廣州話與香港用語求教！

ALZSX

影印＝複制，噉掃描儀，掃描，打印應該點講！

上堂＝上課，噉課間，上幾堂課，課堂，又應該點講！

有人話班房唔等於課室，因爲香港大學幾個班圍埋一齊上堂嘅地方應該叫課室，一個班嗰啲至叫班房，大家點睇？

每點都唔該翻譯下！

中二仔

描儀=scanner

掃描=scan

打印=print

 

課間=上緊堂??!!

上幾堂課=上幾多堂

課堂=(大陸個課堂係咩意思??)

 

我覺得,課室同班房無分別.

雖然字義上係唔同,不過通常都係指同一樣嘢

ALZSX

你誤會喇，我問中文，唔係英文！

描儀=scanner

掃描=scan

打印=print　　　　我唔信依啲詞香港冇中文表達方法！

 

課間係指落堂後到下一堂上堂前之間嘅休息時間！

我上幾堂課意思係，舉例「中學生每日要上6堂課」應該點講，就噉省略個課字定係點？

課堂上指上緊堂嘅時候，舉例「喺課堂上唔准講嘢」，點講？唔通就用上緊堂？

 

依個論壇可唔可以留自己或問人攞聯絡資料架，例如QQ之類嗰啲！因爲有嘢唔明同你上Q傾會快好多！

 

 

中二仔

原帖由 ALZSX 於 2008-7-16 00:24 發表

你誤會喇，我問中文，唔係英文！

描儀=scanner

掃描=scan

打印=print　　　　我唔信依啲詞香港冇中文表達方法！

 

課間係指落堂後到下一堂上堂前之間嘅休息時間！

我上幾堂課意思係，舉例「中學生每日要上6堂課」應該點講，就噉省略個課字定係點？

課堂上指上緊堂嘅時候，舉例「喺課堂上唔准講嘢」，點講？唔通就用上緊堂？

 

依個論壇可唔可以留自己或問人攞聯絡資料架，例如QQ之類嗰啲！因爲有嘢唔明同你上Q傾會快好多！

你如果係講香港平時常用,我話你知,上面幾個時我地一向都係講英文

一係你都可以講「掃描」「打印」,一般人都明.

不過「描儀」我就唔敢講大家都明喇.........

 

課間=轉堂

課堂=上緊堂(唔通係乜??)

 

ALZSX

充電器點講

中二仔

原帖由 ALZSX 於 2008-7-17 09:21 發表 充電器點講

都係充電器,或者叫叉電器

qafhk

掃描 = scan 但大多都只會說 scan
掃描器 = scanner 取自台灣翻譯的電腦詞彙(電腦詞彙用台灣的大多都唔會錯，因為香港普遍用繁體字，電腦零件台灣比較發達，新東西大多跟從台灣翻譯。)

qafhk

原帖由 中二仔 於 2008-7-17 11:55 發表 都係充電器,或者叫叉電器

叉電器 也應該同 charger 有關，"叉" 音近似 charge  (charger 的 verb)

daydreaminghoyi

課室同班房既分別,我係咁理解既~

 

 

電腦室,美術室呢d都可以叫做課室, 但唔可以叫班房

 

一個人既屋企只可以有一個, 但係呢個世界大把屋

 

同理, 學生既班房只會有一個, 其他就係課室

一個a班既人走去b班,佢就係入左人地班房

 

香港學生上左中四會有選修科,

同一班既人會去唔同課室上堂, 但唔會因為咁而將果d課室叫埋做自己既班房

旺旺

原帖由 ALZSX 於 15/7/2008 08:56 PM 發表   有人話班房唔等於課室，因爲香港大學幾個班圍埋一齊上堂嘅地方應該叫課室，一個班嗰啲至叫班房，大家點睇？

如果係大學， 都應該無乜人會用中文表達課室／班房了，而且大學唔會有固定上課地點。

係大學幾班一齊上個尐堂，每間學校可能會有唔同叫法，有人叫「大堂」，有人叫「講堂」之類。上堂嘅地方就真係幾乎唔會有人用中文叫，中文官方叫法就叫做「講堂」或「大講堂」，英文就叫 LT, 或 Lecture Theater。至於同一個班，都未必會全部去上同一課堂。幾個人上堂個尐地方，可能會叫課室，英文就叫 Tutorial Room, 多數簡稱 Tutor 房就算，香港尐大學生真係唔會用中文講嗰喎。

馬萬千

原帖由 ALZSX 於 2008-7-16 00:24 發表 你誤會喇，我問中文，唔係英文！描儀=scanner 掃描=scan 打印=print　　　　我唔信依啲詞香港冇中文表達方法！   課間係指落堂後到下一堂上堂前之間嘅休息時間！我上幾堂課意思係，舉例「中學生每日要上6堂課」應該點講 ...

「課間」叫「小息」。