《撥亂反正》之卅一：手襪VS手套

tonybean

喺粵語裡面，手襪同手套係指唔同兩樣嘢。手襪係用毛皮類物質製造嘅用嚟保溫嘅衣物，手套係用橡膠類物質做嘅用嚟防水嘅工具。兩者功能、外表、價錢都完全唔同，唔可以混淆。

喺普通話語境度就冇手襪呢個詞，都係用手套，噉樣就有啲分唔清。例如有時冬天洗衫，怕凍嘅人就會先戴手襪再笠對手套，就防寒又防水，如果都用手套就唔係咁清楚。

雖然而家廣東重未有跡象將兩者同化，但係隨著更多人出過外省後返歸嘅，會將呢種現象帶買返嚟，實在要警惕下。

highyun

手襪係疏罅嘅，多數係由毛冷、棉等為原料做成，而手套係密攏嘅，除咗有塑膠手套，重有皮手套。