踹同踩有冇分別？

普君南拆遷居民

有人話踹單車同踩單車唔同，我就覺得踩、踹兩個字都同源，可能由於變讀而分化成兩個音。

有冇相關人士出嚟解畫？或者畀幾個例子。

cingsan

我覺得區別喺動作上…你自己試吓，踩同踹係唔同。

中二仔

踹係咩字?

查古書,發現有「短」,「損」二音.

平日都唔覺會用??

JUMPSEY

冇查過字典，語感上覺得，踩同踹有些少意思上嘅分別。要描述呢兩個字嘅意思要費啲工夫，暫時用住訓義嘅辦法先：

 

踩嘅意思大家大概都知道啩，

踹喺粵語中（起碼廣州話中）基本冇用，以煲冬瓜來理解，其意思相當於粵語裏頭嘅 jaang3，新近嘅潮語（可能亦唔一定係最新嘅咯）有講「伸你一腳」嘅用法。

 

噉大家覺得踩同 jaang3 係咪覺得有啲分別呢？

dada

《國語辭典》解釋「踹」﹕

一、以腳底用力踢。如：「把門踹開」。兒女英雄傳．第六回：「咱們踹開門，進去瞧瞧。」呢個係 jaang3。

二、踐踏、踩。儒林外史．第三回：「走出大門不多路，一腳踹在塘裡，掙起來，頭髮都跌散了。」呢個係踩。

完全冇幫手﹐到鐘埋檯食飯﹐我哋叫「踹腳埋檯」﹐讀 cyun2﹐所以唔係「穿」。

tonybean

比較同意4樓嘅講法。

 

如果兩個字都讀tsaai2，就喺意思上冇分別。字典上兩個字都有jaai2嘅白讀音，「踹」重有tsyn2嘅音。

 

「踹」普通話讀chuai去聲，打交係指用腳板底伸人一腳，多指水平方向。「踩」就多指垂直方向。

外外星人

原帖由 tonybean 於 2008-7-6 15:23 發表 比較同意4樓嘅講法。 如果兩個字都讀tsaai2，就喺意思上冇分別。字典上兩個字都有jaai2嘅白讀音，「踹」重有tsyn2嘅音。「踹」普通話讀chuai去聲，打交係指用腳板底伸人一腳，多指水平方向。「踩」就多指垂直方向。

 

讲出重点。

顺德水蛇粥

原帖由 tonybean 於 2008-7-6 15:23 發表 比較同意4樓嘅講法。   如果兩個字都讀tsaai2，就喺意思上冇分別。字典上兩個字都有jaai2嘅白讀音，「踹」重有tsyn2嘅音。   「踹」普通話讀chuai去聲，打交係指用腳板底伸人一腳，多指水平方向。「踩」就多指垂直 ...

完全清楚、明白。

tonybean

重未講清，以上祗係普通話語境解釋。

 

喺粵語語境，「踩」祗有垂直方向；「踹」就兩個方向都可以，兩個解釋，但一般為區別，會用jaang3或tsaang3。

唔三唔四蠢魚

踩，可能有意，也可能无意。
踹，绝对係专登嘅。应该係对应粤语嘅「」。

李四

原帖由 普君南拆遷居民 於 2008-7-4 11:23 發表 有人話踹單車同踩單車唔同，我就覺得踩、踹兩個字都同源，可能由於變讀而分化成兩個音。 有冇相關人士出嚟解畫？或者畀幾個例子。

兩者有乜分別好難講得清楚。搵日你出嚟，我做示範，踹完你一腳，再踩你一腳，你就會感受到有乜唔同。