想知道下面几个字粤语的嘅国际音标点写……唔识写……

sapphire

请 嚟 琴 寻

desmond

sapphire

唔该晒～ 系呢，你系边度搵嘎？因为我要写粤语音的论文……又没广州话字典，所以我多都写唔嚟……

desmond

我做呢個圖嗰陣冇搵咖，已經記咗入腦嘞。哈哈！ 啱啱幫你搵到粵語嘅國際音標 http://www.cbs.polyu.edu.hk/vtp/hkword/k/k1.htm 聲母 http://www.cbs.polyu.edu.hk/vtp/hkword/k/k2.htm 韻母 http://www.cbs.polyu.edu.hk/vtp/hkword/k/k3.htm

sapphire

哇～犀利，入晒脑甘点。 系呢，我用论坛提供嘅输入法打字有好多唔识打啊。有冇教程？？ 例如话“仲”字啦，我就试咗好耐都打唔出……

desmond

目前輕鬆粵語嘅最新版本係1.2版（繁體單字版），重未有詞語輸入。 輕鬆粵語係用《香港語言學學會粵語拼音方案》(jyutping) 嚟打字嘅， 《香港語言學學會粵語拼音方案》(jyutping) 嘅介紹︰ http://www.cantonese.asia/school/canbasic/jyutping_ma.asp http://www.cantonese.asia/school/canbasic/jyutping_en.asp 維基百科嘅《香港語言學學會粵語拼音方案》(jyutping) 介紹 http://zh.wikipedia.org/wiki/%e9%a6%99%e6%b8%af%e8%aa%9e%e8%a8%80%e5%ad%b8%e5%ad%b8%e6%9c%83%e7%b2%b5%e8%aa%9e%e6%8b%bc%e9%9f%b3%e6%96%b9%e6%a1%88

sapphire

上面的音标…… “请”字读ts'iη 定系 ts'eη？点解觉得两个都啱嘅？ 另，你给的第一个链接打不开哦～

desmond

http://www.cantonese.asia/school/canbasic/jyutping_ma.asp

desmond

sapphire在2005-06-22 19:14:36說道：[br]上面的音标…… “请”字读ts''iη 定系 ts''eη？点解觉得两个都啱嘅？ 另，你给的第一个链接打不开哦～

研究粵語語音嘅人士對解讀「請」字嘅韻腹有分歧，有人認為係短i音，亦有人認為係開啲嘅短e音。認為係短e音嘅人士覺得粵語嘅「請」字嘅韻腹發音開過英文big嘅元音短i，所以認為「請」字嘅韻腹係短e音。

highyun

sapphire在2005-06-22 19:14:36說道：[br]上面的音标…… “请”字读ts''iη 定系 ts''eη？点解觉得两个都啱嘅？ 另，你给的第一个链接打不开哦～

请有文白两读，分别系cing2(ts''iη)同埋ceng2(ts''eη)，前者系文读，即系读书音，后者系白读，即系口语音。 有样嘢想问你，你话写粤语论文，请问你系咪读中文专业架？

Anl

sapphire，你寫粵語論文係咪因爲你係讀中文系？邊個專業？ 可否與我聯繫？ qq：52954820。 (註上你叫sapphire以入“粵語論文”)。

desmond

highyun在2005-06-22 23:36:09說道：[br] 请有文白两读，分别系cing2(ts''''iη)同埋ceng2(ts''''eη)，前者系文读，即系读书音，后者系白读，即系口语音。 有样嘢想问你，你话写粤语论文，请问你系咪读中文专业架？

係喎，原嚟係文讀同白讀嘅分別，我重諗緊啲咩語音問題添，入咗條死胡同（定話應該講條死巷）。不過呢，「請」字口語發音嘅元音應該寫做左右調轉嘅3（開啲），同埋標做長音（加冒號喺元音後面），而唔係e（合啲）。試吓讀吓「請cing2」同「請ceng2」，你哋會覺得cing2嘅發音長度係短過ceng2嘅。證明咗粵語有啲元音長音,有啲元音係短音。

sapphire

原来係文读同白读啊……唔该 其实係课程论文嚟嘅，因为我读应用语言学系汉语言专业咖（同中文系差唔多，但係语言学嘅课程多啲），我哋有方言学嘅课……不过因为之前上语音词汇嘅课程果阵没认真听……宜家唔知点写……唉

sapphire

咁“廿一”个“廿”的两种读音[yaa]、[ye]。係咪都係文读同白读的区别啊？ 又諗到件事，“琴日”嘅发音好多人发成“寻物”其实係因为乜呢？

highyun

sapphire在2005-06-23 16:10:15說道：[br]咁“廿一”个“廿”的两种读音[yaa]、[ye]。係咪都係文读同白读的区别啊？ 又諗到件事，“琴日”嘅发音好多人发成“寻物”其实係因为乜呢？

“廿”字的确听过有jaa6 同je6 两种读法，读前者嘅人居多。呢个我个人认为唔系文白之别，系地方口音嘅问题。 另外“琴日”“寻日”系一个词嘅两种讲法，类似嘅例子有唔少，例如“头先”“求先”。至于读成“寻物”系因为“寻”字cam4以m结尾，读快嘅时候好自然同后面嘅“日”jat6嘅at6部分结合而成“寻物”。 可唔可以更详细介绍吓你嘅课程论文啊？以后多啲上嚟交流啦。