求助：两种阴上声？求两个音嘅调值。

kumkee

我尝试紧总结小榄话嘅声调，不过家阵遇到一个疑难，希望有朋友可以帮到我。
具体情况系噉：小榄话係用动词变声调嚟表示完成时态，除咗阴平声动词以外，作完成时态嘅动词会变调成阴上声。
噉问题就出现啦。原本係阴上声嘅动词点变调呢？
事实上阴上声嘅动词都有变调，而且好似系由一个阴上声变成另一个。
以下两个链係我录嘅变调前后嘅「走」字嘅小榄话发音，唔该各位帮我分一分佢地嘅声调。或者如果广府话当中无呢个声调，可以帮我标出佢嘅调值（好似广府话阴上声係35噉），事关我唔识分调值。

zau2a.wav
zau2b.wav

关于小榄话嘅完成时态，可以厾呢度。
预先唔该定大家嘅帮忙先。
[ 本帖最後由 kumkee 於 2008-7-18 14:10 編輯 ]

highyun

所謂嘅區別，就係zau2a升音幅度細啲，大概可以標成34，而zau2b升音幅度大啲，大概可以標成25。

不過標準嘅廣州話，陰上聲應該35嘅。

kumkee

唔该晒。
网上有冇地方或文章教标调值咖？
小榄话同广州话差别得最多就係6声调嘅唔同调值。
如果我自己唔识分，就好难完成我一直以嚟嘅总结小榄话嘅心愿。

又或者，我就要各个声调都摞出嚟请教大家啦。

highyun

唔覺有好多呢啲專門教標調嘅文章，不過好多論文都係用呢種五綫譜標調法，特別係研究粵語子方言嗰啲文章。

 

如果睇得明呢個五綫譜標調法，對你研究小欖話或者其它方言好有幫助。

kumkee

原帖由 highyun 於 2008-7-19 23:58 發表 如果睇得明呢個五綫譜標調法，對你研究小欖話或者其它方言好有幫助。 ...

呢个图我睇得明，我当时就係睇咗《中文字元》类似嘅两幅图，我先至有灵感画咗广府话九声八卦图。
不过我仍然唔係好识分调值。譬如我知道广府话嘅两个上声都係上升调，自己亦可以准确发佢地嘅音，但係如果唔係睇住个图或者我本来就知道，好难敢确定到佢地起始同终止嘅调值。可能係因为我五音不全啦，哈。
所以对于未有标准化嘅子方言嘅声调，我就更加唔够胆落任何定论啦。

我下次得闲会将其他几个小榄话声调录埋出嚟，希望highyun同其他朋友可以帮手确定佢地嘅调值。

余OK

余OK

余OK

kumkee

原帖由 余OK 於 2008-9-28 17:08 發表 7065

获益甚丰，多谢。