少年時代偏愛名山大川,那時候囊中羞澀,混身上下只有二百銀兩,同幾條
損友漫游數省,雲南、廣西、蘇杭、安徽、四川等跑了一個大圈,一個銅板都諗過踱過先用,在黃山上住過茅棚、在銅陵夜雨中跑步趕車、在桂林酒杯大的米粉一人限食兩碗.....嘿嘿,皆因身上銀兩短缺之故。
咦,走晒題添,明明講哽山,點解講咗銀兩嘅,快D入翻正題先.....
神州大地名山處處,當然亦分三、六、九等啦,徐霞客曰:「五岳歸來不看山，黃山歸來不看岳。」佢就對黃山推崇備至,我亦當然深信不疑,如果唔系我都唔會去咗兩次啦,黃山以奇松、溫泉、怪石、雲海冠絕天下,在中國當然算係第一等啦,而我哋嘅越秀山......嘿嘿,充其量只能算中下吧了。然而山不在高，有仙則名,五位神仙騎著五色仙羊翩翩而下,將金黃穀穗遍插廣府大地.....從此越秀山在南粵就無人不知,成為與廣州人息息相關、血脈相連的一座名山。
而我讀小學時就經常和一班同學在越秀公園留連,那時嘅門票大概都係一毫幾分啦,不過越秀公園就從來都唔收我哋嘅門票,皆因我哋逾牆而入,在工作人員的喝罵聲中飛奔而去,然后在鎮海樓或五羊雕像處集結,玩捉依因、踢波、在湖面飛瓦片......
臨近中學畢業時開始每朝跑百步梯,那時候潮流興"較腳",我哋幾個咪學人練气,其實及女仔就真,高中畢咗業,積係失咗業之后,無所事事,每朝在越秀山鯉魚頭打羽毛球,有一次争場趕走幾條靚仔,佢地班馬返黎找晦氣,我等不敵敗走.......再斗........最后講和,從此又多咗幾個朋友。
有咗工作之后的第一次拍拖,亦係在越秀公園開始,不過就無疾而終,人哋話初戀難忘,我最難忘嘅卻係第二段戀情,可惜都係分手收場,因何緣故嘛,唉....
總之一筆糊塗賬,不提也罷......總而言之,越秀山就像一位慈祥的老者,在我成長的旅途上扶持我、陪伴我,在我的心里任何名山都不能將越秀山比下去,我心頭的甜蜜記憶中都與其有關.......
愿越秀湖水的碧波永遠蕩漾,望越秀山蔍永遠都鳥語花香!
見冇乜人提及越秀山,未免冷落了這廣州名勝美景。小弟抛磚引玉,望各位大才傾吓.講吓.笑吓啦......
[ 本帖最後由 雨夜街燈 於 2008-7-20 13:39 編輯 ] |
發表於 2008-7-20 13:36:47
發表於 2008-7-20 13:54:51
真有其事？
何况重要[目及]人条女添？！