其係喺有線出來後。

 

而之前,有邊個未睇過《黑貓警長》、《葫蘆兄弟》?有邊個未睇過《大鬧天宮》,在當時的廣州,娛樂節目並不豐富,信息接收渠道十分有限。

 

《粵韻風華》其實唔算老,在此之前嘅《萬紫千紅》你又睇過未?嗰陣《粵韻風華》都未出。「萬」當時係廣州紅透半邊天嘅節目,任永泉都係好後先至出來了。

 

七十年代到八零年生嘅到依家重記得楊鈺瑩、毛寧嘅歌,佢哋唱嘅歌對整個廣東影響嚴重。當年廣東樂壇足可同香港樂壇分一杯羹嘅時代你又經歷過未?

 

《公關小姐》《情滿珠江》《外來妹》這些廣東經典的電視劇你又聽過看過未?《公關小姐》重要係一齣戲影響一個行業。《美少女戰士》,雖然都好耐,但係遠遠沒有「黑貓」佢哋耐。

 

你又可曾睇過當年廣東嘅電視臺播嘅《花仙子》、《星仔走天涯》、《變形金剛》?

 

估計你亦都未睇過當年珠江臺播嘅《排球女將》、《血疑》,當年山口百惠可以話係我嘅偶像。

 

當年費翔嘅受歡迎程度,估計你亦都唔會感受得到。

我識得嘅咁多廣州人,的確冇邊幾個係睇黑貓大嘅。大人唔使講,就連同輩之間,都的確冇幾多人鍾意睇。我記得冇幾奈之前我同班F坐埋吹水,講到動畫片嘅時候,我哋重將黑貓呢尐國產動畫大批特批。我細個嘅時候,大部分動畫片,我都鍾意睇,但係總係有幾部好反感。細個嘅時候唔懂事,唔知道么嘢係國產動畫,大個之後先至發現,原來我以前唔鍾意睇嘅動畫,竟然全部都係國產動畫。呢個事實真係令到我哭笑不得。出於一個好純樸冇任何意識形態影響嘅細路仔眼光去分析,國產動畫嘅水平的確令人堪憂。
港產節目對於廣東人嘅作用的確好大,至起碼佢為廣東人帶嚟咗衆多嘅涼風,為廣東人解悶解毒。
發表於 2008-8-17 11:54:31 | 顯示全部樓層
原帖由 紫凤凰 於 2008-7-23 01:43 發表 講啊,1985年左右我屋企就有電視,14吋彩色電視。不過嗰陣時都冇收到TVB同ATV,所以話你呃人就係呃人。

唔會啩,嗰時我老豆已經開始睇港產片,聼香港歌啦。
我老豆甚至同我講,嗰時香港歌一傳到内地,即刻成爲咗全國搶手貨,可見當時香港嘅魅力。
[ 本帖最後由 xiss 於 2008-8-17 11:59 編輯 ]
發表於 2008-8-17 12:02:14 | 顯示全部樓層
原帖由 tonybean 於 2008-7-22 22:18 發表 呢篇嘢喺校內網度有人發過,不過畀成班撈仔憤青兜口兜面噉噴,話我哋數典忘祖,都唔知咩心態

因爲北糞變態囖。
我宜家終于有尐理解粵右嘞,真係好鬼希望衆多粵人聯合起身,喺互聯網上同北糞好好噉樣打一場「仗」,等北糞知道自己係幾咁荒謬。
發表於 2008-8-18 20:50:42 | 顯示全部樓層

原帖由 xiss 於 2008-8-17 11:54 發表 唔會啩,嗰時我老豆已經開始睇港產片,聼香港歌啦。我老豆甚至同我講,嗰時香港歌一傳到内地,即刻成爲咗全國搶手貨,可見當時香港嘅魅力。

 

珠江臺成日播港產片咪得囉。

 

不過嗰時我睇嘅港產除咗珠江臺等轉播外,就係靠錄像帶。嗰時我哋係靠錄像帶之嘛。

發表於 2008-8-18 22:19:44 | 顯示全部樓層

80年代後期私裝天線唔計。睇邊個夠膽話自己老早就收睇香港電視啦,轉播嘅唔算。

發表於 2008-8-18 22:30:49 | 顯示全部樓層

原帖由 xiss 於 2008-8-17 11:52 發表 我識得嘅咁多廣州人,的確冇邊幾個係睇黑貓大嘅。大人唔使講,就連同輩之間,都的確冇幾多人鍾意睇。我記得冇幾奈之前我同班F坐埋吹水,講到動畫片嘅時候,我哋重將黑貓呢尐國產動畫大批特批。我細個嘅時候,大部分動畫片,我都鍾 ...

 

你識得嘅大部分係好後出世嘅人。甚至90年出世嘅,梗係噉講啦,你見到80年出世嘅,佢哋就唔會噉講架啦,78,79年出世嘅都係一樣架,啲後生仔後生得濟咪唔知以前啲嘢囉。

 

而且90年以前,香港啲歌都唔係最紅,相反係自己啲歌掂嘅多,另外就係臺灣,香港嘅歌曲係有好多,但係都係傳,唔係靠電視,而80年代初、中期更主要係臺灣嗰邊。至於後期,多數都重係靠轉播同錄像帶。

 

《粵韻風華》其實對我哋已經係好後期嘅節目啦,之前一直都係《萬紫千紅》。未睇過嘅人多數唔係廣州或者好遲出世嘅。例如唔知王怡菲後來去咗做乜嘅絕對係後生極有限。嗰時費翔有幾紅佢哋亦都冇乜機會體會。

發表於 2008-8-18 22:41:23 | 顯示全部樓層

以下所有睇過嘅先至好講:

 

《秦始皇》——劉永、馮寶寶,《武則天》——馮寶寶。

《夾心人》——鄭少秋、翁美玲,《檸檬丈夫》——廖偉雄、劉嘉玲。

《大內群英》、《大內群英續集》——米雪、萬梓良

《太極張三豐》——米雪、萬梓良

《新蜀山劍俠》——陳松齡、溫兆倫

《武尊少林》——溫兆倫、黎姿、梁小冰

《天蠶變》及《天蠶變之再與天比高》

《鱷魚淚》——潘志文

《濟公》——梁榮忠、梁小冰、陳少霞、何寶生

《少女慈禧》——柳影虹

《紫釵記》——鄭少秋、汪明荃

發表於 2008-8-19 01:51:46 | 顯示全部樓層
原帖由 紫凤凰 於 2008-8-18 22:30 發表   你識得嘅大部分係好後出世嘅人。甚至90年出世嘅,梗係噉講啦,你見到80年出世嘅,佢哋就唔會噉講架啦,78,79年出世嘅都係一樣架,啲後生仔後生得濟咪唔知以前啲嘢囉。   而且90年以前,香港啲歌都唔係最紅,相反係自 ...

我老豆老母舅父舅母應該唔會係90后啩
發表於 2008-8-19 01:53:48 | 顯示全部樓層
原帖由 紫凤凰 於 2008-8-18 22:19 發表 80年代後期私裝天線唔計。睇邊個夠膽話自己老早就收睇香港電視啦,轉播嘅唔算。

嗰時裝天綫普遍到周街都係啦,簡直就係公開化嘅「非法理性為」。直到95年之後,先至開始嚴禁之嘛,叫人換成有綫電視之嘛。
發表於 2008-8-19 08:36:03 | 顯示全部樓層
私裝天線係80年代後期先有,初中期係冇嘅。
發表於 2008-8-19 08:44:38 | 顯示全部樓層

而且私裝版唔係話收唔到,而係你收到嘅可能只有亞視,因為無線一係收唔到,一唔係就花到死。所以亞視先會有初期嘅90%佔有率,到後來70%,到後邊嘅35%,再逐步收縮。這些與當年天線接收嘅問題好有關聯。80年代後期先至開始有人裝嘅天線,而且當時好嘅話,重接收到TVB,唔好嘅話,只有亞視。

 

到後邊省有線、市有線成立先至真正係,而且只要交啲費就可收睇,後來省有線先至改名為南方電視臺。

發表於 2008-8-19 08:57:49 | 顯示全部樓層

原帖由 xiss 於 2008-8-19 01:53 發表 嗰時裝天綫普遍到周街都係啦,簡直就係公開化嘅「非法理性為」。直到95年之後,先至開始嚴禁之嘛,叫人換成有綫電視之嘛。

 

有線在95之前。我可以話畀你聽,93、94嗰時大部分人就已經係通過省市有線囉。唔信嘅話,可以話畀你知當年睇TVB嘅《河東獅吼》就係要靠省市線嘅,95年之後邊有嚴禁。爾個係95年嘅賀歲劇,此前就已經開始有用省市有線。唔信你問多啲人啦。唔呃你。

 

亞視嘅佔有率其實就好說明一切。另外公關小姐嘅播出亦都係一個說明,大約係公關小姐嘅時期開始有人裝,然後大規模,所以可以確切話係80年代後、末期開始裝天線,但當時實際上收得好嘅只有亞視,TVB一唔係就花到死,一唔係就根本冇,爾個可以從ATV嘅市場佔有率嘅萎縮睇出。

 

到95年基本上大部分人都已經有省市(有)線啦。當年美少女戰士就係其中之一嘅典範。如果95年禁睇,就大部分人根本睇唔到陳妙瑛《花木蘭》、Bobby嘅《醉打金枝》。但事實上係嗰時大家都睇到亞視同無線,早年更多嘅戲劇都係通過錄像帶嚟。

發表於 2008-8-21 12:36:54 | 顯示全部樓層

原帖由 紫凤凰 於 2008-7-22 11:08 發表 如果你係廣州人,如果你係八零年生人,恐怕就唔會噉講嘢,廣州九十年代初先至真正接觸香港電視,至於之前嘅接天線雖然有,但較少人。尤其係喺有線出來後。   而之前,有邊個未睇過《黑貓警長》、《葫蘆兄弟》?有邊個未睇過《 ...

 

你讲嘅节目我全部睇过,写呢篇嘢嘅人估计唔系80年代初出世嘅人,我諗佢重未够资历写呢篇文章,而且写得麻麻哋。

 

但有一点要要修正你嘅,广州喺九十年代之前已经好多人系拉只「鑊」收香港电视嘅,我唔知你讲较少人少到咩程度呢,不过我认为唔少囉。重记得嗰时打雷要收埋只「鑊」嘅。

 

另外,《万紫千红》真系好经典,费翔嘅录音带嗰时都系成日听……嗯,回忆总系美好嘅。

發表於 2008-8-21 12:45:35 | 顯示全部樓層

原帖由 xiss 於 2008-8-17 12:02 發表 因爲北糞變態囖。我宜家終于有尐理解粵右嘞,真係好鬼希望衆多粵人聯合起身,喺互聯網上同北糞好好噉樣打一場「仗」,等北糞知道自己係幾咁荒謬。 ...

 

想法太幼稚,粤人冇你讲得咁团结,你睇吓粤协之内几多骂战。

發表於 2008-8-21 12:54:33 | 顯示全部樓層

原帖由 紫凤凰 於 2008-8-18 22:41 發表 以下所有睇過嘅先至好講:   《秦始皇》——劉永、馮寶寶,《武則天》——馮寶寶。《夾心人》——鄭少秋、翁美玲,《檸檬丈夫》——廖偉雄、劉嘉玲。《大內群英》、《大內群英續集》——米雪、萬梓良《太極張三豐 ...

 

基本都睇过,你其实无谓同啲后生争论啊,迟出世佢哋都唔想嘎嘛!

 

好似好多人僆仔连咩系改革开放都未知,如果你叫佢写篇讲改革开放30年嘅论文,佢哋最多上网查,然后乱屌一通。

發表於 2008-8-21 20:18:46 | 顯示全部樓層

爾啲親身經歷嘅嘢,所以比你哋喺網上亂抄一通好。估計有啲人喺維基睇到少少資料,就喺度勁吹。

 

的確改革開放班小子冇乜幾個識囉。

 

網上啲資料有啲的確係假嘢,但如果自己親身經歷嘅,就唔會假得去邊。

發表於 2008-8-22 01:00:18 | 顯示全部樓層
原帖由 gboss 於 2008-8-21 12:54 發表   基本都睇过,你其实无谓同啲后生争论啊,迟出世佢哋都唔想嘎嘛!   好似好多人僆仔连咩系改革开放都未知,如果你叫佢写篇讲改革开放30年嘅论文,佢哋最多上网查,然后乱屌一通。 ...

我諗你太唔了解宜家嘅新一代,甚至有尐鄙視佢哋,你呢種思想好唔健康。你亦都太過以爲自己成熟嘞。
發表於 2008-8-22 01:04:46 | 顯示全部樓層
原帖由 紫凤凰 於 2008-8-18 22:30 發表   你識得嘅大部分係好後出世嘅人。甚至90年出世嘅,梗係噉講啦,你見到80年出世嘅,佢哋就唔會噉講架啦,78,79年出世嘅都係一樣架,啲後生仔後生得濟咪唔知以前啲嘢囉。   而且90年以前,香港啲歌都唔係最紅,相反係自 ...

你唔好攞你自己嘅經歷以及一大堆死死板板嘅數據去套喺人哋身上啦。親身經歷説明一切。
我老豆老母嗰時80年代拍拖就係經常利用「睇香港電視」呢個方法嘅,如果冇香港電視,我都唔知我父母重有冇可能結婚,我都唔知我可唔可以出到世。我都唔知你屋企么嘢回事,好似80年代同香港電視絕曬緣噉樣嘅。
你同香港電視絕緣嗟,但係唔代表全廣州都係咖,我聼我咁多親戚講嘅嘢,都可以知道早喺80年代開始佢哋就已經開始接觸香港電視嘞,你唔接觸嗟,唔代表人人都唔接觸咖嘛。或者噉樣講,你係80年代裏面少數嘅唔接觸香港電視嘅廣州人囖。
[ 本帖最後由 xiss 於 2008-8-22 01:09 編輯 ]
發表於 2008-8-22 01:07:14 | 顯示全部樓層
原帖由 gboss 於 2008-8-21 12:45 發表   想法太幼稚,粤人冇你讲得咁团结,你睇吓粤协之内几多骂战。

你就係其中一種「持己見分子」啦。
麻煩你呢位睇唔起新一代嘅人,講下自己成熟嘅意見啦,唔好一句「幼稚」飛埋嚟,你知唔知你好冇禮貌啊!
您需要登錄後才可以回帖 登錄 | 註冊

本版積分規則

Archiver|手機版|粵語協會

GMT+8, 2024-7-19 17:13 , Processed in 0.063518 second(s), 17 queries .

Powered by Discuz! X3.5 Licensed

© 2001-2024 Discuz! Team.

快速回復 返回頂部 返回列表