校園回憶錄——先生花名

我阿媽個女

我唸，每一個細路讀書時期都哽有幫D先生起花名嘅，不如都喺度同大家分享下~~？

 

國小時期英文先生——搣痔瘡

每次上佢堂都要「Good morning Miss Wong」，Miss Wong——搣痔瘡，啱數~！

 

國中時期嘅國文先生——余老太

因為嗰期好興「百佳黃老太」，跟住佢又係年紀比較大，而且又好鬼死嚴格，余姓，故名余老太~~！

 

國中時期嘅地理先生——Delicious（美味的）

教地理嘅先生，就即係地理Sir，地理Sir——Delicious，又啱數~~！！

 

高中（大陸學校）化學先生——化肥婆

顧名思意，教化學嘅肥婆，簡稱化肥婆~~~

 

唸住咁多先，唔好爆咁多大鍋住，睇下你地有冇先~~？？

 

 

Jean

原帖由 我阿媽個女 於 2008-7-8 09:55 發表 我唸，每一個細路讀書時期都哽有幫D先生起花名嘅，不如都喺度同大家分享下~~？   國小時期英文先生——搣痔瘡每次上佢堂都要「Good morning Miss Wong」，Miss Wong——搣痔瘡，啱數~！   國中時期嘅國文先生——余老 ...

哈哈，好得意喎！

我喺學堂嗰時梗係唔識用粵語同老師起花名架喇，所以我都係坐正位先喇，慢慢睇其他人嘅。。。。

余OK

　　不如開多個topic叫「校園整蠱人花招大全」咯。

我阿媽個女

原帖由 余OK 於 2008-7-8 10:28 發表 　　不如開多個topic叫「校園整蠱人花招大全」咯。

 

版主唸嘢果然與眾不同~~~~~~

一於就由你嚟開啦~~！！

我阿媽個女

早知呢張帖貼去水區旺旺場先啦~~~

 

又爆多個出嚟：

國中時期嘅美術先生——鴨仔毛

嗰陣學校嘉年華我地班要跳只鴨仔舞，跟住佢就唔知喺邊度搵一大堆鴨仔毛俾我地黐喺個身度，由此得名鴨仔毛~~~~

普君南拆遷居民

隔離班個英文miss身材好好，又因為姓譚，所以個個都叫佢做碧波潭。

不关云和月

矮冬瓜，磨碌（由其身形体态而来的）

 

历史老师号称「元谋人」，无论样貌，身形都超符合。

我阿媽個女

其實，跟住落嚟嘅呢三個先生都唔算幫佢地起花名嘅，不過人唔怕生壞命就最怕改壞名：

 

豬乸英——真名：朱娜英

0號——真名：零浩

痰罐——真名：譚冠

 

xiss

我都吹下先：
小丸子     緣由：我初中時個數學老師姓「阮」。
譚譚珠  或者  大眼金魚      緣由：初中時我個政治老師姓「譚」，兼且佢嘅嗰副眼鏡戴起身，睇落去真係好似凸出只眼嘅金魚
劉老怪     緣由：班主任劉老師好怪，所以叫劉老怪。
薯仔頭  或者  薯[doi1]         緣由：高三時我個英文老師成日飛短髮，短髮嘅佢頭部輪廓的確與可愛嘅薯仔無異。

余OK

　　中學嘅煲冬瓜老師上堂，往往係我哋嗰代學生笑料嘅來源。有次個湖南歷史老師提到一個唔知係匈奴定女真嘅首領，個名約莫係叫「拓跋宏」，冬瓜煲唔夠腍：to1 ba1 hong2，咁啱班上有個胸肌較發達嘅男生花名叫「波霸洪」，成班當場笑爆肚……