究竟系「新抱」。。定系「心抱」。。。

o0o冰茶ooo

我系广东出世长大到15岁。。。由细到大我都系讲「新抱」。。但系某日系某个论坛。。我见到一个自称系香港人既。。话「初归心抱，落地孩儿」。。。于是我无限疑问。。所以我话。。唔系应该系「初归新抱落地孩儿」咩？。。新抱＝新娶返黎既老婆（媳妇）。。所以应该用「新」啊。。但系个个香港人大条道理甘话。。应该系心抱。。读sum而唔系sun...属于音变现象。。。仲叫我去睇tvb。。话佢地系读「心」既。。。。我shock...我都系睇tvb大既。。点解我印象中大家系读新呢？。。即使我耳聋。。甘人地字幕明明都系打新噃。。我耳聋都算拉。。难道仲眼盲？。。好可怜咖喔。。。我从来对我自己既广东话都好自信咖。。。20年来我第一次。。第一次怀疑自己既广东话水平。。。

 

我想问。。难道真系我既问题？？

我阿媽個女

我唔係香港人，所以我係講「新抱」嘅~~~~

至於究竟係「新抱」定「心抱」呢就等D高手解答啦~~~~我都想知我遲D會係人地嘅「新抱」定「心抱」~~

外外星人

文读：新妇；白读：心抱。

余OK

原帖由 外外星人 於 2008-7-12 15:47 發表 文读：新妇；白读：心抱。

　　寫就寫「新婦」，講就應該講「心抱」，San Fu→San Pou→Sam Pou。F→P互通，全世界語言普遍都有呢個現象，而P影響n形成合口音m，前後語音夾攻就有上述結果。

外外星人

粤海方音：心抱PK新妇

                      ↑

                  请厾入呢个网址查询！

中二仔

其實逢今[f-]音,古代都係讀[b-]/[p-]

o0o冰茶ooo

。。。所以应该系sum抱？。。我读新抱都有个m音。。但系m前面个个音偏i。。如果读心抱。。m前面偏u喔。。。。我好头大啊。。因为字幕系用「新」既。。如果讲。。就要讲心？

melop

呀媽點讀咪點讀囉，反正 sam pou 係音變嘅結果(鼻音n 受 p 嘅影響變咗合口m)，讀 san pou 反而更接近原貌，噉係你好嘢，冇發生音變啫，有咩所謂喎！

Lucciora

寫出嚟應該寫「新婦」，讀就讀古音「心抱」

Lucciora

原帖由 中二仔 於 2008-7-12 16:21 發表 其實逢今[f-]音,古代都係讀/[p-]

古代冇清擦唇音