广东话应该怎么学啊

alex

我都不知广东话该怎么学了。我学得已经很努力了，听一般的节目都听得懂。但是一看电影，就经常听到一段懞懞的，听不出来说什么。可能也是因为电影里面的人说话都不是特别的清。我问母语是广州话的人，你们看电影可以全部听懂吗。另外里面有相当多词语是字典上根本就没有的，这样我真不知道如何提高了

Kathy

電影通常都係愈拍得接近日常生活愈好嘅, 所以電影對白就同真實日常生活的對話差不多, 口語化,速度比較快,加入最新最流行的詞語和不會故意字正腔圓。 所以,對於學習廣東話的人來說, 要全聽懂真的不易。 但是, 你其實已經不錯, 你有努力去學, 聽一般節目都聽得懂, 證明你有一定的粵語聆聽能力了, 要進一步學好粵語, 我建議你可以和講廣州話的人多講粵語, 透過對話學聽讀能力, 又可以增加日常, 地道或最新的廣東話詞彙!!!!! alex, 你要繼續努力呀!!加油!!! 相信每一個在這裡的人都很樂意幫你學好廣東話的!!!!

highyun

电影系最难听清楚嘅。老实讲，一出粤语电影，特别系而家故作高深难懂嗰啲，如果冇咗字幕，我都会有唔少听唔清，所以听唔清粤语电影系好正常嘅，千祈唔好对自己失去信心啊。

吳越精神

等我敎你點學。 你去搵一部電影或者電視劇，由頭至尾睇一次。 捉住每一個細節，每一個字。力求演員講嘅每一個字都聽到。 有聽唔明嘅句子就錄音畀啲粵語聽力好過你嘅人聽，譬於嗰啲自細喺香港出生長大嘅人。 錄音軟件推薦使用goldwave，我一路都用緊佢。 http://download.pchome.net/multimedia/audio/6627.html 再加多個lame_enc.dll，唔係你錄低嘅嘢唔可以存爲mp3格式嘅文件。 將lame_enc.dll複製去c:\windows目錄底下。 呢種方法嘅靈感係嚟自鍾道隆逆向英語。

desmond

吳越精神係過來人，佢嘅意見好值得參考。

highyun

吳越精神在2005-06-20 21:08:24說道：[br]等我敎你點學。 你去搵一部電影或者電視劇，由頭至尾睇一次。 捉住每一個細節，每一個字。力求演員講嘅每一個字都聽到。 有聽唔明嘅句子就錄音畀啲粵語聽力好過你嘅人聽，譬於嗰啲自細喺香港出生長大嘅人。 錄音軟件推薦使用goldwave，我一路都用緊佢。 http://download.pchome.net/multimedia/audio/6627.html 再加多個lame_enc.dll，唔係你錄低嘅嘢唔可以存爲mp3格式嘅文件。 將lame_enc.dll複製去c:\windows目錄底下。 呢種方法嘅靈感係嚟自鍾道隆逆向英語。

你呢个方法使得，不过系对于粤语学得有有一定水平嘅人，初学粤语嘅人未可以噉做。最好嘅办法系睇住歌词听粤语歌。

顺德水蛇粥

建议你多睇星爷的电影，多听sam的歌，一定会快快的进步

jwing

alex在2005-06-19 15:08:13說道：[br]我都不知广东话该怎么学了。我学得已经很努力了，听一般的节目都听得懂。但是一看电影，就经常听到一段懞懞的，听不出来说什么。可能也是因为电影里面的人说话都不是特别的清。我问母语是广州话的人，你们看电影可以全部听懂吗。另外里面有相当多词语是字典上根本就没有的，这样我真不知道如何提高了

其實很簡單，就像普通話的口語中，多數是說“表”而不是“不要”，這類的 lazy pronunciation 在廣東話中一樣有。再加上個別演員的言語習慣，聽不全懂是很正常的，其實最可行的辦法就是生活中多些和廣東人溝通，大膽一些，不要怕出醜：）

desmond

bu + yao > bu + iao > biao 又幾得意喎。

多余￠空间

..聽粵語歌可唔可以吖？

desmond

聽粵語歌可以學發音，但係唔可以學文法，因為粵語歌多數都係以普通話填詞，用粵語發音嚟唱，但係而家啲香港啲粵語歌歌詞愈嚟愈多粵語詞啦，呢件係件好事嚟嘅。要聽粵語歌嚟學粵語，可以多聽粵語rap歌，rap歌嘅歌詞都係粵語口語嚟咖。粵語rap歌以陳冠希為代表。

Anl

唔可以以陳冠希爲代表，佢一口懶音聽壞你哋。講句眞嘅，香港啲rap歌全部都係懶音。以我個人感觀嚟講，陳冠希嘅最懶，聽mp4、大懶堂嗰啲都唔好聽陳冠希嘅。

highyun

我都极反对以rap歌嚟学粤语，一来因为唱rap歌嘅人嘅发音都唔准得去边，本身懒音都好犀利，二来因为rap歌好多歌词都唔系标准正宗嘅粤语，而系夹杂咗好多唔三唔四内容嘅语法唔啱嘅话，如果初学者接触呢啲歌词，只会走火入魔。 再讲陈冠a，本身都系abc，如果靠佢嚟学粤语，噉粤语就真正覆没喇、

蟲子

多啲睇星爷电影，特别係要留意嗰啲对白，我相信会好快提高嘅！

carrielong

听粤语歌学粤语其实局限性好大嘅，我觉得多睇有字幕嘅粤语电视剧，粤语进步的好快嘅喇！我从来都冇学过粤语，通过呢个方法，我而家对发音同埋语法都识唔小嘞喎！ em6:

desmond

carrielong在2005-08-10 22:04:40說道：[br]听粤语歌学粤语其实局限性好大嘅，我觉得多睇有字幕嘅粤语电视剧，粤语进步的好快嘅喇！我从来都冇学过粤语，通过呢个方法，我而家对发音同埋语法都识唔小嘞喎！ em6:

絕大多數嘅粵語歌都係用普通話嚟填詞，學唔到粵語文法架，最多學到粵語發音。

highyun

desmond在2005-08-10 22:54:06說道：[br][quote]carrielong在2005-08-10 22:04:40說道：[br]听粤语歌学粤语其实局限性好大嘅，我觉得多睇有字幕嘅粤语电视剧，粤语进步的好快嘅喇！我从来都冇学过粤语，通过呢个方法，我而家对发音同埋语法都识唔小嘞喎！ em6:

絕大多數嘅粵語歌都係用普通話嚟填詞，學唔到粵語文法架，最多學到粵語發音。[/quote] 听歌唔系学文法嘅最好方法，但绝对系学发音嘅最好方法。好多台湾或者内地歌声去香港发展，都系从唱粤语歌开始，从而好快学识粤语。

carrielong

所以我话听粤语歌嚟学粤语局限性好大嘅，只能学到发音，重唔识掂同广东人讲话嘅

rabi

carrielong在2005-08-10 22:04:40說道：[br]听粤语歌学粤语其实局限性好大嘅，我觉得多睇有字幕嘅粤语电视剧，粤语进步的好快嘅喇！我从来都冇学过粤语，通过呢个方法，我而家对发音同埋语法都识唔小嘞喎！ em6:

系啊！依家嘅粤语歌多数系书面语来噶，我早先听咗twins嘅歌觉得嗰个歌词经已倾向普通话喇，好似同日常嘅广东话差几多的~若果睇粤语电视剧就可以学咗好多实用嘅口语吖，我也觉得呢个方法得。。。 em3:

desmond

因為我唔係 twins fans，所以唔係非常清楚 twins 嘅歌詞係咪普通話化咗。 我淨係知道不嘍粵語歌嘅歌詞都係用普通話填詞（除咗許冠傑時代），用粵語發音嚟唱，但係近幾年嚟，粵語歌歌詞已經愈嚟愈粵語化，唔少歌連歌名都係粵語嚟嘅。尤其係 rap 嘅部份，當然全部都係粵語啦。