[討論]"該煨"..."弊家了"

Kathy · 發表於 2005-6-23 10:00:07

"該煨"... 俗語趣談中劉天賜講應是「該渨」，該死的意思，渨者，沒也。但我查唔到個渨字既意思, 究竟係唔係真係寫"渨"呢? 同埋有無人知係邊度既話黎嫁??? "弊家了"<---唔識拼... 又請問係邊度地方既口語呀?

dada · 發表於 2005-6-23 14:38:55

《說文》﹕「渨﹐沒也（沉沒嘅意思）。」呢個「渨」字有問題。《段注》﹕「按﹕此字疑後人所增。」朱駿聲《說文通訓定聲》﹕「按﹕此字當訓水曲澳（澳﹐岸邊水流彎曲的地方﹐同隩）也。山曲曰隈﹐水曲曰渨。沒義他書無所見﹐惟見廣雅釋詁﹐張氏亦述許矣。」《國語辭典》﹕「水流彎曲的地方。同『隈』。明．陸采．懷香記．第七齣：『青山洞，碧水渨，人間到處有天臺。』」就算真係沉沒﹐我諗唔出點解「渨」比「煨」啱。順德話有呢個詞。

Cactus · 發表於 2005-6-23 17:04:42

番薯跌落灶---該煨我一直以為係民間俗語。 "弊家了"---"弊家伙/夥"，形容事情失控，意料之外。起源點就唔知喇。

余OK · 發表於 2005-6-23 20:19:35

點解樓主經常問某某詞語係邊度嘅講法嘅？須知呢啲講法喺正統廣州話入邊都有噉講。。。

Kathy · 發表於 2005-6-23 20:46:23

哈哈~~~sorry ya~ 我覺得呢方面好有趣...想知道d 口語化詞會唔會源自邊個地方先, 再因為流行, 變成埋正宗廣州話既詞彙~~ em6:

Kathy · 發表於 2005-6-23 20:49:05

我重想請教各位高人, "弊家了"(個"了"<--唔識打) 最尾個音點解會咁讀? 有無字可以寫到呀?

余OK · 發表於 2005-6-24 03:07:49

我諗可能係受北方語音影響，用普通話讀“了”就差唔多音，類似嘅詞有：撈鬆，其實係“老兄”。講開又講，同呢個“了”近音嘅詞中，有老佛山同廣西梧州對於“玩”嘅講法leu2。。。

		自動登錄	找回密碼
密碼			註冊

[語義解譯] [討論]"該煨"..."弊家了"

Re:[討論]"該煨"..."弊家了"

Re:[討論]"該煨"..."弊家了"

Re:[討論]"該煨"..."弊家了"

Re:[討論]"該煨"..."弊家了"

Re:[討論]"該煨"..."弊家了"

Re:[討論]"該煨"..."弊家了"