評「若要人不知﹐除非己莫為」

dada

「若要人不知﹐除非己莫為。」我覺得呢句話唔通﹐「若」後便唔可以用「除非」。

正確語法應該係﹕「若果想人哋唔知﹐自己就唔好做。」若果想用「除非」﹐就係﹕「人哋遲早實知﹐除非自己唔做。」

原句「欲人勿知﹐莫若勿為」就冇問題﹕「做咗想人哋唔知﹐不如唔做出嚟。」

普君南拆遷居民

「若要人不知﹐不可，除非己莫為。」

 

dada

我認為「若要人不知」後便﹐應該係「要人不知」嘅辦法。

中二仔

都習慣啦,有咩問題啊??

dada

覺得錯﹐都可以喺呢度講吓啫。

習慣咗問題﹐變咗冇問題﹐呢個觀點有啲問題。例如錯音錯字﹐唔係習慣咗就唔使喺呢個論壇討論。

中二仔

原帖由 dada 於 2008-7-13 15:40 發表 覺得錯﹐都可以喺呢度講吓啫。習慣咗問題﹐變咗冇問題﹐呢個觀點有啲問題。例如錯音錯字﹐唔係習慣咗就唔使喺呢個論壇討論。

你覺得句嘢有錯音錯字?咁就一定要指正喇!

 

不過如果係文法,我覺得好無謂

普君南拆遷居民

文法錯誤都應該指出嘅，至於有冇可能改就係另一回事。呢度係高級書院喎，梗係可以講啲高級嘅問題啦。

外外星人

呢度重系研究粤语添！

唔三唔四蠢魚

的确好大问题，从逻辑上来讲，呢句话好大问题。
譬如，你畀人怀疑你杀人，但你冇杀过人，按呢句话嘅逻辑，只要「己莫为」，一定「人不知」，咁就算你揾到人证明你冇杀人，但根据呢句话嘅逻辑，果个证人係冇理由知道你冇杀人，所以其证词不成立。换言之，你永远都冇可能揾到知道你冇杀过人嘅证人。

dada

原帖由 唔三唔四蠢魚 於 2008-7-13 23:06 發表 的确好大问题，从逻辑上来讲，呢句话好大问题。譬如，你畀人怀疑你杀人，但你冇杀过人，按呢句话嘅逻辑，只要「己莫为」，一定「人不知」，咁就算你揾到人证明你冇杀人，但根据呢句话嘅逻辑，果个证人係冇理由知道你冇杀人，所以其证词不成 ...

有意思。不過「『己為』=『人知』」唔等於「『己莫為』=『人不知』」。

李四

原帖由 dada 於 2008-7-12 21:50 發表 「若要人不知﹐除非己莫為。」我覺得呢句話唔通﹐「若」後便唔可以用「除非」。 正確語法應該係﹕「若果想人哋唔知﹐自己就唔好做。」若果想用「除非」﹐就係﹕「人哋遲早實知﹐除非自己唔做。」 原句「欲人勿知﹐莫若勿為」就冇問題 ...

點解『若』後面唔可以用『除非』？有乜根據？

dada

原帖由 李四 於 2008-7-14 14:04 發表 點解『若』後面唔可以用『除非』？有乜根據？

「若」表示假設﹐後句應該係假設成立之後會發生嘅事。

《國語．晉語八》﹕「若君不死，必失諸侯。」

李白﹕「若無三千客，誰道信陵君。 」

中二仔

原帖由 普君南拆遷居民 於 2008-7-13 18:23 發表 文法錯誤都應該指出嘅，至於有冇可能改就係另一回事。呢度係高級書院喎，梗係可以講啲高級嘅問題啦。

問題係,文法真係有錯誤定係只不過係你懷疑佢有問題

李四

原帖由 dada 於 2008-7-14 15:28 發表 「若」表示假設﹐後句應該係假設成立之後會發生嘅事。 《國語．晉語八》﹕「若君不死，必失諸侯。」 李白﹕「若無三千客，誰道信陵君。 」

乜唔可以『若』果唔想點，『除非』你之前點？
若果你唔想肥佬，除非你努力讀書啦！（呢類講法唔少見！！）

dada

原帖由 李四 於 2008-7-15 00:45 發表 乜唔可以『若』果唔想點，『除非』你之前點？若果你唔想肥佬，除非你努力讀書啦！（呢類講法唔少見！！）

我用Google搵到160萬句「重有」﹐587萬句「仲有」﹔162萬句「唔使」﹐164萬句「唔駛」﹐211萬句「唔洗」。唔少見嘅講法唔表示啱。

現代漢語時時用「若」/「如果」同「除非」。若果有作家（唔係一兩個﹐除非係名作家）將兩句連用﹐我就接受﹐雖然會接受得好勉強。

中二仔

原帖由 dada 於 2008-7-15 03:46 發表 我用Google搵到160萬句「重有」﹐587萬句「仲有」﹔162萬句「唔使」﹐164萬句「唔駛」﹐211萬句「唔洗」。唔少見嘅講法唔表示啱。現代漢語時時用「若」/「如果」同「除非」。若果有作家（唔係一兩個﹐除非係名作家）將兩句連用﹐ ...

我覺得,字未必係大俗用就係啱,但係文法就係.

文法只要多人用,就係啱.

你無理由話一個常用詞句個文法有問題

highyun

我都同意dada觀點，如果從研究探討角度嚟講，呢句話嘅文法係有錯嘅。「除非」呢種句式，表示要滿足「除非」之後嘅條件，「除非」之前嘅字句先唔會成立。因此前面唔可以擺一個由假設介詞引導嘅字句，以下呢兩種講法先係啱嘅：

人不可能不知，除非己莫為。/人必知，除非己莫為。

用英文嚟講： If you don't want others to know that,unless you don't do that.  係咪錯到離晒譜呢？

 

不過討論歸討論，既然呢句嘢已經錯咗咁耐，亦只能繼續錯落去，將錯就錯喇。

朱利安

「若要人不知﹐除非己莫為。」

 

呢句俗语用既系缩略句法，其中缩略了一部分

 

很多俗语都使用缩略句法，以求句子简短精炼

 

你地就唔好再系道钻牛角尖啦，明无？呵呵．

[ 本帖最後由 朱利安 於 2008-7-15 16:17 編輯 ]

朱利安

原帖由 dada 於 2008-7-15 03:46 發表 若果有作家（唔係一兩個﹐除非係名作家）將兩句連用﹐我就接受﹐雖然會接受得好勉強。

 

返屋企读多Ｄ书，先黎学人挑古人骨头啦

 

唔好以为识得ＧＯＯ吓ＧＬＥ，百吓度，就可以挑古人骨头先得嘎

 

古人呢句话能够流传得咁耐，足以见得系经得起时间既考验嘎啦

 

呵呵

中二仔

原帖由 highyun 於 2008-7-15 13:07 發表 我都同意dada觀點，如果從研究探討角度嚟講，呢句話嘅文法係有錯嘅。「除非」呢種句式，表示要滿足「除非」之後嘅條件，「除非」之前嘅字句先唔會成立。因此前面唔可以擺一個由假設介詞引導嘅字句，以下呢兩種講法先係啱嘅：人 ...

咩「研究探討角度」有錯@@??

你講緊乜??

你只可以話句嘢違反通常嘅文法,而唔係錯

[ 本帖最後由 中二仔 於 2008-7-16 11:39 編輯 ]