“姑”字亦可以发懒音

highyun

众所周知，“广”“国”“果”等字，唔少人都会省略声母gw入面嘅w而导致懒音出现。 “姑”嘅粤拼系gu，照计由于冇w，所以唔会出现问题。但问题就出现喺呢个u韵母。如果你细心品味，你会留意其实gu嘅发音应该系gwu，而唔系google呢个英文入面goo部分嘅发音。 试吓标准噉发“姑”音，你会发现你嘅口唇有一个伸长嘅过程，而你发goo部分发音，系冇伸长嘅过程，发音开始嘅时候就已经去到伸长咗嘅状态。 希望有人好似我一样感受到呢样嘢。

itxu2k

google我会读成『姑gle』

highyun

itxu2k在2005-06-22 13:53:24說道：[br]google我会读成『姑gle』

呢个系中国人普遍发音嘅错误，google发音准确嚟读，唔系读姑gle嘅。

desmond

/污w/ 呢個音素同 /衣j/ 喺語音學上叫做半元音(semi-vowel)，即係既有輔音嘅特性，又有元音嘅特性，同對應嘅 /u/ 同 /i/ 有密切嘅關係。不過「姑」嘅發音應該係 /gu/ 而唔係 /gwu/，因為元音 /u/ 係一個後圓唇音(back rounded vowel)，元音本身已經係有圓唇特性。做一個實驗，你哋首先讀「污」/wu/，再加一個輔音 /g/ 喺前面，呢個發音就同「姑」幾唔同吓囉。

itxu2k

desmond哥哥讲得好啱 『u』元音本身已經係有圓唇特性 如果话嘴型有唔同,只系因为语言习惯上嘅唔同 好似啲嘎仔噉,发『a』『i』『e』『o』音,张嘴程度都细过中国人好多,甚至发『u』音时都唇型都非常之有限,讲完成句嘢都可能觉得佢哋个嘴唇未郁过...... 如果真系要分,噉岂不是要认为日语完全用紧同其他地方唔同嘅元音??? 再退一步,得闲体会下嘅话,其实好多白话同普通话同音嘅字,唇型都唔系完全一样嘅.起码我个人发音系噉,有冇普遍性就要大家验证下嘞

sapphire

点解w嘅省略总係发生喺gw上嘅呢？kwh好似唔觉眼有懒音咁嘅？

highyun

可能你哋都理解唔到我嘅意思，我系支持gu等于gwu嘅观点。之所以讲“姑”字有懒音，系指将gu呢个读音读成goo。 或者讲，u音相当于woo，当“姑”发正音时应该系gwoo，而发懒音时就变成goo。 都系嗰句，希望有人体会到呢个微细差别。

desmond

sapphire在2005-06-23 15:41:15說道：[br]点解w嘅省略总係发生喺gw上嘅呢？kwh好似唔觉眼有懒音咁嘅？

kw- 同 gw- 一樣，撞到 -o 就會有懶音，因為呢兩個聲母發音部位相同，祇係送氣 (aspirated) 同唔送氣 (non-aspirated) 嘅分別。可能，kwo- 嘅字少，又罕用，所以你唔多覺啫，例子好似 鄺、廓，都會有懶音。

highyun

desmond在2005-06-28 03:03:37說道：[br][quote]sapphire在2005-06-23 15:41:15說道：[br]点解w嘅省略总係发生喺gw上嘅呢？kwh好似唔觉眼有懒音咁嘅？

kw- 同 gw- 一樣，撞到 -o 就會有懶音，因為呢兩個聲母發音部位相同，祇係送氣 (aspirated) 同唔送氣 (non-aspirated) 嘅分別。可能，kwo- 嘅字少，又罕用，所以你唔多覺啫，例子好似 鄺、廓，都會有懶音。[/quote] kw一样有懒音，不过kw懒音成k更容易畀人接受，例如“狂”讲成kong4，“扩”读成“kong”，“廓”读成“确”都唔会觉得太难听。因此唔少字典收呢啲字嘅时候认为去咗w嘅呢种读音都系正确嘅。但系对于gw就绝对唔可以去w。