"旮旯"新發現

neo

新發現，喺「粵語審音配詞字庫」（http://humanum.arts.cuhk.edu.hk/Lexis/lexi-can/）入便，「旮旯(不受注意的偏僻角落) 」讀音「go1 lo1」。

 

記得「山旮旯」都係呢兩個字。由讀音同解釋，會唔會係「角落頭」嘅「角落」本字？

中二仔

原帖由 neo 於 2008-7-12 00:51 發表 新發現，喺「粵語審音配詞字庫」（http://humanum.arts.cuhk.edu.hk/Lexis/lexi-can/）入便，「旮旯(不受注意的偏僻角落) 」讀音「go1 lo1」。   記得「山旮旯」都係呢兩個字。由讀音同解釋，會唔會係「角落頭」嘅「角落 ...

角落係旮旯本字就差唔多

蟲子

香港語言學會拼音方案(粵拼):juk1 lo1

Lucciora

有人話「旮旯」唔係粵字，「角落」先啱，有人話應該係「旮旯」先啱，眞係亂晒坑

小薏

对唔住,我未能确定,不过我提出一个讲法系:旮旯嘅其中一解为两坐山之间,或门板与门框之间的地方,后来才被粤人引申为角落.山旮旯的意思仍为"两座山之间的地方".

 

请大家指正.

小薏

哦,谂返起喇,旮旯  衣家重系用于"两个乜乜之间"嘅意思,例如坐响两个人之间,粤语叫"旮旯位".

中二仔

旮旯根本就係後起字,本字都係角落

xiss

山 ka1 la1（山角落）不「溜」都係寫成「山旮旯」咖啦。我記得我係喺香港台聽返嚟嘅，而且我個初中語文老師都係噉樣講嘅（就連傳子仔有尐人都會噉樣寫），所以對於「山旮旯」嘅寫法我一向都好肯定。「山旮旯」可以話係我最早正出嚟嘅字，而且重十分肯定。

中二仔

原帖由 xiss 於 2008-7-17 22:46 發表 山 ka1 la1（山角落）不「溜」都係寫成「山旮旯」咖啦。我記得我係喺香港台聽返嚟嘅，而且我個初中語文老師都係噉樣講嘅（就連傳子仔有尐人都會噉樣寫），所以對於「山旮旯」嘅寫法我一向都好肯定。「山旮旯」可以話係我最早正出 ...

讀音變咗,當然唔會再寫角落,先至寫旮旯咋嘛

你查下書,旮旯要去到民初先出現

xiss

我查過《廣州音字典》，「旮旯」讀成「gog3 log1」，亦就係話，我哋平時所講嘅「gog3 log1 頭」正正係「旮旯」嘅讀音。
如果從讀音嚟到考慮，「山旮旯」無疑係正宗講法，但係從意思上考慮，「山角落」又係血統純正，重有嗰個「山 ka la」嘅講法，點解會咁複雜嘅？有冇人能夠解釋下，「gog3 log1」究竟正寫係么嘢？「旮旯」嘅讀音又係邊一回事，「山 ka la」又應該點樣寫？

紫凤凰

噉你要問煲冬瓜，因為煲都有啵。而且係讀shan ga la。

唔三唔四蠢魚

我讲畀你听，乜嘢叫做真正嘅新发现：
广东人读「角落」是唔会读成「go1 lo1」嘅，
「角落」一词在粤语中只发一个半音节，而不会发成两个完整嘅音节。
唔信你地自己细细体会。

我阿媽個女

原帖由 小薏 於 2008-7-13 06:47 發表 哦,谂返起喇,旮旯  衣家重系用于"两个乜乜之间"嘅意思,例如坐响两个人之间,粤语叫"旮旯位".

 

呵呵，兩個乜乜之間乜唔係「旮隆」咩~~？？正所謂「旮隆」五索，自摸~~~