得意嘅事

不关云和月

今日坐车去荔湾路，中途一只黄色嘅蝴蝶飞咗入嚟，估计系开门上落客嘅时候唔觉意飞入嚟嘅。我比较怕昆虫之类嘅嘢，见佢飞嚟飞去，当然唔敢怠慢，望实佢飞去边树，其实系怕佢飞埋我度。点知越怕佢，佢好似知道噉，偏偏就停咗系我个手袋度，赶极都唔肯走，吓到我鬼咁，惊连个手袋都跌咗落地下咁大嘅动作佢都冇反应，一于唔飞走。我头都痕，后尾冇办法嘞，只好由得佢，因为我就要到站，到时就带埋佢落车，噉都算救佢一命啦。果真，一落车，摇几下个手袋，只蝴蝶就飞走咗嘞。唔通佢FEEL到我就要落车，所以佢一于嬲实我？ [ 本帖最後由 不关云和月 於 2008-7-21 10:35 編輯 ]

外外星人

慌鬼遇着鬼

救蝶一命，胜造七级浮屠。

小薏

可以写为"得意嘅事"

 

我嘅口语都孬化得好厉害...共同努力呀.

小薏

 云月~~~~我谂一定系暗恋过你嘅哥哥仔谂你谂到抑郁成病,干脆化身蝶,追随你左右呀.....你行运喇~~~~行桃花运呀.....

不关云和月

系系系，得意嘅事 ，一言惊醒梦中人。

我阿媽個女

原帖由 小薏 於 2008-7-21 00:56 發表 可以写为"得意嘅事"   我嘅口语都孬化得好厉害...共同努力呀.

 

好啦，咁我都嚟噏翻句啦：係「犀利」，或者「犀飛利」都得~~~

外外星人

其实讲「趣致」都得

小薏

原帖由 我阿媽個女 於 2008-7-21 11:43 發表   好啦，咁我都嚟噏翻句啦：係「犀利」，或者「犀飛利」都得~~~

  (证明我无讲错啦,的确畀孬化得好犀利)

不关云和月

噉，如果讲「汗颜」呢？算唔算呀？